ထိုင်းတွင် တရုတ်လူမျိုး ၈ ဦးကို မိုလ်ဘိုင်းဖုန်း ၉၁ လုံးနှင့်အတူ ဖမ်းမိ

ထိုင်းနိုင်ငံ အရှေ့မြောက်ပိုင်းပြည်နယ်တွင် ခရီးသွားဘတ်စ်တစ်စီးဖြင့် ခရီးသွားနေသည့် တရုတ်လူမျိုး ၈ ဦးထံမှ မိုလ်ဘိုင်းဖုန်း ၉၁ လုံး တွေ့ရှိခဲ့ပြီး ၎င်းတို့သည် ဗီဇာသက်တမ်းလွန် နေထိုင်ခဲ့ကြောင်းနှင့် နိုင်ငံအတွင်းသို့ တရားမဝင် ဝင်ရောက်ခဲ့ကြောင်းလည်း စစ်ဆေးတွေ့ရှိခဲ့သည်။

ဘန်ကောက်မှ ဥဘုံရတ်ချာထနီပြည်နယ်သို့ ထွက်ခွာလာသည့် ဘတ်စ်ကားကို ဗုဒ္ဓဟူးနေ့ နံနက် ၄ နာရီခန့်တွင် မြောင်ခရိုင် Yasothon ဘတ်စ်ကားဂိတ်တွင် ရဲတပ်ဖွဲ့က ရပ်တန့်စစ်ဆေးခဲ့ရာမှ ယခုကဲ့သို့ ရှာဖွေတွေ့ရှိခဲ့ခြင်းဖြစ်သည်။

အသက် ၂၀ မှ ၂၈ နှစ်ကြားရှိ တရုတ်နိုင်ငံသား ၈ ဦးကို ဖမ်းဆီးခဲ့ပြီး ၎င်းတို့ထဲမှ နှစ်ဦးသည် ဗီဇာသက်တမ်းလွန်နေထိုင်နေသူများဖြစ်ကာ ကျန်လူများသည် ထိုင်းနိုင်ငံအတွင်းသို့ တရားမဝင် ဝင်ရောက်ခဲ့ခြင်းကို စစ်ဆေးတွေ့ရှိခဲ့သည်ဟု ရဲတပ်ဖွဲ့က ပြောဆိုသည်။

ရှာဖွေမှုတွင် အိတ်တစ်လုံးအတွင်းမှ မိုလ်ဘိုင်းဖုန်း ၉၁ လုံးကိုလည်း တာဝန်ရှိသူများက တွေ့ရှိခဲ့ကြသည်။ အဆိုပါဖုန်းများသည် ၎င်းတို့ ပစ္စည်းများမဟုတ်ဟု စကားပြန်မှတဆင့် ၎င်းတို့က ရဲတပ်ဖွဲ့ကို ပြောကြားခဲ့သည်။

သံသယရှိသူများသည် ငွေလိ-မ်ဂိုဏ်းများတွင် ပါဝင်ပတ်သက်သူများဟု ယူဆရကြောင်းနှင့် နယ်စပ်ဒေသများတွင် တရားမဝင်လုပ်ငန်းများကို အပြင်းအထန်နှိမ်နင်းနေမှုများကြောင့် ၎င်းတို့အခြေစိုက်ရာကို အခြားနိုင်ငံတစ်ခုသို့ ပြောင်းရွှေ့နေခြင်းဖြစ်ကြောင်း ဒေသတွင်းမီဒီယာက ဖော်ပြခဲ့သည်။

Ref: ဘန်ကောက်ပို့စ်