မွန်ပြည်နယ်၊ ကျိုက္ခမီမြို့တွင် မြို့လုံးကျွတ် ဆွမ်းဆန်စိမ်းနှင့် ပျားရည်ဆွမ်းများ လောင်းလှူပူဇော်ပွဲကို လာမည့် စက်တင်ဘာ ၂၅ ရက် ညနေ ၄နာရီတွင် ကျင်း ပသွားမည်ဖြစ်ကြောင်း ကျိုက္ခမီရေလယ်ဘုရားဂေါပကအဖွဲ့၏ ထုတ်ပြန်ချက်အရ သိရသည်။
ဆွမ်းလောင်းလှူပွဲကို ကျိုက္ခမီရေလယ်ဘုရားကုန်းတော်ပေါ်ရှိ သီရိဇေယျာခန်းမဆောင်ကြီးမှ စတင်၍ မြို့လယ်ကျောက်တိုင်အနီးရှိ ဦးရေဝတလမ်းဝအထိ ကျင်း ပသွားမည်ဖြစ်သည်။
အဆိုပါဆွမ်းလောင်းလှူပွဲသို့ ကျိုက္ခမီမြို့ရှိ ဘုန်းတော်ကြီးကျောင်း ၅၈ ကျောင်းမှ ဝါဆိုရဟန်းသံဃာတော် ၂၉၀ ပါး၊ ဝါဆိုရှင်သာမဏေ ၁၉၂ ပါးနှင့် သီလရှင် ၁၄ ပါး၊ စုစုပေါင်း ၄၉၆ ပါး အလှူခံကြွရောက်မည်ဖြစ်ကြောင်း ဂေါပက
အဖွဲ့က အသိပေးထားသည်။
ထို့ကြောင့် ဆွမ်းဆန်စိမ်းနှင့် ပျားရည်ဆွမ်းများ လာရောက်လောင်းလှူလိုသူ မည်သူမဆို ပါဝင်လှူဒါန်းနိုင်ကြောင်း ကျိုက္ခမီရေလယ်ဘုရားဂေါပကအဖွဲ့က နှိုးဆော်ထားသည်။