“𝐒𝐡𝐞𝐰𝐨𝐫𝐤𝐬” မှ အမျိုးသမီးများအတွက် ‘ကြော်ငြာစာဖန်တီးခြင်း Content Creation Workshop for Women-Lef Businesses & Individual Women (Batch – 1) ကို ဒီဇင်ဘာလ ၂၁ ရက်နေ့တွင် ဖွင့်လှစ်သွားမည်ဖြစ်ကြောင်း သိရသည်။
စီးပွားရေးလုပ်နေသည့် အမျိုးသမီးများ အွန်လိုင်းပေါ်တွင် မိမိထုတ်ကုန်နှင့် ၀န်ဆောင်မှုများကို ယုံကြည်မှုရှိရှိ မြှင့်တင်နိုင်ရန်၊ ဒီဂျစ်တယ် ဈေးကွက်ရှာဖွေခြင်း နှင့် Content ဖန်တီးပြီး မိမိစီးပွားရေးကို မြှင့်တင်ရန် ယင်း Workshop လေးကို ပါဝင်ကြရန် ဖိတ်ခေါ်ထားသည်။
ယခု SheWorks Program ကို” SheWorks – Vocational Training Programs ” နှင့် “3Zero House Myanmar ” တို့က ပူးတွဲပြုလုပ်ထားခြင်းဖြစ်သည်။
ယင်းသင်တန်းတွင် သင့်လုပ်ငန်း၏ ရည်ရွယ်ချက်( Brand Purpose)၊(Storytelling) ဖြင့် ၀ယ်သူကို ဆွဲဆောင်ခြင်း၊ Smartphone အခြေခံ နည်းလမ်းများဖြင့် ကြည်လင်ပြတ်သား၍ ဆွဲဆောင်မှုရှိသော ပစ္စည်းဓာတ်ပုံများ ရိုက်ယူနိုင်ခြင်း၊ ထုတ်ကုန်မြှင့်တင်ရန်အတွက် ရိုးရှင်း၍ စိတ်ဝင်စားဖွယ်ကောင်းသော စာသားများ (Captions) ရေးသားနည်း၊ မိမိလုပ်ငန်းအတွက် သင့်လျော်မည့် Content ပုံစံများလုပ်နည်း၊ ၇ ရက်စာ Content Plan ရေးဆွဲနည်း၊ Canva ကို အသုံးပြု၍ Social Media တွက်ဒီဇိုင်းများ ဖန်တီးနည်း၊ ဒစ်ဂျစ်တယ် လုံခြုံရေး(Digital Safety)နည်းလမ်းများကို ပို့ချပေးသွားမည်ဖြစ်ကြောင်း သိရသည်။
အဆိုပါ သင်တန်းကို ဒီဇင်ဘာ ၂၁ ရက်၊ နံနက် ၉ နာရီခွဲမှ နေ့လည် ၁၂ နာရီခွဲ အထိရန်ကုန်မြို့အမှတ် ၁၆၇၊ ၄၇လမ်း၊ အထက်ဘလော့ ၊ ဗိုလ်တထောင်မြို့နယ်ရှိ 3ZERO House Myanmar တွင် သင်ကြားပေးမည်ဖြစ်သည်။
ကွန်ပျူတာနှင့်ပတ်သက်ပြီး အခြေခံရှိသူများ တတ်ရောက်နိုင်ပြီး၊ သင်တန်းကို မပျက်မကွက် တတ်ရောက်နိုင်သူဖြစ်ရမည်ဖြစ်ကြောင်း သိရသည်။
အဆိုပါသင်တန်းကို ဒီဇင်ဘာလ ၁၆ရက်နောက်ဆုံးထား၍ လျှောက်ထားပေးပို့ရမည်ဖြစ်ပြီး ပေးပို့လာသော လျှောက်လွှာ များထဲမှ သင့်လျော်သူများကို interview ခေါ်ဆိုသွားမည်ဖြစ်ကာ သင်တန်းအတွက် ရွေးချယ်ခံရသူများကို ပြန်လည် ဆက်သွယ်ပေးသွားမည်ဖြစ်သည်။
သင်တန်းတက်ရောက်ခွင့်ရရှိသူများသည် သင်တန်းစရံငွေ Success rate – 20,000ကျပ် ကြိုတင်ပေးသွင်းရမည်ဖြစ်ပြီး သင်တန်းပြီးဆုံးအောင် တက်ရောက်ပါက 20,000ကျပ် ပြန်လည်ပေးအပ်သွားမည်ဖြစ်ကြောင်း သိရသည်။