အမေရိကန်အစိုးရ၏လုပ်ငန်းများ ရပ်ဆိုင်းထားခြင်းကြောင့် ယူကရိန်းအတွက် အမေရိကန်စစ်ရေးအထောက်အပံ့ဆိုင်ရာ ဆွေးနွေးမှုများ ရပ်တန့်သွားခဲ့ပြီး၊ အမေရိကန်လက်နက်များပေးပို့ခြင်းကို ထိခို-က်စေနိုင်ကြောင်း ယူကရိန်းအစိုးရအတွင်းမှ သတင်းရင်းမြစ်တစ်ခုကို ကိုးကား၍ The Telegraph သတင်းစာ၏ ဖော်ပြချက်အရ သိရသည်။
သတင်းစာက ကိုးကားဖော်ပြသော ထိုသတင်းရင်းမြစ်၏ ပြောကြားချက်တွင် “အဓိက စိုးရိမ်ပူပန်မှုကတော့ ကျွန်တော်တို့ အနာဂတ်လက်နက်တင်ပို့မှုတွေနဲ့ ပတ်သက်ပြီး ဆွေးနွေးမှုတွေ အများကြီး လုပ်နေတာပါပဲ… အနာဂတ်စီမံကိန်းအားလုံး နည်းနည်းထိခို-က်မှုရှိပါတယ်၊ ဘာလို့လဲဆိုတော့ ပင်တဂွန်၊ နိုင်ငံခြားရေးဝန်ကြီးဌာနနဲ့ အိမ်ဖြူတော်ကလူတွေ အစည်းအဝေးမလုပ်နိုင်ကြဘဲ ဒီလိုအစိုးရလုပ်ငန်းရပ်ဆိုင်းမှုကြောင့် အချိန်တွေ ဆုံးရှုံးနေရတာပါ” ဟု ပါရှိသည်။
၎င်းတို့၏ သတင်းအရ ဒရုန်းထုတ်လုပ်မှုနည်းပညာ လွှဲပြောင်းရေးဆိုင်ရာ ဖြစ်နိုင်ခြေရှိသော သဘောတူညီချက်အတွက် ယူကရိန်းနှင့် အမေရိကန် အရာရှိများအကြား ဆွေးနွေးညှိနှိုင်းမှုများမှာ လမ်းပျောက်နေခဲ့သည်။ ထိုအတောအတွင်း လာမည့်ရက်သတ္တပတ်များအတွင်း အမေရိကန်သို့ သွားရောက်ရန် စီစဉ်ထားသော ယူကရိန်းကိုယ်စားလှယ်အဖွဲ့များသည် ၎င်းတို့၏ စီမံကိန်းများကို ပြန်လည် စဉ်းစားသုံးသပ်နေကြရသည်။
နိုင်ငံအကြား ဆွေးနွေးညှိနှိုင်းမှုများ ဖျ-က်သိ-မ်းလိုက်ခြင်းသည် မကြာသေးမီက ဆက်ဆံရေး ပိုမိုနွေးထွေးလာမှုအား ထိခိုက်စေနိုင်ကြောင်း စိုးရိမ်ပူပန်မှုများ ပိုမိုတိုးပွားစေမည်ဖြစ်ပြီး၊ တစ်ချိန်တည်းမှာပင် ယူကရိန်းသည် စစ်မြေပြင်တွင် အကြီးအကျယ်ဆုံးရှုံးမှုများ ဆက်လက်ခံစားနေရကြောင်း သိရသည်။
အမေရိကန် ကွန်ဂရက်လွှတ်တော်မှ ဘဏ္ဍာနှစ်သစ်အတွက် ဘတ်ဂျက်ကို အတည်ပြုနိုင်ခြင်း မရှိခဲ့သောကြောင့် အမေရိကန်အစိုးရသည် အောက်တိုဘာလ ၁ ရက်နေ့တွင် ၎င်း၏ လုပ်ငန်းများကို ရပ်ဆိုင်းခဲ့သည်။