အစ္စလာမာဘတ်၊မေ ၈
အိန္ဒိယနှင့်ပါကစ္စတန်အကြားရှိတင်းမာမှုများကြောင့် ပါကစ္စတန်မြို့ကြီးများရှိလေဆိပ်များ၌ လေကြောင်းပျံသန်းမှုခရီးစဉ်များကို ယာယီရပ်ဆိုင်းထားရကြောင်း ပါကစ္စတန်မြို့ပြလေကြောင်းအာဏာပိုင် (PCAA) က သတင်းထုတ်ပြန်ကြေငြာခဲ့သည်။
လာဟိုးပြည်နယ်ရှိ Allama Iqbal အပြည်ပြည်ဆိုင်ရာလေဆိပ်၊ကရာချီရှိ Jinnah အပြည်ပြည်ဆိုင်ရာလေဆိပ်၊ အစ္စလာမာဘတ်အပြည်ပြည်ဆိုင်ရာလေဆိပ်နှင့် Sialkot အပြည်ပြည်ဆိုင်ရာလေဆိပ်တို့တွင် ပျံသန်းမှုလုပ်ငန်းစဉ်များကို ဆက်လက်ရပ်ဆိုင်းထားဦးမည်ဖြစ်ကြောင်း PCAA တာဝန်ရှိသူများကပြောကြားခဲ့သည်။
ခရီးသွားများအနေဖြင့် မိမိတို့နှင့်သက်ဆိုင်သည့် လေကြောင်းလိုင်းဆိုင်ရာသတင်းများကို အဆက်မပြတ်လေ့လာစောင့်ကြည့်နေရန် လိုအပ်ကြောင်းပြောကြားခဲ့ပြီး လတ်တလောတွင် လေကြောင်းပျံသန်းမှုခရီးစဉ်များကို ခွင့်ပြုဦးမည်မဟုတ်ကြောင်းလည်း သိရသည်။
နှစ်ဖက်ကြားတင်းမာမှုများမြင့်တက်နေသဖြင့် အန္တရာယ်ရှိသောကြောင့် သီရိလင်္ကာဘက်ကလည်း ကရာချီနှင့်လာဟိုးမြို့များသို့ လေကြောင်းခရီးစဉ်များကို ယာယီရပ်ဆိုင်းထားကာ ပြန်ဖွင့်မည်ဟုမကြေငြာမချင်းရပ်နားထားဦးမည်ဟုဆိုသည်။
အိန္ဒိယနှင့်ပါကစ္စတန်အကြားတင်းမာမှုများမြင့်တက်နေပြီး နှစ်ဖက်အပြန်အလှန်ပစ်ခ-တ်မှုများကြောင့် ပါကစ္စတန်ဘက်မှ အရပ်သား ၃၁ ဦးထက်မနည်းေ-သဆုံးပြီး ၅၇ ဦးဒဏ်ရာရရှိထားသည်ဟုလည်း ပါကစ္စတန်စစ်တပ်ပြောရေးဆိုခွင့်ရှိသူကပြောကြားခဲ့သည်။
Source : ရှင်းဟွာ