နေ့စဉ်အင်ဆူလင်မထိုးရရန် “သရက်ရွက်အတု” ကို တီထွင်ခဲ့ကြ

အစ္စရေးနှင့် အမေရိကန်ရှိ သုတေသီများသည် ဆီးချိုရောဂါရှိသူ သန်းပေါင်းများစွာအတွက် နေ့စဉ်အင်ဆူလင်ထိုးရန် မလို‌တော့ စေမည့်ပန်ကရိယအတုကို တီထွင် လိုက်ပြီဖြစ်သည်။

တက်ခ်နီယွန် ဟုလူသိများသော အစ္စရေး နည်းပညာတက္ကသိုလ် သည် သိပ္ပံမှ ဆေးပညာဂျာနယ် သူတို့၏ လေ့လာမှု ကို ဖေါ်ပြပြီးနောက် သရက်ရွက် အတုထုတ်လုပ်မှုကို တနင်္လာနေ့တွင်ကြေငြာခဲ့သည်။

ဆဲလ်အခြေပြုစနစ်သည် ဆေးဝါးက ထုတ်လုပ်ပေးသော စနစ် ကဲ့သို့ လုပ်ဆောင်ပါသည်။ ၎င်းသည် သွေးတွင်းသကြားဓာတ်ပမာဏကို စဉ်ဆက်မပြတ် စောင့်ကြည့်စစ်ဆေးပြီး ခန္ဓာကိုယ်အတွက် လိုအပ်သော အင်ဆူလင်ပမာဏအတိအကျကို အလိုအလျောက်ထုတ်ပေးပါသည်။ လက်ရှိနည်းပညာနှင့်မတူဘဲ သရက်ရွက်အတုသည် ပြင်ပပန့်များ မလိုသကဲ့သို့ လူနာကို စောင့်ကြပ်ကြည့်ရှုရန် လည်းမလိုအပ်ဘဲ လုပ်ဆောင်နိုင်သည်။

ထိုသို့သော အစားထိုးထည့်သွင်းခြင်းတွင် အဓိကအခက်အခဲမှာ ပြင်ပတစ်သျှူးများကို တိုက်ခိုက်လေ့ရှိသည့် ခန္ဓာကိုယ်၏ ခုခံအားစနစ်ပင်ဖြစ်သည်။ သုတေသီများသည် အစားထိုးမှု ကို ကိုယ်ခံအားက ငြင်းပယ်ခြင်းမှ ကာကွယ်ပေးသည့် “သလင်းကျောက်ဒိုင်း” ကို အသုံးပြုထားသည်။ အဆိုပါ အကာအကွယ်ကြောင့် သရက်ရွက်အတုကို ကာလကြာရှည် စိတ်ချယုံကြည်စွာ လုပ်ဆောင်နိုင်စေခဲ့သည်။

ယခုနည်းပညာဖြင့် ကြွက်များတွင် ရေရှည်ဂလူးကို့စ်ထိန်းချုပ်မှုကို အောင်မြင်စွာ ထိန်းသိမ်းထားခဲ့ပြီး လူသားမဟုတ်သော မျောက်ဝံများတွင်လည်း ရှင်သန်နေခဲ့သည်။

အကယ်၍ အဆိုပါနည်းပညာကိုသာ လူသားတို့ ၌စမ်းသပ်မှုတွင် အောင်မြင်ပါက၊ ၎င်းသည် ဆေးပညာတွင် အရေးကြီးသော အပြောင်းအလဲတစ်ခုဖြစ်လာမည်ဖြစ်သည်။

Ref:ရှင်းဟွာ