5:09 pm
နေပြည်တော် နိုဝင်ဘာ ၁၄
မင်းဘူး(စကု)မြို့နယ်၊မန်းရေနံမြေမှကုန်တင်ကုန်ချအလုပ်သမားများလုပ်အားခပြည့်ဝစွာပေးနိုင်ရေးမည်ကဲ့သို့စီစဉ်ဆောင်ရွက်မည်ကိုသိလိုခြင်းနှင့်စပ်လျဉ်းသည့်မေးခွန်းကိုမင်းဘူးမဲဆန္ဒနယ်မှဦးဝင်းဝင်းကယနေ့ကျင်းပသောပြည်သူ့လွှတ်တော်တွင်မေးမြန်းခဲ့သည်။
၎င်းက”အခုကျွန်တော်တို့မကြာသေးမီကတစ်နေ့လုပ်အားခ(၄၈၀၀)လို့သတ်မှတ်လိုက်တဲ့အခါမှာဒီ(၃၄၀၀)ကနေပြီးတော့တိုးပေးဖို့ခေတ်ကာလနဲ့လျော်ညီတဲ့လုပ်အားခရဖို့အတွက်တိုးတောင်းတဲ့အခါမှာမူလကပေးခဲ့တဲ့(၃၄၀၀)တောင်မပေးတော့ပဲနဲ့(၂၁၀၀)ပဲပေးခဲ့ပါတယ်”ဟုတင်ပြခဲ့သည်။
၎င်းအနေဖြင့်အလုပ်သမားများနှင့်တွေ့ဆုံပြီးနောက်တိုင်းဒေသကြီးအစိုးရအဖွဲ့အလုပ်သမားဝန်ကြီးနှင့်သွားရောက်တွေ့ဆုံသော်လည်းသေချာရေရာမှုရှိသောအဖြေကိုမရရှိခဲ့သောကြောင့်မေးခွန်းမှာလွှတ်တော်ထိရောက်ရှိလာခြင်းဖြစ်ကြောင်းပြောသည်။
သို့သော်ပြီးခဲ့သည့်ရက်ပိုင်းကသက်ဆိုင်ရာအလုပ်သမားများနှင့်ချိတ်ဆက်မေးမြန်းသည့်အခါ(၁၀)လပိုင်းမှစတင်ကာလက်ရှိချိန်ထိတစ်နေ့လုပ်အားခကျပ်(၃၀၀၀)နှုန်းဖြင့်ရှင်းပေးနေပြီဟုဆိုကြောင်း၎င်းကပြောသည်။
အဆိုပါမေးခွန်းကိုလျှပ်စစ်နှင့်စွမ်းအင်ဝန်ကြီးဌာနဒုတိယဝန်ကြီးဒေါက်တာထွန်းနိုင်က”မြန်မာ့ရေနံနှင့်သဘာဝဓာတ်ငွေ့လုပ်ငန်းမန်းရေနံမြေမှကုန်တင်ကုန်ချလုပ်သားများရဲ့လုပ်အားခကိုပေးချေခြင်းကိစ္စနှင့်ပတ်သတ်တဲ့မေးခွန်းမှာအဆိုပါလုပ်သားများဟာနေ့စားလုပ်သားများအဖြစ်စီစဉ်ဆောင်ရွက်ထားခြင်းမဟုတ်ပါကြောင်းပထမဦးစွာကွဲပြားအောင်ရှင်းလင်းတင်ပြလိုတာဖြစ်ပါတယ်”ဟုဆိုသည်။
ယင်းလုပ်သားများကိုလုပ်ငန်းရှိချိန်တွင်လုပ်ငန်းနှင့်ပတ်သတ်ပြီးကုန်တင်ကုန်ချဆောင်ရွက်ရန်ပုတ်ပြတ်လုပ်သားအနေဖြင့်သာဆောင်ရွက်ခြင်းဖြစ်ကြောင်း၎င်းကဆက်လက်ပြောသည်။
