မန္တလေးတိုင်း ဒေသကြီးတွင်ပင် ထူးထူးခြားခြား ကျောက်စိမ်း စေတီနှစ်ဆူ ရှိလေ၏။ တစ်ဆူက အမရပူရမြို့နယ်၊ ဆင်ရွာ၊ မြင်း မူး ကျေးရွာ ရှိ ဝေရောစန ကျောက်စိမ်း စေတီဖြစ်၏။ ကျန်တစ်ဆူကား နွားထိုးကြီးမြို့နယ်၊ အောင်ပန်းကုန် ကျေးရွာ (နွားထိုးကြီး – မလှိုင် ခရိုင်ချင်း ဆက်ကား လမ်းပေါ်တွင်ရှိ) တွင် တည်ထားသည့် သဗ္ဗ ညုကျောက်စိမ်း စေတီတို့ပင်ဖြစ်လေ၏။ စာရေးသူ ကား ကျောက် စိမ်း စေတီနှစ်ဆူလုံး ဖူးမြော်ခွင့် ရခဲ့ပြီးဖြစ်၏။ ဝေရောစန ကျောက်စိမ်း စေတီမြတ်အား မြေသန့် မင်္ဂလာအဖြစ် ၂ဝ၁၂ ခုနှစ်၊ ဒီဇင်ဘာ လ ၂၁ ရက်နှင့် ပန္နက်တော်တင်ခြင်း၊ တွင်းတော်ဝန်း မင်္ဂလာအဖြစ် ဒီဇင် ဘာလ၂၃ရက်တွင် လည်းကောင်း ကျင်းပခဲ့၏။ စေတီတော်၏ ဥာဏ် တော် အမြင့် ၇၅ ပေ ၆ လက်မ၊ လုံးပတ်တော် ၁၇၆ပေရှိ၏။ ထီး တော် အမြင့် ၇ ပေ၊ ငှက်ပျောဖူး အမြင့် ၈ ပေ ၆ လက်မ အသီးသီးရှိ၏။ ပန်းတင်ခုံ အလျားအနံ ၅၂ ပေ ၆ လက်မနှင့် အမြင့် ၁၂ ပေရှိ၏။ ပန်းတင်ခုံအတွင်း၌ မုခ်လေးမုခ် ရှိပြီး မုခ်များ အတွင်း ကျောက်စိမ်း ဆင်းတုတော်များ ပူဇော်ထား၏။ စေတီတော်ကြီး တည်ထားရာတွင် အုတ်လုံးဝ အသုံးမပြုဘဲ ကျောက်စိမ်း များနှင့်သာတည်ထားခြင်း ဖြစ်ပေ ၏။ စေတီတော်ဝန်းကျင်တွင် ဥယျာဉ် ထည့်သွင်းပြီးဖွား၊ ပွင့်၊ ဟော၊ စံ ရုပ်ပွားတော်များ၊ ဓမ္မစင်္ကြာ တရားဦးဟောတော်မူခန်း၊ ပရိနိဗ္ဗာန် စံတော်မူခန်း၊ ပါရမီတော် ၁ဝ ပါး ကျောက်စိမ်းစာလုံးများ၊ အောင်ခြင်း ရှစ်ပါး၊ ဇာတ်ကြီး ဆယ်ဘွဲ့ ကျောက်စိမ်း ပန်းချီများကိုလည်း ထည့်သွင်း ပူဇော်ထားလေ၏။ အရှေ့ဘက် မုခ်အဝင်တွင် ကျောက်စိမ်း၊ ကျောက် ပြင်နှင့် သနပ်ခါးတုံး များထားရှိ၍ အမျိုးသမီး ပရိသတ်အပြင် လူငယ် များနှင့်အတူ စည်ကားလေ၏။ စေတီတော်ဝန်းကျင် အောက်ခြေပတ် လမ်းကိုလည်း သဘာဝ ကျွန်းတိုင်များဖြင့် အလှဆင်ကာ အမိုးပါ စင်္ကြံ တည်ဆောက်နေသည် ကိုလည်း မြင်တွေ့ ခဲ့ရပြန် ပါ၏။ ကျောက် စိမ်း တန်ချိန် တစ်ထောင်ကျော်ဖြင့် တည်ထားသည့် ရန်ကုန်- မန္တလေး အမြန်လမ်း၊ စစ်ကိုင်း- မြစ်ငယ် ကားလမ်း အနီးတွင် ရှိ သည့် ဝေရော စနကျောက်စိမ်း စေတီအား မန္တလေး သို့ ရောက်ပါက ဖူးမြော်ဖြစ်အောင် ဖူးမြော်စေချင်ပါတယ်။
