မွန်ပြည်နယ်၊ ကျိုက်မရောမြို့နယ်တွင် မိုးသည်းထန်စွာရွာသွန်းပြီး အတ္ထရံမြစ်ရေမြင့်တက်မှုကြောင့် မြို့နယ်အတွင်း၌ ရေကြီးရေလျှံမှုများဖြစ်ပေါ်လျက်ရှိရာ ရေဘေးသင့်သူများကို ယာယီရေဘေးကယ်ဆယ်ရေးစခန်းများသို့ ရွှေ့ပြောင်းပေးထားရကြောင်း သိရသည်။
အဆိုပါ ယာယီရေဘေးကယ်ဆယ်ရေးစခန်းတွင် နေ ထိုင်နေကြသည့် ရေဘေးသင့်သူများကို မွန်ပြည်နယ်လွှတ်တော်ဥက္ကဋ္ဌဦးသက်ထွေးနှင့် တာဝန်ရှိသူများက ယနေ့ စက်တင်ဘာ ၂ ရက်နံနက်ပိုင်းတွင် ကျိုက်မရောမြို့၊ ရန်မျိုးအောင်ရပ်ကွက်ရှိ ရသေ့ကျောင်း၌တွေ့ဆုံ၍ အားပေးစကားပြောကြားခဲ့ကြောင်း သိရသည်။
ထို့ပြင် ပြည်နယ်လွှတ်တော်ဥက္ကဋ္ဌနှင့် ဒုတိယဥက္ကဋ္ဌ တို့က မွန်ပြည်နယ်လွှတ်တော်(ကိုယ်စား)ထောက်ပံ့ငွေ (၁၃)သိန်းကျပ်ကို ယာယီကယ်ဆယ်ရေးစခန်းတာဝန်ရှိသူထံပေးအပ်ပြီး ရေဘေးသင့်သူများအတွက် စားသောက်ဖွယ်ရာပစ္စည်းများ၊ ဆေးဝါးများနှင့် ထောက်ပံ့ငွေတို့ကိုထောက်ပံ့ပေးအပ်ခဲ့ကြောင်း သိရသည်။