ရန်ကုန်တိုင်း MSME Agency အဖွဲ့ဝင်များနှင့် သုံးခွမြို့ နယ်မှ MSME လုပ်ငန်းရှင်များ စက်တင်ဘာ ၄ ရက်က သုံးခွမြို့နယ်၌တွေ့ဆုံရာ သုံးခွမြို့နယ်မှ MSME လုပ် ငန်းရှင်များမှ ကြုံတွေ့နေရသည့်အခက်အခဲများကို မေးမြန်းဆွေးနွေးခဲ့ကြသည်။
၎င်းတို့၏ မေးမြန်းဆွေးနွေးမှုများကို ရန်ကုန်တိုင်းဒေ သကြီး အသေးစား၊ အငယ်စားနှင့် အလတ်စား စီးပွား ရေးလုပ်ငန်းများဖွံ့ဖြိုးတိုးတက်ရေးအေဂျင်စီ ဥက္ကဋ္ဌ၊ ရန်ကုန်တိုင်းအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော်က ရှင်းလင်းဖြေကြားခဲ့သည်။
ထို့ပြင် စည်ပင်၊ စီးပွားကူးသန်း၊ မြန်မာ့စီးပွားရေးဘဏ်၊ SMEDB Bank၊ ကုန်သွယ်ရေးဦးစီးဌာန၊ ရန်ကုန် တိုင်း စက်မှုကြီးကြပ်ရေးနှင့် စစ်ဆေးရေးဦးစီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း(YESC)၊ မြေစာ ရင်းဦးစီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၊ အကောက်ခွန်ဌာနနှင့် ထွေအုပ်ဌာနတို့မှ တာ ဝန်ရှိသူများကလည်း သက်ဆိုင်ရာကဏ္ဍအလိုက် ရှင်း လင်းဖြေကြားခဲ့ကြသည်။
ထို့အတူ စက်မှုကြီးကြပ်ရေးနှင့် စစ်ဆေးရေးဦးစီးဌာန၊ MSME ဌာနမှဝန်ထမ်းများက သုံးခွမြို့နယ်မှ MSME လုပ်ငန်းရှင်များကို SME ယာယီမှတ်ပုံတင်လက်မှတ်များအား One Stop Service စနစ်ဖြင့်ပြုလုပ်ပေးခဲ့ကြသည်။