ပါကစ္စတန်နိုင်ငံ အနောက်တောင်ပိုင်း ဘလူချစ္စတန်ပြည်နယ်တွင် လုံခြုံရေးတပ်ဖွဲ့ဝင်များနှင့် ၎င်းတို့၏ မိသားစုဝင်များကို တင်ဆောင်လာသော လွန်းပျံရထားတစ်စင်းသည် ဗုံးပေါက်ကွဲမှုဖြစ်ပွားခဲ့ကြောင်း အရာရှိများက ပြောကြားခဲ့ပြီး ခွဲထွက်ရေးစစ်သွေးကြွများ၏ လက်ချက်ဟုသတင်းထုတ်ပြန်ထားသည်။
တိုက်ခိုက်မှုကြောင့် လူ ၂၄ ဦးေ-သဆုံးခဲ့ပြီး ၇၀ ဦး ဒ-ဏ်ရာရရှိခဲ့သည်ဟု အမည်မဖော်လိုသည့် ပြည်နယ်အစိုးရနှင့် လုံခြုံရေးအရာရှိ သုံးဦးက ပြောကြားခဲ့သည်။
အီရန်၊ အာဖဂန်နစ္စတန်တို့နှင့် နယ်နိမိတ်ထိပ်စပ်နေပြီး သတ္ထု့တွင်းထွက်ပစ္စည်းကြွယ်ဝသော ပြည်နယ်တွင် ရထားများ၊ လုံခြုံရေးတပ်ဖွဲ့ဝင်များနှင့် အခြေခံအဆောက်အဦးများအပေါ် ကြီးမားသောတိုက်ခိုက်မှုများ ဆက်တိုက်ဖြစ်ပေါ်နေချိန်တွင် ယခုတိုက်ခိုက်မှုထပ်မံပေါ်ပေါက်ခဲ့ခြင်းဖြစ်သည်။ နှစ်များစွာအတွင်း အသေအပျောက်အများဆုံး တိုက်ခိုက်မှုများ ဖြစ်ပွားပြီးနောက် ပါကစ္စတန်အစိုးရက ပုန်ကန်မှုတန်ပြန်ချေမှုန်းရေး စစ်ဆင်ရေးများ စတင်နေချိန်လည်းဖြစ်သည်။
ခွဲထွက်ရေးစစ်သွေးကြွအဖွဲ့ ဘာလော့ချ် လွတ်မြောက်ရေးတပ်မတော်(ဘီအယ်လ်အေ) က ယခုတိုက်ခိုက်မှုကို ၎င်းတို့လုပ်ဆောင်ခဲ့ကြောင်းနှင့် အေ-သခံဗုံးခွဲမှုဖြစ်ကြောင်း မီဒီယာကို ပြောကြားခဲ့သည်။
ကွက်တာမြို့ တပ်စခန်းဒေသတစ်မှ ခရီးသည်များကို တင်ဆောင်လာကာ Jaffar Express အဝေးပြေးရထားနှင့် ချိတ်ဆက်ရန် ခုတ်မောင်းလာသော လွန်းပျံရထားသည် ပြည်နယ်မြို့တော်ရှိ ရထားလမ်းအနီးတွင် ပေါက်ကွဲမှုဖြစ်ခဲ့ကြောင်း ပါကစ္စတန်မီးရထားဝန်ကြီးဌာနက ထုတ်ပြန်ပြောကြားခဲ့သည်။
ပေါက်ကွဲမှုကြောင့် စက်ခေါင်းနှင့် တွဲသုံးတွဲ လမ်းချော်ခဲ့ပြီး တွဲနှစ်တွဲ တိမ်းမှောက်သွားခဲ့ကြောင်း ဝန်ကြီးဌာနက ပြောကြားခဲ့ကာ လုံခြုံရေးတပ်ဖွဲ့ဝင်များက အခင်းဖြစ်နေရာကို ပိတ်ဆို့၍ ကယ်ဆယ်ရေးလုပ်ငန်းများ လုပ်ဆောင်နေကြောင်း ဆက်လက်ပြောကြားခဲ့သည်။
ဖောက်ခွဲရေးပစ္စည်းများ တပ်ဆင်ထားသော ယာဉ်တစ်စီးသည် လူနေရပ်ကွက်တစ်ခုအရောက်တွင် ရထားတွဲတစ်ခုကို ဝင်တိုက်ခဲ့ခြင်းဖြစ်ပြီး သေဆုံးသူများထဲမှ အချို့သည် အနီးအနား တိုက်ခန်းအဆောက်အအုံတွင် နေထိုင်သူများဖြစ်ကြောင်း လုံခြုံရေးအရာရှိတစ်ဦးက ပြောကြားခဲ့သည်။
Ref: ရို-က်တာ