ချစ်သူများနေ့၌ ထိုင်းနိုင်ငံဘန်ရတ်ခ်ခရိုင်တွင် စုံတွဲပေါင်းငါးရာကျော်မင်္ဂလာလက်မှတ်ရေးထိုး

ပြည်သူ့အသံများကိုပိုမိုထိရောက်စွာနားထောင်ပေးရန်အတွက် မွန်ပြည်နယ်လွှတ်တော်၌ တိုင်ကြားစာလေ့လာစိစစ်သုံးသပ်ရေးကော်မတီဖွဲ့စည်းသွားမည်ဖြစ် ကြောင်း သိရသည်။ မွန်ပြည်နယ်လွှတ်တော်က ပြည်သူ့အသံများဖြစ်သော တိုင်ကြားစာ၊ အသနားခံစာများကို လက်ခံဖြေရှင်းပေးလျက်ရှိရာမှ ပိုမိုထိရောက်အားကောင်းစွာဖြေရှင်းနိုင်ရန်ရည်ရွယ်၍ တိုင်ကြားစာ၊ အသနားခံစာ၊ တင်ပြစာ များနှင့် အထွေထွေကိစ္စရပ်များလေ့လာသုံးသပ်ရေး ကော်မတီကို ပြည်နယ်လွှတ်တော်ကိုယ်စားလှယ်များဖြင့်ဖွဲ့စည်းသွားမည်ဖြစ်ကြောင်း သိရသည်။ " ပြည်သူ့အသံများကိုကျယ်ပြန့်စွာနားထောင်နိုင်ရန်အတွက် တိုင်ကြားစာနှင့်ပတ်သက်သည့် ကော်မတီကို ဖွဲ့စည်းပေးသွားမည်"ဟု ပြည်နယ်လွှတ်တော်ဥက္ကဋ္ဌက ပြောကြားထားသည်။ ကော်မတီဖွဲ့စည်းပြီးပါက တိုင်ကြားစာများလက်ခံခြင်း၊ စိစစ်ခြင်း၊ ကွင်းဆင်းဆောင်ရွက်ခြင်း၊ ညှိနှိုင်းဖြေရှင်းခြင်း၊ တိုင်ကြားစာများအပေါ် ကော်မတီ၏ သဘော ထားမှတ်ချက်ဖြင့် အစိုးရအဖွဲ့နှင့်ညှိနှိုင်းပေးခြင်းများကိုပြုလုပ်သွားမည်ဖြစ်ကြောင်း သိရသည်။

ရုရှားနိုင်ငံ၏ အမျိုးသားနေ့အထိမ်းအမှတ်ဧည့်ခံပွဲကို ယနေ့ ဇွန် ၁၁ ရက်ညပိုင်းက မြန်မာနိုင်ငံဆိုင်ရာ ရုရှားနိုင်ငံသံရုံးကကြီးမှူး၍ ရန်ကုန်မြို့၌ကျင်းပရာ ဒု-သမ္မ တဒေါ်နန်းနီနီအေးတက်ရောက်ခဲ့ကြောင်း သိရသည်။ အခမ်းအနားကို မြန်မာနိုင်ငံတော်နှင့် ရုရှားနိုင်ငံတို့၏ နိုင်ငံတော်သီချင်းများဖြင့်ဖွင့်လှစ်ပြီး ရုရှားနိုင်ငံ သံရုံးယာယီတာဝန်ခံက နှုတ်ခွန်းဆက်စကားပြောကြားပြီးနောက် ရုရှားနိုင်ငံ၏ ယဉ်ကျေးမှုအမွေအနှစ်များ၊ သိပ္ပံ ပညာဆိုင်ရာအောင်မြင်မှုများ၊ စီးပွားရေးဖွံ့ဖြိုးတိုး တက်မှုနှင့် နိုင်ငံတကာရေးရာအခန်းကဏ္ဍမှတ်တမ်း ဗီဒီယိုကိုပြသခဲ့ကြောင်း သိရသည်။ ထို့နောက် ဒု-သမ္မတဒေါ်နန်းနီနီအေးနှင့် တက်ရောက် လာကြသူများက ညစာသုံးဆောင်ရာ ရုရှားနိုင်ငံ၏ ယဉ်ကျေးမှုအဖွဲ့များက ရိုးရာယဉ်ကျေးမှုအကအလှများ၊ တေးသီချင်းများဖြင့် သီဆိုကပြဖျော်ဖြေတင်ဆက်ခဲ့ကြကြောင်း သိရသည်။

တတိယအကြိမ် ရန်ကုန်တိုင်းဒေသကြီးလွှတ်တော် ဒုတိယပုံမှန်အစည်းအဝေး ဒုတိယနေ့ကို မနက်ဖြန် ဇွန် ၁၂ ရက်တွင်ကျင်းပမည်ဖြစ်ရာ လွှတ်တော်ကိုယ်စား လှယ်များက ကြယ်ပွင့်ပြမေးခွန်း(၈)ခုကို မေးမြန်းဆွေး နွေးကြမည်ဖြစ်ကြောင်း အစည်းအဝေးအစီအစဥ်အရ သိရသည်။ ဗဟန်းမြို့နယ် လွှတ်တော်ကိုယ်စားလှယ်အမှတ်(၁) ဒေါ်ရီရီတင်၊ ဒဂုံမြို့သစ်(မြောက်ပိုင်း)မြို့နယ်လွှတ်တော်ကိုယ်စားလှယ်အမှတ်(၁)ဒေါ်ဇာခြည်လင်း၊ ရွှေပြည်သာမြို့နယ်လွှတ်တော်ကိုယ်စားလှယ်အမှတ်(၁) ဦးသိန်းနိုင်၊ တိုက်ကြီးမြို့နယ်လွှတ်တော်ကိုယ်စားလှယ်အမှတ်(၂)ဦးစိုးဝင်းအောင်၊ ကျောက်တန်းမြို့နယ်လွှတ် တော်ကိုယ်စားလှယ်အမှတ်(၁)ဒေါ်အေးမင်းမိုးတို့က ကြယ်ပွင့်ပြမေးခွန်းများကိုမေးမြန်းသွားကြမည်ဖြစ် ကြောင်း သိရသည်။ ထို့ပြင် ရန်ကုန်တိုင်းဒေသကြီးလွှတ်တော်တွင်ဖွဲ့စည်းခဲ့သော ကော်မတီ(၂)ခုတွင် ကော်မတီဝင်အသစ်များ ထည့်သွင်းတာဝန်ပေးအပ်ခြင်းအတွက်လည်း လွှတ် တော်၏အတည်ပြုချက်ရယူသွားမည်ဖြစ်ကြောင်း သိရသည်။ ထို့အတူ "ရန်ကုန်တိုင်းဒေသကြီး ဂုဏ်ထူးဆောင်လက် မှတ်နှင့် ဂုဏ်ထူးဆောင်ဆုပစ္စည်းများချီးမြှင့်ခြင်းဆိုင် ရာဥပဒေကြမ်း"နှင့်ပတ်သက်၍ ဥပဒေကြမ်းကော်မတီ...