ရန်ကုန်တိုင်း၊ အင်းစိန်မြို့နယ်တွင် ကန်တာကားဘရိတ်ပေါက်ပြီး မှတ်တိုင်တွင်ရပ်ထားသည့် YBS ကားနှင့် ဆိုင်ကယ်တို့ကိုဝင်တို-က်မိခဲ့မှု ယနေ့ မေ ၁၉ ရက်နံနက် ၇ နာရီ ၁၀ မိနစ်ခန့်ကဖြစ်ပွားခဲ့ကြောင်း တွဲလက်လူမှုကူညီရေးအဖွဲ့ထံမှ သိရသည်။
အင်းစိန်မြို့နယ်၊ လှိုင်မြစ်လမ်းမအတိုင်း မောင်းနှင်လာသည့် ကန်တာကားသည် အောင်ဇေယျကြိုးတံတားအဆင်းအရောက် ဘရိတ်ပေါက်ကာ အရှိန်မထိန်းနိုင်ဘဲ အ.မ.က (၁၁)ကျောင်းအနီး မှတ်တိုင်တွင်ရပ်ထားသော YBS ကားနှင့် ဆိုင်ကယ်တို့အား ဝင်တို-က်မိခဲ့ကြောင်း သိရသည်။
ထို့ကြောင့် တွဲလက်လူမှုကူညီရေးအဖွဲ့ဝင်များက ကူညီကယ်ဆယ်မှုများပြုလုပ်ခဲ့ကြပြီး ဖြစ်စဥ်ကြောင့် ထိခိုက်ဒဏ်ရာရရှိခဲ့သည့် ဆိုင်ကယ်မောင်းသူနှင့် လိုက်ပါလာသော ကလေးငယ်တို့အား အင်းစိန်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။
ထိုသို့ ပို့ဆောင်ပေးခဲ့သော်လည်း ဆိုင်ကယ်မောင်းနှင်သူမှာ ဆီးခုံပွင့်ဒဏ်ရာရရှိခဲ့သဖြင့် ဆေးရုံအရောက်၌ ေ-သဆုံးသွားခဲ့ပြီး ကလေးငယ်မှာလည်း စအိုအနီးတွင်ပွင့်ထွက်ဒဏ်ရာရရှိထားသဖြင့် အင်းစိန်ဆေးပြည်သူ့ဆေးရုံမှတစ်ဆင့် ဟယ်လ်ပင်ကလေးဆေးရုံသို့ အရေးပေါ်ထပ်မံလွှဲပြောင်းပို့ဆောင်ပေးခဲ့ကြကြောင်း သိရသည်။
Photo-တွဲလက်လူမှုကူညီရေးအဖွဲ့