မွန်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲမှာ မွန်လူထုအသံကိုကိုယ်စားပြုနိုင်ခဲ့သည့်အတွက် သမိုင်းဝင်ဆွေးနွေးပွဲတစ်ခုဟုဆို

ရေး၊ မေ ၈

မွန်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲကို မွန်ပြည်နယ်၊ ရေးမြို့နယ်တွင် မေလ ၅ ရက်နေ့မှ ၇ ရက်နေ့အထိ ၃ ရက်ကြာ ဆွေးနွေးကျင်းပခဲ့ပြီး မွန်ပြည်သူလူထုကိုယ်စားပြုသည့် အချက်များ မျှော်လင့်ထားသည်ထက် ပိုမိုအောင်မြင်စွာဆွေးနွေးနိုင်ခဲ့သည့်အတွက် သမိုင်းဝင် ဆွေးနွေးပွဲတစ်ခုဖြစ်ခဲ့ကြောင်း မွန်လူမျိုးအလိုက်အမျိုးသားအဆင့်နိုင်ငံရေးဆွေးနွေးပွဲကျင်းပရေးကော်မတီမှ တာဝန်ရှိသူတစ်ဦးက ပြောသည်။

အဆိုပါ ဆွေးနွေးပွဲမှာ နိုင်ငံရေး၊ စီးပွားရေး ၊လူမှုရေး ၊ မြေယာနှင့် သဘာဝသယံဇာတ စသည့်ကဏ္ဍကြီး ၄ ခုကို အကြိတ်အနယ် ဆွေးနွေးခဲ့ကြပြီး နိုင်ငံရေးကဏ္ဍမှာ ဆွေးနွေးမှု အခက်ခဲဆုံးဖြစ်ခဲ့ကြောင်း ယင်းကော်မတီ အတွင်းရေးမှူး မင်းအောင်ထူးက ပြောသည်။

“ဒီဆွေးနွေးမှုဟာ ကျွန်တော်တို့ငြိမ်းချမ်းရေးဖြစ်စဉ်ကို NCA လမ်းကြောင်းအတိုင်းသွားမယ်ဆိုရင် မဖြစ်မနေကျော်ဖြတ်ရမယ့် အချိုးအကွေ့တစ်ခုဖြစ်တယ်။ဒီမွန်လူမျိုးအလိုက်နိုင်ငံရေးဆွေးနွေးပွဲက ကြိုတင်ပြင်ဆင်ချိန်နဲ့ ကျွန်တော်တို့မျှော်လင့်ထားတာနဲ့တွက်ရင် မျှော်လင့်ထားတာထက်အများကြီးကျေနပ်မိပါတယ်။တချို့ အသေးအဖွဲကိစ္စလေးတွေတော့ အခက်ခဲရှိခဲ့တာပေါ့။ဆွေးနွေးတဲ့အခါမှာလည်း ကဏ္ဍကြီး ၄ ခုမှာ နိုင်ငံရေးကဏ္ဍကို ပိုပြီး ခက်ခဲခဲ့တယ် အားလုံးလည်းကိုယ်သဘောပေါက်ထားတဲ့အနေအထားမျိုးမျိုးနဲ့ဆွေးနွေးတဲ့အခါကျတော့ တစ်ခါတစ်လေလည်း စာကြောင်းတစ်ကြောင်းကိုပဲ အဓိပ္ပာယ်အမျိုးမျိုးဖွင့်ပြီး ရှုထောင့်အစုံကနေ ဆွေးနွေးနေကြတာတွေတော့ရှိတာပေါ့။အချုပ်အခြာအာဏာပိုင်တဲ့ကိစ္စ၊ကိုယ်ပိုင်ပြဌာန်းခွင့် စသဖြင့် အဲ့ဒီအပေါ်မှာချည်းပဲ အယူအဆတွေအမျိုးမျိုးရှိနေတယ်။ဒါပေမယ့် ခြုံပြီး ပြောရင်တော့ ယေဘုယျ သဘောတူညီမှုတွေအများကြီးရခဲ့ပါတယ်” ဟုပြောကြားသည်။

