အမေရိကန်ပြည်သူ သန်း ၁၇၀ ခန့် အသုံးပြုနေသည့် ဗီဒီယိုအက်ပ်ကို ရောင်းချရန် TikTok ၏ တရုတ်မိခင်ကုမ္ပဏီ ByteDance နှင့် သဘောတူညီချက်ရရေး အလို့ငှာ အခွန်းစည်းကြပ်မှုများကို လျှော့ချပေးရန် ဆန္ဒရှိသည်ဟု အမေရိကန်သမ္မတ ဒေါ်နယ်ထရမ့်ပ်က မတ်လ ၂၆ ရက် နေ့တွင် ပြောကြားခဲ့သည်။
ByteDance အနေဖြင့် TikTok ကို တရုတ်လူမျိုးမဟုတ်သော ဝယ်ယူသူကို ရှာဖွေရန်နှင့် သို့မဟုတ်ပါက ဇန်နဝါရီလတွင် အသက်ဝင်ခဲ့သော ၂၀၂၄ ခုနှစ် ဥပဒေ၏ နိုင်ငံတော် လုံခြုံရေးဆိုင်ရာ အခြေအနေများအရ ဧပြီ ၅ ရက်နောက်ဆုံးထား၍ အက်ပ် ပိတ်ပင်ခံရမည့်အရေးနှင့် ရင်ဆိုင်နေရသည်။
ဆိုရှယ်မီဒီယာ အက်ပ်နှင့် ပတ်သက်၍ သဘောတူညီချက် မရရှိခဲ့ပါက ဧပြီလ နောက်ဆုံးသတ်မှတ်ရက်ကို သတ်တမ်းတိုးရန် သူ ဆန္ဒရှိသည်ဟု ထရမ့်ပ်က ပြောဆိုခဲ့သည်။
တရုတ်နိုင်ငံအနေဖြင့် သဘောတူညီချက်ကို အတည်ပြုပေးခြင်း အပါအဝင် အရောင်းအဝယ် သဘောတူညီချက် ဖြစ်မြောက်စေရေးတွင် ပါဝင်ဆောင်ရွက်မည်ကို သူက အသိအမှတ်ပြုခဲ့ပြီး “ဒီကိစ္စ ပြီးမြောက်ရေးမှာ သူတို့ကို အခွန်အကောက် နည်းနည်းပါးပါး လျှော့ပေးတာမျိုး ဒါမှမဟုတ်လည်း တစ်ခုခု တော့ ငါ လုပ်ပေးနိုင်ပါတယ်” ဟု သတင်းထောက်များကို သူက ပြောကြားခဲ့သည်။
TikTok ကို ရောင်းချခြင်းသည် သူ့ အစိုးရအဖွဲ့၏ ဦးစားပေး အကြောင်းအရာဖြစ်ပြီး ယင်းကိစ္စသည် ပေကျင်းနှင့် အခွန်အကောက်ကိစ္စတွင် အလျှော့အတင်းလုပ်စရာအဖြစ် သုံးနိုင်လောက်သည်အထိ အရေးပါကြောင်း မစ္စတာ ထရမ့်ပ်က မှတ်ယူထားသည်။
ဖေဖော်ဝါရီလနှင့် မတ်လ အစောပိုင်းတွင် တရုတ်နိုင်ငံမှ သွင်းကုန်အားလုံးအပေါ် လက်ရှိအခွန်းစည်းကြပ်ထားမှုနှုန်းတွင် စုစုပေါင်း ၂၀ ရာခိုင်းနှုန်းအထိ ထရမ့်ပ်က ထပ်တိုးသတ်မှတ်ခဲ့သည်။ Ref: သည်စထရိတ်တိုင်းမ်စ်
TikTokအရောင်းအဝယ်ဖြစ်ဖို့တရုတ်အခွန်နှုန်းကိုလျှော့ပေးနိုင်–ထရမ့်ပ်
