ခရီးသွားများ ပိုမိုဝင်ရောက်လာရေးအတွက် ခရီးသွားပြပွဲများပြုလုပ်မည်‎မြန်မာနိုင်ငံသို့ ‎ခရီးသွားဧည့်သည်များ ပိုမိုလာရောက်လည်ပတ်ကြစေရေးအတွက် ခရီးသွားပြပွဲများပြုလုပ်ရန် စီစဉ်နေကြောင်း မြန်မာနိုင်ငံခရီးသွားလုပ်ငန်းအဖွဲ့ချုပ်မှ သိရသည်။

လက်ရှိ၌လည်း ခရီးသွားဧည့်သည်များ ပိုမိုလာရောက်စေနိုင်ရန် ခရီးစဉ်ဒေသများ မြှင့်တင်ကြော်ငြာလျက်ရှိနေသည်။

ထိုကဲ့သို့ ပြုလုပ်မည့် ပြပွဲများသည် မြန်မာနိုင်ငံရှိ ခရီးစဉ်ဒေသများ၏ ပကတိအခြေအနေမှန်ကို သိရှိပြီး နိုင်ငံတကာမှ ခရီးသွားဧည့်သည်များ ပိုမိုလာရောက် လည်ပတ်ကြစေရေး ဆွဲဆောင်နိုင်မည်ဖြစ်ကာ ခရီးသွားလုပ်ငန်းတွင် ပုဂ္ဂလိကကဏ္ဍအချင်းချင်း နီးကပ်စွာပူးပေါင်း ဆောင်ရွက်နိုင်မည်ဟုလည်း သိရသည်။

ထို့ပြင် မြန်မာနိုင်ငံရှိ အဓိကခရီးစဉ်ဒေသကြီးများသာမက အလားအလာရှိသည့် ခရီးစဉ်ဒေသအသစ်များ ဖော်ထုတ်မြှင့်တင်နိုင်ရေးအတွက်လည်း စီစဉ်ဆောင်ရွက်နေကြောင်းလည်း သိရသည်။

Photo -Getty