တနင်္သာရီတိုင်းဝန်ကြီးချုပ်ဦးဇော်နိုင်ဦးက ယနေ့ ဇူ လိုင် ၂၃ ရက်တွင် ကော့သောင်းမြို့၌ ကော့သောင်းမြို့ ခရီးသွားလုပ်ငန်းအဖွဲ့အစည်းများမှ ကိုယ်စားလှယ်များ၊ ဟိုတယ်နှင့်ခရီးသွားလုပ်ငန်းရှင်များ၊ ဒေသခံခ ရီးသွားလုပ်ငန်းဆိုင်ရာ လူမှုစီးပွားကဏ္ဍအသီးသီးမှ လုပ်ငန်းရှင်များနှင့်တွေ့ဆုံစဥ် အထက်ပါအတိုင်းပြောကြားခဲ့ခြင်းဖြစ်သည်။
ခရီးသွားကျွန်းများတွင် Solar စနစ်ပိုမိုအသုံးပြုရန်၊ Plastic-Free Islands၊ သန္တာကျောက်တန်းထိန်းသိမ်းရန်၊ စနစ်တကျစွန့်ပစ်ပစ္စည်းစီမံခန့်ခွဲရေးကို တိတိကျ ကျလိုက်နာဆောင်ရွက်ရန် Mass Tourism ထက် Eco- Tourism နှင့် High-Value Tourism ကိုအလေးထားဖော်ဆောင်ရန်တိုက်တွန်းပြောကြားသည်။
နယ်စပ်ဝင်ပေါက်မှ နိုင်ငံတကာခရီးသည်များပိုမိုဝင်ရောက်လာနိုင်ရေး ဗီဇာလုပ်ထုံးလုပ်နည်းများနှင့် ညအိပ်ရပ်နားခွင့်ဗီဇာသက်တမ်းတိုးမြှင့်နိုင်ရေးကို သက် ဆိုင်ရာ ပြည်ထောင်စုဝန်ကြီးဌာနများနှင့် ညှိနှိုင်းဆောင်ရွက်ရန်လည်း တိုက်တွန်းပြောကြားသည်။
” ကော့သောင်းလေဆိပ်အဆင့်မြှင့်တင်ရေး၊ ခရီးသည်တင်သင်္ဘောဆိပ်ကမ်းတွေ စနစ်တကျဖွံ့ဖြိုးရေးနဲ့ လျှပ် စစ်မီးရရှိရေးတွေကို ဆက်လက်အကောင်အထည်ဖော် ဆောင်ရွက်သွားပါမယ်”ဟု တိုင်းဝန်ကြီးချုပ်က ပြောကြားသည်။
ကော့သောင်းမြို့သည် သဘာဝရေမြေတောတောင်အ လှအပများ၊ ရေပေါ်ရေအောက်သဘာဝသယံဇာတများဖြင့်ပြည့်စုံကာ ထိုင်းနိုင်ငံနှင့် နယ်စပ်ချင်းထိစပ်နေသည့် ဗျူဟာမြောက်တံခါးပေါက်ဖြစ်၍ Border Tourism ဖွံ့ဖြိုးတိုးတက်ရန်အလွန်အလားအလာကောင်းသည့်မြို့ဖြစ်ရာ ဒေသခံများအတွက် စီးပွားရေးအခွင့်အလမ်းများဖန်တီးပေးနိုင်ရန်၊ ရေရှည်တည်တံ့သောခရီးသွားလုပ်ငန်းစနစ်တည်ဆောက်ရန် ဝိုင်းဝန်းဆောင်ရွက်ရမည်ဟု ပြောကြားသည်။
ထို့ပြင် Community-Based Tourism (CBT)တိုးချဲ့ရေး၊ ဆလုံတိုင်းရင်းသားကျေးရွာများနှင့် ရေလုပ်ငန်းအခြေပြုကျေးရွာများတွင် ဒေသခံများကိုဧည့်လမ်း ညွှန်လုပ်ငန်း၊ ရိုးရာလက်မှုထုတ်ကုန်ရောင်းချရေးနှင့် ဒေသထွက်အစားအစာများဖြင့် ဧည့်ခံနိုင်ရေးဆိုင်ရာ သင်တန်းများနှင့် အထောက်အပံ့များကိုလည်း ပိုမိုဆောင်ရွက်ပေးမည်ဟု ပြောကြားခဲ့သည်။
ထို့နောက် တနင်္သာရီတိုင်းဒေသဆိုင်ရာခရီးသွားလုပ် ငန်းကော်မတီအဖွဲ့ဝင် ဦးဗညားသိုင်းမွန်က ခရီးစဉ်ဒေ သအတွင်းရှိ ဟိုတယ်နှင့်ခရီးသွားလုပ်ငန်းရှင်များ စု ပေါင်းလှူဒါန်းသည့် ဒေသဖွံ့ဖြိုးရေးရန်ပုံငွေကျပ်သိန်း (၂၀၀)ကို တိုင်းဝန်ကြီးချုပ်ထံပေးအပ်လှူဒါန်းရာ ဂုဏ်ပြုမှတ်တမ်းလွှာပြန်လည်ပေးအပ်ခဲ့သည်။