ရန်ကုန်တိုင်းဒေသကြီးအပါအဝင် တိုင်းဒေသကြီးနှင့် ပြည်နယ်အချို့တွင် မိုးတိမ်တောင်များဖြစ်ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာ လမ်းကြောင်းတစ်လျှောက်တွင် လေပြင်းတိုက် ခတ်ခြင်းအပါအဝင် မိုးလေဝသဖြစ်စဉ်များ ဖြစ်ပေါ်နိုင်သဖြင့် ပြည်သူများ ကြို တင်သတိပြုကြရန် မိုးလေဝသနှင့် ဇလ ဗေဒညွှန်ကြားမှုဦးစီးဌာနက ယနေ့ ဇွန်လ (၂၀) ရက် ညနေပိုင်းတွင်သတိပေး ထုတ်ပြန်ထားသည်။
လက်ရှိတွင် ရန်ကုန်တိုင်းဒေသကြီး၊ မန္တ လေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊စစ်ကိုင်း တိုင်းဒေသကြီးအထက်ပိုင်း၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်း ပြည်နယ်တို့တွင် မိုးတိမ်တောင်များ ဖြစ် ထွန်းလျက်ရှိကြောင်း သိရသည်။
အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူလေပြင်းတိုက်ခတ်ခြင်း၊ မိုးထစ် ချုန်းခြင်း၊ မိုးကြိုးပစ်ခြင်း၊လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝ သဖြစ်စဉ်များ ဖြစ်ပေါ်နိုင်ပါသဖြင့် မိဘပြည်သူများအနေဖြင့် ကြိုတင်သတိပြု နေထိုင်ကြပါရန် အသိပေးထားသည်။
ထို့အပြင် မနက်ဖြန် ဇွန်(၂၁)နံနက်အထိ ခန့်မှန်းချက်အရ နေပြည်တော်၊ စစ်ကိုင်း တိုင်းဒေသကြီးအထက်ပိုင်း၊ ကချင်ပြည် နယ်နှင့် ရခိုင်ပြည်နယ်တို့တွင်နေရာကွက် ၍ မိုးကြီးနိုင်ပြီး ရန်ကုန်၊ မန္တလေးနှင့် နေ ပြည်တော်တို့တွင်လည်း မိုးထစ်ချုန်းရွာရန် ရာနှုန်းပြည့်ရှိကြောင်း ထုတ်ပြန်ချက်တွင် ဖော်ပြထားသည်။
