မြောက်ကိုရီးယား အမျိုးသမီးဘောလုံးကလပ်အသင်း နာဂိုယန်အက်ဖ်စီသည် မေလ ၂၀ ရက်နေ့တွင် တောင်ကိုရီးယားအမျိုးသမီးကလပ်အသင်း ဆူဝန်အက်ဖ်စီနှင့် ယှဉ်ပြိုင်ကစားမည်ဖြစ်ကြောင်း တောင်ကိုရီးယား၏ ပြန်လည်ပေါင်းစည်းရေးဝန်ကြီးဌာနက တနင်္လာနေ့တွင် ပြောကြားခဲ့သည်။ ယင်းသည် ၈ နှစ်အတွင်း မြောက်ကိုရီးယားအားကစားသမားများ က တောင်ကိုရီးယားသို့ ပထမဆုံး လာရောက်ယှဉ်ပြိုင်မှုဖြစ်သည်။
အာရှအမျိုးသမီးချန်ပီယံလိဂ် ဆမ္မီးဖိုင်နယ်ပွဲစဉ်အတွက် တောင်ကိုရီးယားသို့ သွားရောက်မည့် ကစားသမား ၂၇ ဦးနှင့် ဝန်ထမ်း ၁၂ ဦး၏ အမည်စာရင်းကို မြောက်ကိုရီးယားက ပေးပို့ခဲ့ကြောင်း ဝန်ကြီးဌာန၏ သတင်ူထုတ်ပြန်ချက်တွင် ဖေါ်ပြထားသည်။
မေလ ၂၀ ရက်နေ့တွင် ဆူဝန်၌ ဆမ္မီးဖိုင်နယ်ပွဲစဉ်နှစ်ပွဲ ကို ယှဉ်ပြိုင်ကစားရန် စီစဉ်ထားပြီး မြောက်ကိုရီးယားကလပ်နှင့် ဆူဝန်အသင်းတို့၏ ပွဲစဉ်ကို ည ၇ နာရီတွင် စတင်ကစားမည်ဖြစ်သည်။
ထိုပွဲ ၌ အနိုင်ရသူသည် မေလ ၂၃ ရက်နေ့တွင် ဆူဝန်၌ ကစားမည့် ဗိုလ်လုပွဲတွင် မဲလ်ဘန်းစီးတီး သို့မဟုတ် တိုကျိုဗာဒီအသင်းနှင့် ရင်ဆိုင်ရမည်ဖြစ်သည်။
အကယ်၍ မြောက်ကိုရီးယားအသင်း သည် ဆမ္မီး ဖိုင်နယ်အဆင့်တွင် ရှုံးနိမ့်ခဲ့ပါက ကစားသမားများသည် နောက်တစ်နေ့တွင် အိမ်ပြန်ရမည်ဖြစ်သည်ဟု ဝန်ကြီးဌာနက ပြောကြားခဲ့သည်။
တောင်ကိုရီးယားသမ္မတ လီဂျေးမြောင်က မြောက်ကိုရီးယားနှင့် တင်းမာမှုများပြေလည်စေရန် ကြိုးပမ်းနေချိန်တွင် ယခုခရီးစဉ်သည် ကြုံတောင့်ကြုံခဲ ထွက်ပေါ်လာခြင်းဖြစ်သည်။
မြောက်ကိုရီးယား အမျိုးသမီးဘောလုံးကိုယ်စားလှယ်အဖွဲ့ တောင်ကိုရီးယားကို နောက်ဆုံးအကြိမ်သွားရောက်ထားသည်မှာ ၂၀၁၄ ခုနှစ် အင်ချွန်းတွင် ကျင်းပသော အာရှအားကစားပြိုင်ပွဲကာလတွင် ဖြစ်သည်။
Ref: ဘန်ကောက်ပို့စ်