ထို့အပြင် မတူကွဲပြားသည့်ရပ်တည်ချက်ကိုယ်စီရှိကြသော မွန်တိုင်းရင်းသားများကြားတွင် ယခုကဲ့သို့ စုစုစည်းစည်းဖြင့် ဆောင်ရွက်နိုင်သည့် အခင်းအကျင်းသည် ပထမဦးဆုံးအကြိမ်ဖြစ်ပြီး သမိုင်းဝင်မည့် ဆွေးနွေးပွဲမှ ၂၁ ပင်လုံအစည်းအဝေးမှာ မွန်လူမျိုးများကို ကိုယ်စားပြုသည့် အသံများကို တင်ပြမှာဖြစ်ကြောင်း၎င်းက ဆက်လက်ပြောကြားသည်။

နိုင်ငံရေးကဏ္ဍဆွေးနွေးရာတွင် အချုပ်အခြာ အာဏာပိုင်(Sovereign Power)၊ အမျိုးသားတန်းတူရေး(Equality)၊ ကိုယ်ပိုင်ပြဌာန်းခွင့်(Self-determinations)၊ ပြည်ထောင်စုနှင့် ပြည်နယ်ဖွဲ့စည်းပုံ၊ ပြည်ထောင်စုနှင့် ပြည်နယ်များအကြား အာဏာခွဲဝေကျင့်သုံးခြင်း၊ ပြည်နယ်ဖွဲ့စည်းပုံ အခြေခံဥပဒေ ရေးဆွဲပြဌာန်းခွင့်၊ လူနည်းစုအခွင့်အရေးအား ကာကွယ်ခြင်း(Minority Rights)စသည်တို့ကိုလည်းကောင်းပါတီစုံ ဒီမိုကရေစီစနစ်(Multi- party Democracy System)၊ ဒီမိုကရေစီ အခွင့်အရေး၊ လူ့အခွင့်အရေး၊ နီုင်ငံသားအခွင့်အရေးနှင့် ကျား၊မ တန်းတူရေး(Democracy,Human Right and Gender Equality) နှင့် ဘာသာရေးကို အခြေခံသည့် နိုင်ငံတော် (Secular State) စသဖြင့် အခြေခံမူ ၁၀ ချက်ကိုလည်း ဆွေးနွေးခဲ့ကြသည်။

စီးပွားရေးကဏ္ဍဆွေးနွေးရာတွင် နိုင်ငံခြားရင်းနှီးမြှုပ်နှံမှုဆိုင်ရာ အခြေခံမူ၊ အကောက်ခွန် နှင့် အခွန် ခွဲဝေခြင်း၊ ငွေကြေးကိစ္စ၊ အမျိုးသားစီမံကိန်းများ(ဆိပ်ကမ်း)၊ ခရီးသွားလုပ်ငန်းကိစ္စ၊ ကူးသန်းရောင်းဝယ်ရေး၊ နည်းပညာဆိုင်ရာ အရင်းအမြစ်ဖွံ့ဖြိုးရေး၊ စိုက်ပျိုးရေး၊ ပြည်နယ်စီးပွားဖွံ့ဖြိုးတိုးတက်ရေးဆိုင်ရာ ကိစ္စရပ်များ နှင့် သဘာဝပတ်ဝန်းကျင်ဆိုင်ရာ ကိစ္စရပ်များ စသည့် အခြေခံ မူဝါဒ ၁၀ချက်ကို ဆွေးနွေးခဲ့ကြခြင်းဖြစ်သည်။

လူမှုရေးကဏ္ဍ ဆွေးနွေးရာတွင် ပြည်လည်နေရာချထားရေးနှင့် ပြန်လည်ထူထောင်ရေးဆိုင်ရာ မူဝါဒများနှင့် လုပ်ငန်းစဉ်များ၊ လူမှုကာကွယ်စောင့်ရှောက်ရေးဆိုင်ရာ ကိစ္စရပ်များအတွက် အခြေခံမူများနှင့် လုပ်ငန်းစဉ်များ၊ မူးယစ်ဆေးဝါးကဏ္ဍဆိုင်ရာ မူဝါဒများနှင့် လုပ်ငန်းစဉ်များ၊ လူမှုဖွံ့ဖြိုးရေးဆိုင်ရာ ကိစ္စရပ် အခြေခံမူများ နှင့် လုပ်ငန်းစဉ်များ စသည့် မူဝါဒများကို ဆွေးနွေးကြပြီး နံနက်ပိုင်း၌ ရွေ့ပြောင်းအလုပ်သမားများ ဘဝလုံခြုံရေး စသည်တို့ဆွေးနွေးခဲ့ကြသည်။

