” မြန်မာနိုင်ငံဟာ စစ်မှန်တဲ့ပါတီစုံဒီမိုကရေစီစနစ်ခိုင် မာဖို့ ဒီမိုကရေစီနဲ့ ဖက်ဒရယ်စနစ်ကိုအခြေခံတဲ့ ပြည် ထောင်စုတည်ဆောက်ဖို့ရည်မှန်းချက်အတိုင်းမယိမ်းမယိုင်လုပ်သွားမယ်ဆိုတာကို ကမ္ဘာကိုပြောလိုပါတယ်” ဟု နိုင်ငံတော်သမ္မတက ဦးမင်းအောင်လှိုင်ပြော
” မြန်မာနိုင်ငံဟာ မြန်မာနိုင်ငံသားတွေမျှော်မှန်းတဲ့လမ်း ကြောင်းပေါ်မှာ မှန်မှန်ကန်ကန်နဲ့လျှောက်လှမ်းနေပါပြီ” ဟု နိုင်ငံတော်သမ္မတ ဦးမင်းအောင်လှိုင်က အိန္ဒိယနိုင်ငံ DD India သတင်းဌာနနှင့်တွေ့ဆုံမေးမြန်းမှုပြုလုပ်စဥ် ပြောကြားခဲ့ခြင်းဖြစ်သည်။
” မြန်မာနိုင်ငံက ကမ္ဘာနဲ့လက်တွဲပြီးလုပ်ဖို့လည်း အဆင်သင့်ရှိပါတယ်။ ဒါ့ကြောင့် မြန်မာနိုင်ငံရဲ့ပြုပြင်ပြောင်း လဲဆောင်ရွက်မှုတွေအပေါ်မှာ မြန်မာနိုင်ငံကိုလာပြီးလေ့လာကြည့်စေလိုတယ်။ ဖြစ်ပျက်နေတဲ့အခြေအနေတွေကိုလာပြီးကြည့်စေလိုတယ်”ဟု နိုင်ငံတော်သမ္မတက ပြောသည်။
” မြန်မာနိုင်ငံရဲ့ နိုင်ငံရေးမှာနှစ်ခုရှိပါတယ်။ စစ်မှန်တဲ့ပါတီစုံဒီမိုကရေစီစနစ် ခိုင်ခိုင်မာမာဖြစ်ဖို့ ဒီမိုကရေစီနဲ့ ဖက်ဒရယ်စနစ်ကိုအခြေခံတဲ့ ပြည်ထောင်စုတည် ဆောက်ဖို့ရည်မှန်းချက်အတိုင်းလုပ်ဆောင်နေပါတယ်။ ဒါကိုမယိမ်းမယိုင်နဲ့လုပ်သွားမယ်ဆိုတာကို ကမ္ဘာကိုပြောလိုပါတယ်”ဟု နိုင်ငံတော်သမ္မတက ပြောသည်။
” မြန်မာနိုင်ငံကို ကမ္ဘာကလာပြီးကြည့်စေလိုတယ်။ ပူး ပေါင်းဆောင်ရွက်စေလိုတယ်။ မြန်မာနိုင်ငံဟာ တ ကယ်ကိုမှန်မှန်ကန်ကန်နဲ့ ပြည်သူကရွေးချယ်တဲ့ မှန် ကန်တဲ့လမ်းကြောင်းပေါ်မှာ ရောက်ရှိလျှောက်လှမ်းနေပါပြီ။ စံဆိုတာကတော့ မျိုးစုံရှိပါတယ်။ တစ်နိုင်ငံနဲ့တစ်နိုင်ငံ စံ တော့မတူပါဘူး။ ဒီမိုကရေစီမှာလည်း စံ တွေမတူလောက်ပါဘူး။ မြန်မာနိုင်ငံကလည်း မြန်မာ နိုင်ငံနဲ့ကိုက်ညီတဲ့ ဒီမိုကရေစီစနစ်ကိုသွားတာဖြစ်ပါတယ်”ဟု နိုင်ငံတော်သမ္မတက ပြောသည်။
” ကမ္ဘာက မြန်မာနိုင်ငံနဲ့ပူးပေါင်းဆောင်ရွက်မယ်ဆိုရင် မြန်မာပြည်သူတွေရဲ့ဘဝအခြအနေအားလုံးတိုးတက်လာမှာပါ။ လုပ်နိုင်တဲ့အခွင့်အရးရလာပါလိမ့်မယ်”ဟု နိုင်ငံတော်သမ္မတက ပြောသည်။