ဂီတပညာရှင် အကယ်ဒမီစန္ဒရားတင်၀င်းလှိုင်ရဲ့ စျာပနမြင်ကွင်း
ထပ်ဆင့်အကယ်ဒမီ စန္ဒရားတင်၀င်းလှိုင်ရဲ့ စျာပနအခမ်းအနားကို ယနေ့ ဇူလိုင် ၁၆ ရက် (စနေ့နေ့)နေ့လည် ၂ နာရီ၊ ရန်ကုန်မြို့ရေဝေးသုသာန်မှာပြုလုပ်ခဲ့ပါတယ်။
စန္ဒရားတင်၀င်းလှိုင်ဟာ စန္ဒရားတီးခတ်ခြင်းအပြင် တေးသီချင်းသီဆိုခြင်း၊ ရေးစပ်ခြင်းစတာတွေကိုလည်း ပြုလုပ်လေ့ရှိတဲ့ ဘက်စုံထူးချွန်သူ ဂီတပညာရှင်တစ်ဦးဖြစ်ပြီး နောက်ဆုံးအကယ်ဒမီဆုကိုတော့ ‘ကြယ်စင်မော်ကွန်း’ ဇာတ်ကားနဲ့ရုပ်ရှင်တေးဂီတဆုကိုရရှိခဲ့တာဖြစ်ပါတယ်။
စန္ဒရားတင်၀င်းလှိုင်ဟာ ဇူလိုင်လ ၁၄ ရက် (ကြာသပတေးနေ့) မနက် ၁ နာရီ ၂၀ မိနစ်ဝန်းကျင်၊ အာရှတော်ဝင်အထူးကုဆေးရုံကြီးမှာ
ကျောက်ကပ်ရောဂါနဲ့ ကွယ်လွန်ခဲ့တာဖြစ်ပြီးရက်လည်ဆွမ်းကျွေးကိုတော့ ဇူလိုင်လ ၂၀ ရက် (ဗုဒ္ဓဟူးနေ့)မှာပြုလုပ်သွားမယ်လို့သိရပါတယ်။
ဆရာဦးဟိန်းလတ်မှ စန္ဒရားတင်၀င်းလှိုင်ကွယ်လွန်ခြင်းနဲ့ပတ်သက်ပြီး အမှတ်တရစကား အခုလိုပဲပြောထားပါတယ်။
“အသက်ဆယ်နှစ်ကျော်ဆယ့်နှစ်နှစ်လောက်ကထဲကစန္ဒယားတီးတာထူးချွန်လွန်းလို့ဆုတွေအများးကြီးရခဲ့သူ။ နောက်ဆိုဘာပြိုင်ပွဲမှမဝင်ပါနဲ့မောင်တင်ဝင်းရယ် မင်းသာပြိုင်ရင်မင်းပဲရမှာလို့ဒိုင်လူကြီးတွေကတားယူရသူ။ ရုပ်ချောလွန်းလို့ဆရာသာဓုက “တာဝန်”ဆိုတဲ့ဇါတ်ကားမှာမင်းသားတင်ရိုက်။ ပညာမှာလည်းM.A.ဘွဲ့ရခဲ့။ မင်းသားကြီးဝင်းဦးနဲ့တွဲဘက်အညီဆုံးစန္ဒယားပညာရှင်။ ရုပ်ရှင်နောက်ခံတေးအကယ်ဒမီနှစ်ထပ်ကွမ်း။သူ့ရဲ့တစ်ကိုယ်တော်ဖျော်ဖြေပွဲတိုင်း သူငယ်ချင်းမင်းလာဖြစ်အောင်လာဆိုပြီးရှေ့ဆုံးတန်းမှာခုံနေရာပေးခဲ့။ ဂီတကိုခြေခြေမြစ်မြစ်နှစ်နှစ်ကာကာသိသူ ပြန်ပြောတတ်သူ။ ကျွန်တော်နဲ့တွေ့ဖို့ မြေနီကုန်းအိမ်ကနေမြို့ထဲကကျွန်တော့်ရုံးကိုဘတ်စ်ကားမစီးပဲလမ်းလျှောက်လာတတ်သူ။ မနက်တိုင်းညတိုင်းမပျက်မကွက် Facebookကနေနှုတ်ခွန်းဆက် ဟာသတွေပြော မြန်မာစကားလုံးဝေါဟာရကြွယ်ဝစွာ ဖွဲ့နွဲ့ရေးသားတတ်သူ။ အနပညာမာနကြီးလွန်းသူကြီး။ မှန်တဲ့အရာဆိုလူရှေ့သူရှေ့ဘာမှမရှောင်ပြောရဲသူ(ဥပမာ-အကယ်ဒမီညကျေးဇူးတင်စကား)နှမျောတသ လွမ်းလို့မကုန်ပါ အနုပညာ မဟာဝိဇ္ဇာ သူငယ်ချင်းကြီး”… လို့ အောက်မေ့လွမ်းဆွတ်ဖွယ် ရေးသားပြီး လူမှုကွန်ယက်မှာ မျှဝေခဲ့ပါတယ် ။
