ဂျက်ကီချန်းကို အိတ်စ်ပို ၂၀၂၇ ဘဲလ်ဂရိတ်ပြပွဲအတွက် ကုန်အမှတ်တံဆိပ်သံတမန်ခန့်အပ်

ဘဲလ်ဂရိတ်၊ စက်တင်ဘာ ၁၀

ဆားဘီးယားသမ္မတ အယ်လက်ဆန်ဒါ ဗူချစ် သည် ကိုယ်ခံပညာရုပ်ရှင်သရုပ်ဆောင် ဂျက်ကီချန်းကို ဘဲလ်ဂရိတ်တွင်ကျင်းပပြုလုပ်မည့် အိတ်စ်ပို ၂၀၂၇ ပြပွဲအတွက် ကုန်အမှတ်တံဆိပ်သံတမန်အဖြစ်ခန့်အပ်လိုက်ကြောင်း အင်္ဂါနေ့က ကြေညာခဲ့သည်။

ဗူချစ်သည် ၎င်းတို့ နှစ်ဦး၏  ဓာတ်ပုံများကို အင်စတာဂရမ်တွင်မျှဝေခဲ့ပြီး ၎င်းတို့နှစ်ဦးသည် ပန်ဒါအရုပ်များဖြင့် ပို့စ်ပေးနေသည်ကို ပြသခဲ့သည်။ သူသည် ချန်းကို “ကမ္ဘာ့ရုပ်ရှင် သရုပ်ဆောင်နှင့် ကမ္ဘာ့အကြီးကျယ်ဆုံး ယဉ်ကျေးမှုသံတမန်များထဲမှ တစ်ဦးဖြစ်သည်” ဟုပြောသည်။ ၎င်း၏ လူချစ်လူခင်များမှု နှင့် ၎င်း၏ စွမ်းအင်သည် ဆားဘီးယားကို ကမ္ဘာသို့တင်ပြရန် အထောက်အကူဖြစ်စေမည်ဟုလည်း သူက ပြောဆိုခဲ့သည်။

“ဆားဘီးယား မှာ အိတ်စ်ပိုကို ကိုယ်စားပြုခွင့်ရတဲ့အတွက် အရမ်းဂုဏ်ယူမိပါတယ်။ အိတ်စ်ပို ၂၀၂၇ ပြပွဲရဲ့ ပရိုမိုတာ တစ်ယောက်အနေနဲ့ ကျွန်တော်တို့နိုင်ငံကိုကမ္ဘာက အာရုံစိုက်မယ့်ပွဲတစ်ခုကို တင်ဆက်ရာမှာသူက အထောက်အကူပေးသွားမယ်လို့ ယုံကြည်ပါတယ်” ဟု ဗူချစ် က ရေးသားခဲ့သည်။

ဆားဘီးယားသည် အိတ်စ်ပို ၂၀၂၇ ပြပွဲ ကို “လူသားမျိုးနွယ်အတွက် အားကစားနှင့် အားလုံးအတွက် ဂီတ” ဟူသော ဆောင်ပုဒ်ဖြင့် ကုန်စည်ပြပွဲကို အိမ်ရှင်အဖြစ် လက်ခံကျင်းပရန် ကမ်းလှမ်းမှုကို ရရှိခဲ့သည်။ ဤပွဲကိုလာရောက်လည်ပတ်သူ သန်းနဲ့ချီ ရှိနိုင်ပြီး နိုင်ငံတကာ၏ အာရုံစိုက်မှုကို ကျယ်ကျယ်ပြန့်ပြန့်ဆွဲဆောင်နိုင်ဖို့ မျှော်လင့်ထားခဲ့ကြသည်။

ယခုနှစ်အစောပိုင်းတွင် အိုလံပစ်တာတိုအပြေးချန်ပီယံ အူစိန်ဘော့ကိုသံတမန်အဖြစ် ခန့်အပ်ခဲ့သည်။ အားကစားနှင့် ဖျော်ဖြေရေး၌ ကမ္ဘာကျော်သူများနှင့် ကြော်ငြာရန် ပွဲစီစဉ်သူများက ကြိုးပမ်းလေ့ရှိကြောင်းကို အလေးပေးဖော်ပြခဲ့သည်။

Ref: ရှင်းဟွာ