တိုဂျို၊ ဖေဖော်ဝါရီ ၁၆
ဂျပန်ရဲတပ်ဖွဲ့သည် ၂၀၂၄ တွင် အွန်လိုင်းကာစီနိုဆော့ကစားသူ ၂၇၉ ဦးကို စံချိန်တင် တွေ့ရှိခဲ့ပြီး အဆိုပါအရေအတွက်သည် ယခင်နှစ်ထက် နှစ်ဆကျော်များပြားခဲ့ကြောင်း ဂျပန် နိုင်ငံတောရဲအေဂျင်စီ (NPA) မက ပြောကြားခဲ့သည်။
ပဏာမစုံစမ်းစစ်ဆေးမှုအရ နိုင်ငံတစ်ဝန်း၌ ရဲတပ်ဖွဲ့သည် အွန်လိုင်းကာစီနို လောင်းကစားရုံများတွင် လောင်းကစားသူ ၁၆၂ ဦးနှင့် အရောင်းကိုယ်စားလှယ် ၁၁၇ ဦးတို့ကို ဖော်ထုတ်နိုင်ခဲ့ရာ ရဲတပ်ဖွဲ့၏ စာရင်းဇယားများအရ စံချိန်တင် အများဆုံး အရေအတွက်ဖြစ်ကြောင်း သိရသည်။
သို့သော်လည်း ယခုရရှိထားသော ကိန်းဂဏန်းများ သည် “အမှန်တကယ်အရေအတွက် ၏ သေးငယ်သော အပိုင်းကိန်းသာ” ဖြစ်ပြီး အမှန်တကယ်အွန်လိုင်းကာစီနိုလောင်းကစားသူ အရေအတွက်မှာ ၃ သန်းခန့်ရှိကြောင်း စုံစမ်း စစ်ဆေးရေး အရင်းအမြစ်တစ်ခုကို ကိုးကား၍ စနေနေ့တွင် ကျိုဒိုသတင်းက ဖော်ပြထားခြင်းဖြစ်သည်။
အွန်လိုင်းကာစီနို ကို နိုင်ငံရပ်ခြား တိုင်းပြည်များတွင် တရားဝင်လုပ်နေကြသော်လည်း ဂျပန်တွင် လောင်းကစားသည် တရားမဝင်ပါ။ ဂျပန်နိုင်ငံတွင် အဆိုပါ လုပ်ငန်းကို လုပ်ခြင်းသည် တရားမဝင်ကြောင်း လူအများက သတိမထားမိကြဟု သတင်းဌာနကဆိုပါသည်။
တရားခံများ၏ ၈၀ ရာခိုင်နှုန်း ဖြစ်သော လူ ၂၂၇ ဦးတို့သည် ၎င်းတို့၏စမတ်ဖုန်းများ ကို အသုံးပြု၍ လောင်းကစားပြုလုပ်ကြခြင်းဖြစ်သည်။ တရားမဝင်သော လုပ်ငန်း များမှ ကွန်ပျူတာများ ကို အသုံးပြု၍ လောင်းကစားကြခြင်းထက် ၎င်းတို့၏ကိုယ်ပိုင် အီလက်ထရွန်နစ် ပစ္စည်းများ ကို သုံး၍ လိုင်းပေါ်မှ ကာစီနိုကစား ကြခြင်း ဖြစ်ကြောင်း ဂျပန် နိုင်ငံတော် ရဲအေဂျင်စီ (NPA) မှ သိရသည်။
ဂျပန်နိုင်ငံတွင် လောင်းကစားလုပ်ပါက ယန်း ၅၀၀,၀၀၀ (အမေရိကန်ဒေါ်လာ ၃,၂၈၂ ခန့်) အထိ ဒဏ်ရိုက်ခံရနိုင်သည်။ ပုံမှန်လောင်းကစားသူများသည် ထောင်ဒဏ်သုံးနှစ်အထိ ချမှတ်ခံရနိုင်သည်။
Ref: ရှင်းဟွာ