တရုတ်နှင့် ရုရှားစစ်တပ်များသည် သောကြာနေ့က ဂျပန်ပင်လယ်ဝေဟင်ပိုင်နက်တွင် အရေးပါသော ပူးတွဲ လေကြောင်းကင်းလှည့်မှု ကို နဝမအကြိမ်ပြုလုပ်ခဲ့သည်ဟု တရုတ်နိုင်ငံပိုင်ရုပ်သံ စီစီတီဗီက သတင်းထုတ်ပြန်သည်။
လေကြောင်းကင်းလှည့်မှုသည် နှစ်နိုင်ငံ နှစ်စဉ် ပူးပေါင်းဆောင်ရွက်ရေးအစီအစဉ်၏ တစ်စိတ်တစ်ဒေသဖြစ်သည်ဟု ဆိုသည်။
ဇူလိုင်လအတွင်းက နှစ်နိုင်ငံစစ်တပ်များသည် အမေရိက၏ အလတ်စကာပြည်နယ်အနီး မြောက်ပစိဖိတ်နှင့် အာတိတ်ဒေသတွင် မဟာဗျူဟာမြောက် ဗုံးကြဲလေယာဉ်များသုံး၍ ပူးတွဲလေကြောင်းကင်းလှည့်မှု ဆောင်ရွက်ခဲ့သဖြင့် အမေရိကနှင့် ကနေဒါတို့က တိုက်လေယာဉ်များကို အရေးပေါ် စေလွှတ်ခဲ့ရသည်။
ပေကျင်းကို ဒေါသထွက်စေသည့် ထိုင်ဝမ်သမ္မတ လိုင်ချင်းတေ၏ ပစိတ်ဖိတ်ခရီးစဉ် တစ်စိတ်တစ်ပိုင်းအဖြစ် ဟာဝိုင်ယီသို့ မသွားရောက်မီတွင် ကျွန်းဒေသဝန်းကျင်၌ တရုတ် စစ်လေယာဉ်နှင့် စစ်သင်္ဘော ၄၁ စီးကို စစ်ဆေးတွေ့ရှိခဲ့သည်ဟု သောကြာနေ့တွင်ပင် ထိုင်ဝမ်က ပြောဆိုခဲ့သည်။
ယင်းသည် ထိုင်ဝမ် ကာကွယ်ရေးဝန်ကြီးဌာန၏ နေ့စဉ်ဖော်ပြနေသော တရုတ်စစ်ဖက်ယာဉ်များလှုပ်ရှားမှုဆိုင်ရာ ကိန်းဂဏန်းးများတွင် ရက်သတ္တသုံးပတ်တာအတွင်း အရေအတွက်အများဆုံး ကိန်းဂဏန်းဖြစ်သည်ဟု အေအက်ဖ်ပီက ဖော်ပြခဲ့သည်။
Ref: ဂျေပီ