ရန်ကုန်-မန္တလေးအမြန်လမ်းမကြီးပေါ်တွင် ယနေ့ စက် တင်ဘာ ၃ ရက်၊ စက်တင်ဘာ ၂ ရက်နှင့် စက်တင်ဘာ ၁ ရက်တို့က (၃)ရက်ဆက်တိုက် ယာဥ်မတော်တဆမှုများဖြစ်ပွားခဲ့ကြောင်း အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ထံမှ သိရသည်။
ယနေ့ စက်တင်ဘာ ၃ ရက်နံနက် ၉ နာရီ ၁၅ မိနစ်ခန့်က အမြန်လမ်းမကြီး၏ မိုင်တိုင်အမှတ် ၃၂/၀ တွင် ကုန်တင်ကားတစ်စီး ရှေ့ညာဘက်ဘီးပေါက်ပြီးအရှိန်မထိန်းနိုင်ဘဲ လမ်းလယ်ကျွန်းကိုဖြတ်ကာ တစ်ဖက်ယာဥ်ကြောပေါ်၌ရောက်ရှိရပ်တန့်ခဲ့ကာ ဖြစ်စဥ်ကြောင့် ထိခိုက်ဒ-ဏ်ရာရသူမရှိခဲ့ကြောင်း သိရသည်။
ထို့ပြင် စက်တင်ဘာ ၂ ရက်မွန်းလွဲ ၂ နာရီခန့်ကလည်း အမြန်လမ်းမကြီး၏ မိုင်တိုင်အမှတ် ၁၃/၆ နှင့် ၁၃/၇ ကြားတွင် သတ်မှတ်မိုင်နှုန်းထက်ကျော်လွန်မောင်းနှင်ကာ တယ်လီမက်တစ်ထိန်းချုပ်စင်တာမှ ဖုန်းဆက်သတိပေးခြင်းကိုလိုက်နာမှုမရှိဘဲမောင်းနှင်ခဲ့သော မိဘဂုဏ် အဝေးပြေးခရီးသည်တင်(Express)ကားသည် ရှေ့တွင်မောင်းနှင်နေသောကားအားကျော်တက်စဥ် အ ရှိန်မထိန်းနိုင်ဘဲ လမ်းညာဘက်မြေသားလမ်းပေါ်ရောက်ရှိပြီးGuard Rail များနှင့်တိုက်မိကာ လမ်းအပြည့်ကန့်လန့်ဖြတ်တိမ်းမှောက်ခဲ့ကြောင်း သိရသည်။
ဖြစ်စဥ်ကြောင့် အမျိုးသမီး(၁)ဦးေ-သဆုံးကာ ယာဉ်မောင်းသူအပါအဝင် ခရီးသည်(၂၂)ဦးတွင် ထိခိုက်ဒ-ဏ်ရာများ(စိုးရိမ်ရနှင့် မစိုးရိမ်ရ)ဒ-ဏ်ရာများရရှိခဲ့ကာ အမြန်လမ်းမကြီး၏ Guard Rail (၁၂၀)ပေခန့်နှင့် လမ်းပခုံးမြေသားလမ်း(၁၅၀)ပေခန့် ပျက်စီးခဲ့ကြောင်း သိရသည်။
ထို့ပြင် စက်တင်ဘာ ၁ ရက်နံနက် ၁၁ နာရီ ၁၅ မိနစ်ခန့်ကလည်း အမြန်လမ်းမကြီး၏ မိုင်တိုင်အမှတ် ၃၂/၅ နှင့် ၃၂/၆ ကြားတွင် ရုတ်တရက်လမ်းဖြတ်ကူးလာသော အမျိုးသမီး(၁)ဦးအား “ဝင်း”အဝေးပြေးခရီး သည်တင်(Express)ကားကဝင်တိုက်မိခဲ့သဖြင့် လမ်းဖြတ်ကူးသူအမျိုးသမီးေ-သဆုံးခဲ့ကြောင်း သိရသည်။