ဆက်လက်၍ ခရီးကြုံပါက နွားထိုးကြီးမြို့ အရှေ့ဘက်မှ သဗ္ဗညု ကျောက်စိမ်းစေတီ ကိုလည်း ဖူးမြော် ရန် တိုက်တွန်းလို၏။ မြန်မာ သက္ကရာဇ် ၁၃၇၂ ခုနှစ်မှ ၁၃၇၆ ခုနှစ်အတွင်း တည်ထားခဲ့သည် ဆို ပေ၏။ ဘုရားတည်ထားသူ ဒါယကာ သည် တိပိဋက ယောဆရာတော်၏ “ဘုရားမြေပေါ်တည်မည် ဆိုပါက မြေပေါ်မတည်မီ နှလုံးသားပေါ်ကို အရင်ရှေးဦးစွာတည်ရမည်” ဟူသော မိန့်ကြားချက် အတိုင်း နှလုံးသား ဝယ် ဘုရား အရင်တည်၏။ တစ်နှစ်ကျော်ခန့် ဘုရား ဂုဏ်တော်များ ပွားများပြီး မှ မြေပေါ် သို့ ကျောက်စိမ်းစေတီ တည်လေ၏။ ကောင်းမွန် လှသော စိတ်ကူးစိတ်သန်းပင် ဖြစ်လေ၏။ ၁၃၇၆ ခုနှစ် တပေါင်း လပြည့် ကျော် ၈ ရက်နေ့တွင် ဌာပနာသွင်း မင်္ဂလာနှင့် ထီးတော်တင် မင်္ဂလာကို ကျင်းပခဲ့၏။ အလှူဒါယကာမှ ကြည်နူး သဒ္ဓါ ထူးပြန်၍ ပေ ၁၄ဝ x ၇ဝရှိ သဒ္ဓမ္မဇောတကဓမ္မ ဗိမာန်တော်ကိုလည်း လှူဒါန်းပြန်၏။ သဗ္ဗညု ကျောက်စိမ်း စေတီတော်မြတ် ကြီး၏ ဗုဒ္ဓဘိသေကမင်္ဂလာနှင့် သဒ္ဓမ္မဇောတကဓမ္မ ဗိမာန်တော် ရေစက်ချလှူဒါန်းခြင်းကို ၁၃၇၇ ခုနှစ် ကဆုန်လပြည့်နေ့တွင် ကျင်းပခဲ့လေ၏။
ကျောက်စိမ်းစေတီ ကုန်းမြေ ပလ္လင် အမြင့် ၁၅ ပေရှိ၏။ ဥာဏ် တော် အမြင့် ၄၂ ပေ၊ စိန်ဖူးတော် အမြင့် ၈ ပေရှိ၏။ စေတီတော် ပလ္လင်အောက်ခြေ နံရံ၌ လိုဏ်ထည့် သွင်း တည်ဆောက်ထား၏။ ထိုလိုဏ်များ အတွင်း ပွင့်ခဲ့ပြီးသော ဘုရားရှင်များ၏ ဆင်းတုတော်များ အသီးသီး ပူဇော်ထား၏။ စေတီတော် ရင်ပြင်တွင်လည်း ဆွမ်းသပိတ်၊ အသီးအနှံမျိုးစုံခဲဘွယ်များ၊ ပန်းအိုး များအားလည်း အမြင် ထူးခြားအောင် ပြုလုပ်ထား၏။ မန္တလေးဘက်မှ သွား မည်ဆိုပါက ကျောက်ဆည် – မြစ် သား-နွားထိုးကြီးလမ်းအတိုင်း၊ မန္တလေး- ရန်ကုန် အမြန်လမ်း အတိုင်း ဆိုပါက ပြင်စည်မိုင်တိုင် ၃၂၅/၇ မှတစ်ဆင့် နွားထိုးကြီးသို့ လည်း ကောင်း၊ မလှိုင်မှ ခရိုင်ချင်း ဆက်လမ်းအတိုင်းလည်းကောင်း ဝင်ရောက်ပြီး အောင်ပန်းကုန်း ကျေးရွာ၌ တည်ထားသည့် သဗ္ဗညု ကျောက်စိမ်းစေတီအား ဝင်ရောက် ဖူးမြော်နိုင်ပေ၏။ ဘုရားဒါယကာ နှစ်ဦး၏ ထူးခြားသည့် ပူဇော်မှုများ နှင့် တည်ထားသည့် ကျောက်စိမ်း စေတီများအား အခွင့်သင့်သလို ဝင်ရောက်ကြည်ညို ကြပါရန် ဖိတ်မန္တ ကပြုရပါ၏။
နိုင်ထွန်း (TGI)