အရှေ့အလယ်ပိုင်းပဋိပက္ခကြောင့် ကမ္ဘာ့ကုန်စည်ဈေးကွက် အနှောင့်အယှက်များသည် ကာလ မရှည်ကြာပါက ကမ္ဘောဒီးယားနိုင်ငံ၏ စီးပွားရေးသည် ၂၀၂၆ ခုနှစ်တွင် ၄ ဒသမ ၅ ရာခိုင်နှုန်း တိုးလာရန် မျှော်မှန်းထားကြောင်း အာရှဖွံ့ဖြိုးရေးဘဏ် (အေဒီဘီ) ၏ နောက်ဆုံးထုတ်ဝေသော စီးပွားရေး အစီရင်ခံစာတွင် ဧပြီလ ၁၀ ရက်က ဖေါ်ပြထားသည်။
တိုးတက်မှုကို ပြန်လည်ရုန်းထနိုင်စွမ်းရှိသော ကုန်ထုတ်လုပ်မှု စွမ်းဆောင်ရည်ဖြင့် ပံ့ပိုးပေးထားပြီး ပြင်ပအခြေအနေများ တိုးတက်ကောင်းမွန်လာကာ ပြည်တွင်း ပြုပြင်ပြောင်းလဲမှုများသည် စီးပွားရေးကုန်ထုတ်စွမ်းအားကို ဆက်လက်မြှင့်တင်နိုင်သောကြောင့် တိုးတက်မှုနှုန်းသည် 2027 ခုနှစ်တွင် 5 ရာခိုင်နှုန်းအထိ ပိုမိုအားကောင်းလာမည်ဟု ခန့်မှန်းထား ကြောင်း အစီရင်ခံစာက ဆိုသည်။
“ကမ္ဘောဒီးယားဟာ ပြင်ပဖိအားတွေကို ရင်ဆိုင်ရာမှာ ပြန်လည်ရုန်းထနိုင်စွမ်းရှိမှုကို ဆက်လက်ပြသနေပါတယ်” ဟု ကမ္ဘောဒီးယားနိုင်ငံ အေဒီဘီ ဒါရို-က်တာ Yasmin Siddiqi က ပြောကြားခဲ့သည်။
“ကုန်ထုတ်လုပ်မှုသည် ခိုင်မာနေဆဲဖြစ်ပြီး ခရီးသွားကဏ္ဍကို အားကောင်းစေရန် အစိုးရ၏ ကြိုးပမ်းမှုများသည် ကမ္ဘာလုံးဆိုင်ရာ စိန်ခေါ်မှုများကြားမှ စီးပွားရေးအရှိန်အဟုန်ကို ထိန်းသိမ်းရန် ကူညီပေးလိမ့်မည်” ဟုသူကဆိုသည်။
ကျွမ်းကျင်မှုဖွံ့ဖြိုးတိုးတက်ရေးတွင် အစိုးရ-ပုဂ္ဂလိက ပူးပေါင်းဆောင်ရွက်ခြင်းသည် ကမ္ဘောဒီးယား၏ ရေရှည်တိုးတက်မှု ရည်မှန်းချက်များ အောင်မြင်ရန် အရေးကြီးကြောင်း၊ ကုန်ထုတ်စွမ်းအားရှိသော လုပ်သားအင်အားကို ဖွံ့ဖြိုးတိုးတက်စေရန်အတွက် တမူထူးခြားကွဲပြားသော အရည်အသွေးမြင့် ရင်းနှီးမြှုပ်နှံမှုများကို ဆွဲဆောင်ရန်အတွက် မရှိမဖြစ် လိုအပ်ကြောင်း ၎င်းက ပြောကြားခဲ့သည်။
ကုန်ထုတ်လုပ်မှုသည် 2026 ခုနှစ်တွင် စီးပွားရေး၏ အဓိက တိုးတက်မှုမောင်းနှင်အားအဖြစ် ဆက်လက်တည်ရှိနေ မည် ဖြစ်ပြီး စက်မှုကုန်ထုတ်စွမ်းအား 7.3 ရာခိုင်နှုန်း တိုးတက်မည်ဟု အစီရင်ခံစာက ဆိုသည်။
“ဒါဟာ အထည်ချုပ်လုပ်ငန်း ခိုင်မာမှုနဲ့ လျှပ်စစ်အစိတ် အပိုင်းတွေ၊ တာယာတွေနဲ့ ပရိဘောဂတွေ အပါအဝင် အထည်ချုပ်မဟုတ်တဲ့ ထုတ်လုပ်မှုကနေ ပံ့ပိုးမှုတွေ တိုးလာတာကြောင့် ဖြစ်ပါတယ်” ဟု အစီရင်ခံစာတွင် ဖော်ပြထားသည်။
“ကြာရှည်သော လောင်စာဆီဈေးနှုန်း ဂယက်ကြောင့် သွင်းကုန် ကုန်ကျစရိတ်များ မြင့်တက်လာနိုင်ပြီး စိုက်ပျိုးရေး၊ ကုန်ထုတ်လုပ်မှုနှင့် ခရီးသွားလုပ်ငန်းကို ဆိုးရွားစွာ ထိခိုက်နိုင်သည်” ဟု အစီရင်ခံစာက ဆိုသည်။
Ref ဆင်ဟွာ