ထို့ကြောင့်ဆောင်ရွက်ရသောကုန်တင်ကုန်တန်ချိန်ပေါ်တွင်တန်ချိန်ဖြင့်တွက်၍လုပ်အားခကိုပေးချေနေသောစနစ်ဖြစ်ကြောင်း၊၎င်းဝန်ထမ်းများကိုလုပ်ငန်းလုပ်ကိုင်သည့်တန်ချိန်ပေါ်တွင်သတ်မှတ်ထားသည့်လုပ်အားခနှုန်းထားကိုမန်းရေနံမြေမှမြို့နယ်ကုန်တင်ကုန်ချဦးစီးဌာနမြို့နယ်ဦးစီးမှူးထံသို့ချက်လက်မှတ်ဖြင့်ပေးချေရခြင်းဖြစ်ကြောင်းဒေါက်တာထွန်းနိုင်ကတင်ပြခဲ့သည်။
ဦးဝင်းဝင်းက”အခုဝန်ကြီးရှင်းပြသွားသလိုပဲတကယ်တော့နေ့စားမဟုတ်ဘူး။ပုတ်ပြတ်ဖြစ်တယ်။တန်ချိန်နဲ့ရှင်းပေးရတဲ့အလုပ်သမားတွေလို့ပြောပါတယ်။တကယ်တော့မြေပြင်အခြေအနေမှာအဲ့လိုမဟုတ်ပါဘူး။မနေ့ကပဲကျွန်တော်ဖုန်းလှမ်းဆက်မေးတဲ့အခါမှာနေ့စားအနေနဲ့တစ်နေ့ကိုနဂိုက(၂၁၀၀)နှုန်းနဲ့ရှင်းခဲ့သော်လည်းပဲအခုတော့တစ်နေ့ကို(၃၀၀၀)နှုန်းနဲ့တွက်ပြီးပေးမယ်ဆိုပြီးတော့ပြောလာတယ်တဲ့”ဟုတင်ပြခဲ့သည်။
ထို့ကြောင့်ဒုတိယဝန်ကြီးဖြေကြားချက်မှာမြေပြင်အခြေအနေနှင့်ကွဲလွဲနေသောကြောင့်သေချာစုံစမ်းစစ်ဆေးပြီးအလုပ်သမားများ၏လုပ်အားခကိုပြည့်ဝစွာရ ရှိရေးအတွက်စီစဉ်ဆောင်ရွက်ပေးနိုင်ခြင်းရှိမရှိဆက်စပ်မေးခွန်းပြန်လည်မေးမြန်းခဲ့သည်။
မြန်မာ့ရေနံနှင့် သဘာဝဓာတ်ငွေ့လုပ်ငန်းအနေဖြင့် အဆိုပါကုန်တင်ကုန်ချလုပ်ငန်းကို တန်ချိန်နှင့်သာပေးချေခြင်းဖြစ်ကြောင်း၊ စာရင်းဇယားများကိုလည်း ယင်းကဲ့သို့ဆောင်ရွက်ခြင်းဖြစ်ကြောင်း၊ဖြေကြားချက်တွင်ပါရှိနေသောမြို့နယ်ကုန်တင်ကုန်ချဦးစီးဌာနမြို့နယ်ဦးစီးမှူးထံမှတစ်ဆင့် ပေးချေခြင်းဖြစ်သောကြောင့်မြို့နယ်ဦးစီးမှူးဘက်မှ ဆောင်ရွက်မည့်အစီအစဉ်မှာ ဌာန၏ စီမံခန့်ခွဲမှုမဟုတ်သည့်အတွက် ဝန်ကြီးဌာနအနေဖြင့်ဖြေကြားပေးနိုင်ခြင်းမရှိကြောင်းပြန်လည်ဖြေကြားခဲ့သည်။
ဝန်ကြီးဌာနအနေဖြင့်လက်ရှိပေးချေနေသောကုန်တင်ကုန်ချတန်ချိန်တန်နှုန်းများကိုပိုမိုသင့်တော်သောဈေးနှုန်းသို့ပြင်ဆင်သတ်မှတ်ပေးပြီးလာမည့်နှစ်မှစတင်ကာပေးချေသွားမည်ဟုဒေါက်တာထွန်းနိုင်ကပြောကြားခဲ့သည်။
ဖူးဖူးအောင်
