ရှီကာဂို၊ဖေဖော်ဝါရီ ၁၆
ပြင်းထန်သည့်ရာသီဥတုကြောင့် ဖြစ်ပေါ်လာသော ရေလွှမ်းမိုးမှုနှင့်မုန်တိုင်းများက အမေရိကန်ပြည်ထောင်စု အရှေ့အလယ်ပိုင်းဒေသများကို ထိခိုက် ပျက်စီး စေခဲ့ကြောင်းသိရသည်။
အဆိုပါသဘာဝဘေးအန္တရာယ်ကြောင့် ကန်တပ်ကီပြည်နယ်မှ ေ-သဆုံးသူရှစ်ဦးအပါအဝင် ကိုးဦးထက်မနည်းေ-သဆုံးခဲ့ကြောင်းလည်းပြောကြားခဲ့သည်။
မုန်တိုင်းစတင်တိုက်ခတ်သည့်စနေနေ့မှစ၍ ကယ်ဆယ်ရေးအဖွဲ့ဝင် ၁,၀၀၀ ဖြင့်ကယ်ဆယ်ရေးလုပ်ငန်းများလုပ်ဆောင်ခဲ့ပြီး အိမ်ခြေ ၃၉,၀၀၀ ခန့်လည်း လျှပ်စစ်မီးပြတ်တောက်နေကြောင်းသိရသည်။
ပြည်နယ်အုပ်ချုပ်ရေးမှူးကမူ ကြုံခဲ့ဖူးသမျှသဘာဝဘေးများအနက် ယခုတစ်ကြိမ်သည် အပြင်းထန်ဆုံးဖြစ်သည်ဟုလည်းပြောကြားခဲ့ပြီး ဒေသခံများကို နိုးကြားစွာ နေထိုင်ကြရန်သတိပေးထားသည်။
မုန်တိုင်းမကျမီကတည်းက အုပ်ချုပ်ရေးမှူးကပြည်နယ်အတွင်း အရေးပေါ်အခြေအနေကို ကြေငြာထားပြီး သမ္မတထရမ့်ပ်က သဘာဝဘေးအန္တရာယ် ကယ်ဆယ်ရေးကြိုးပမ်းမှုများအတွက် ၎င်း၏တောင်းဆိုမှုကိုအတည်ပြုပေးခဲ့သည်ဟုလည်းဆိုခဲ့သည်။
တစ်ချိန်တည်းမှာပင် အမေရိကန်ပြည်ထောင်စု၏နေရာအများစုသည် ဆိုးရွားသော ဆောင်းရာသီဒဏ်ကိုခံနေရပြီး ဖလော်ရီဒါနှင့်ဂျော်ဂျီယာတို့၌ ပြင်းထန်သည့်မုန်တိုင်းများလည်းတိုက်ခတ်ခဲ့ကြောင်း နိုင်ငံ၏မိုးလေဝသဌာနကပြောကြားခဲ့သည်။
Source : ရှင်းဟွာ