မြေယာနှင့် သဘာဝသယံဇာတကဏ္ဍမှာ ဖက်ဒရယ်စနစ်ကို အခြေခံသော မြေယာဆိုင်ရာ အခြေခံမူများ၊ ဖက်ဒရယ်စနစ်ကို အခြေခံသော သံယံဇာတ စီမံခန့်ခွဲရေးနှင့် ခွဲဝေရေး မူဝါဒ နှင့် သဘာဝပတ်ဝန်းကျင်နှင့် သဘာဝဘေးအန္တရာယ်ကာကွယ်ရေးမူဝါဒများ စသည်ဖြင့် ဆွေးနွေးခဲ့ကြသည်။

ထို့အပြင် ငြိမ်းချမ်းစွာဖြင့်နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းပေးနိုင်မည့်လမ်းကြောင်းပေါ် ဆက်လက်လျှောက်လှမ်းသွားမှာဖြစ်ကြောင်းဆွေးနွေးပွဲအပြီး ကျင်းပရေးကော်မတီက ထုတ်ပြန်ကြေငြာခဲ့သည်။

မွန်လူမျိုးအလိုက်နိုင်ငံရေးဆွေးနွေးပွဲဝယ် နိုင်ငံရေးကဏ္ဍတွင် ၁၃၇ ဦး၊စီးပွားရေးကဏ္ဍတွင် ၁၂၀ ဦး၊ လူမှုရေးကဏ္ဍတွင် ၁၀၆ ဦး၊မြေယာနှင့် သယံဇာတ ကဏ္ဍတွင် ၁၀၈ ဦး စုစုပေါင်း ၅၀၀ နီးပါး ၀င်ရောက်ဆွေးနွေးခဲ့ကြပြီး အဆိုပါဆွေးနွေးပွဲကို NCA လက်မှတ်ရေးထိုးထားပြီးဖြစ်သည့် မွန်ပြည်သစ်ပါတီ၊ မွန်နိုင်ငံရေးပါတီများဖြစ်သည့် မွန်ဒေသလုံးဆိုင်ရာဒီမိုကရေစီပါတီ၊ မွန်အမျိုးသားပါတီတို့က ဦးဆောင်ကျင်းပခဲ့ခြင်းဖြစ်ကာ မွန်ရဟန်းသံဃာတော်များ၊ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန၊ ငြိမ်းချမ်းရေးကော်မရှင်၊ ပစ်ခတ်တိုက်ခိုက်မှုရပ်စဲရေးဆိုင်ရာပူးတွဲစောင့်ကြည့်ရေးကော်မတီ၊ ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီကတာဝန်ရှိသူများ၊ မွန်ပြည်နယ်ဝန်ကြီးချုပ်နဲ့အစိုးရအဖွဲ့ဝင်များ၊ ကြီးကြပ်မှုကော်မတီဝင်များ၊ တိုင်းရင်းသားလက်နက်ကိုင်အဖွဲ့အစည်းများ၊ နိုင်ငံရေးပါတီ၊ မွန်လူထုအခြေပြုအဖွဲ့အစည်းများ၊ မွန်ဒေသအသီးသီးကကိုယ်စားလှယ်တွေ၊ မွန်အမျိုးသမီးများ၊ မွန်လူငယ်များ၊ တတ်သိပညာရှင်တွေနဲ့ ဖိတ်ကြားသင့် ဖိတ်ကြားထိုက်တဲ့ပုဂ္ဂိုလ်များ စုစုပေါင်းအာင်အား ၉၀၀ ကျော်တက်ရောက်ခဲ့ကြကြောင်းသိရသည်။

CL