ကမ္ဘောဒီးယားဝန်ကြီးချုပ်သစ် ဟွန်မာနက်က အမေရိက နှင့် အီးယူ တို့က၄င်းအား ကမ္ဘောဒီးယား ၀န်ကြီးချုပ်အဖြစ် အသိအမှတ်မပြုဘူးဟု ဆိုပြီးသူ့ကိုဝေဖန် ဆန္ဒပြသူများကို “သူတို့ပြောတဲ့စကားတွေကို သူတို့ပြန်ရုတ်သိမ်းရလိမ့်မယ်” ဟု ယမန်နေ့က တုန့်ပြန်ပြောဆိုခဲ့သည်။
ယမန်နေ့က ဖနွမ်းပင်မြို့ Por Senchey ခရိုင်တွင် အလုပ်သမား ၁၈,၀၀၀ ခန့်နှင့် ဟွန်မာနက် တွေ့ဆုံစဉ် ဝန်ကြီးချုပ်အသစ်၏ ပထမဆုံးသော လူထုကြားထဲပြောသည့်စကားလည်းဖြစ်သည်။
တနင်္လာနေ့က ဥရောပသမဂ္ဂ သံအမတ်ကြီး Carmen Moreno ကနှုတ်ခွန်းဆက်စကား ပြောကြားခဲ့သကဲ့သို့ အမေရိကန် အထက်လွှတ်တော် ငွေကြေး ခွဲဝေသုံးစွဲရေး ကော်မီတီ ၏ ကိုယ်စားလှယ်အဖွဲ့တစ်ဖွဲ့ကလည်း သူ့အားဝန်ကြီးချုပ်အဖြစ်လာရောက်တွေ့ဆုံခဲ့သည်။
အထက်လွှတ်တော်၏ နိုင်ငံခြားရေး လုပ်ငန်းများ နှင့် ဆက်စပ်လုပ်ငန်းဆပ်ကော်မတီ မှ ဒီမိုကရက်တစ်/ ဝန်ထမ်း ညွှန်ကြားရေးမှူး Alex Carnes သည် တနင်္လာနေ့တွင် နန်းတော်၌ မစ္စတာ ဟွန်မာနက်နှင့် လာရောက်တွေ့ဆုံခဲ့သည်။
ကမ္ဘောဒီးယားဝန်ကြီးချုပ်အဖြစ် စက်တင်ဘာ ၂၂ ရက်တွင်နယူးယောက်မြို့၌ ကျင်းမည့် ကုလ သမဂ္ဂအထွေထွေညီလာခံ၌ မိန့်ခွန်းပြောကြားရန် ဖိတ်ကြားခံထားရကြောင်းလည်း မစ္စတာဟွန်မာနက်က ပြောကြားခဲ့သည်။
“ကုလသမဂ္ဂ အတွင်းရေးမှူးချုပ်နဲ့လည်း တွေ့ဆုံဖို့ အစီအစဉ် ရှိပါတယ်။ဒါကြောင့် ကုလသမဂ္ဂအစည်းအဝေးကို ကျွန်တော်တက်တဲ့အခါ အတိုက်အခံအဖွဲ့တွေရဲ့ ဆန္ဒပြပွဲတွေက အဓိပ္ပာယ်မဲ့သွားမှာပါ” ဟု ၎င်းက ဆိုသည်။
Ref: khmertimeskh