ခရီးသွားကာလဖြစ်၍ Toll Plaza များတွင်ကြန့်ကြာမှုဖြစ်ပေါ် ခဲ့ပါက နားလည်မှုဖြင့်ပူးပေါင်းဆောင်ရွက်ပေးကြပါရန် Max Highway က ခရီးသွားများကို မေတ္တာရပ်ခံခဲ့သည်။
ယနေ့ ဖေဖော်ဝါရီ ၁၂ ရက်မှ ၁၇ ရက်အထိသည် ရုံး ပိတ်ရက်ရှည်ဖြစ်ရာ အနယ်နယ်အရပ်ရပ်သို့ ခရီးသွားလာမည့် ခရီးသွားယာဉ်များများပြား၍ Toll Plaza များတွင် ကြန့်ကြာမှုတစ်စုံတစ်ရာဖြစ်ပေါ် ခဲ့ပါက နားလည်မှုဖြင့် ပူးပေါင်းဆောင်ရွက်ပေးကြပါရန် မေတ္တာရပ်ခံခဲ့သည်။
ထိုသို့ ကြန့်ကြာမှုတစ်စုံတစ်ရာမဖြစ်ပေါ်စေရေး၊ ခရီး သွားများ ဘေးအန္တရာယ်ကင်းရှင်းစွာ ခရီးသွားလာနိုင်စေရေးနှင့် ယာဉ်ကြောပိတ်ဆို့မှုများမဖြစ်ပေါ်စေရေးအတွက်လည်း Max Highway မှကြိုတင်ပြင်ဆင်စီမံထားရှိပြီးဖြစ်သည်ဟု အသိပေးခဲ့သည်။
ထို့အတူ ခရီးသွားများအနေဖြင့်လည်း ယာဉ်စည်းကမ်း၊ လမ်းစည်းကမ်းများကို လေးစားလိုက်နာပြီး မိမိတို့၏ လိုရာခရီးကို ဘေးကင်းစွာသတိပြုမောင်းနှင်ကြပါရန်လည်း Max Highway ကတိုက်တွန်းနှိုးဆော်ခဲ့သည်။