2:23 pm
နေပြည်တော် ဖေဖော်ဝါရီ ၉
ရခိုင်ပြည်နယ်နှင့်တနင်္သာရီတိုင်းများအတွင်းရှိဒီရေတောပြုန်းတီးမှုကိုလျှော့ချရန်နှင့်ပြန်လည်ထိန်းသိမ်းခြင်းလုပ်ငန်းများဆောင်ရွက်နိုင်ရန်အတွက်ဒိန်းမတ်နိုင်ငံ၏အကူအညီကိုရယူသွားမည်ဖြစ်ပြီးယခုနှစ်မှစတင်ကာ (၂၀၂၃)ခုနှစ်အထိစီမံချက်ချဆောင်ရွက်သွားမည်ဟု သစ်တောဦးစီးဌာနမှသိရသည်။
“ဝန်ကြီးဌာနအနေနဲ့ဒီရေတောထိန်းသိမ်းရေးလုပ်ငန်းများကိုဦးစားပေးဆောင်ရွက်နေသော်လည်းအကြောင်းကြောင်းကြောင့်နည်းပညာနဲ့ရန်ပုံငွေအရကလည်းလိုအပ်နေပါတယ်ဒါကြောင့်ဒိန်းမတ်နိုင်ငံအဓိကကသံအမတ်ကြီးကိုယ်တိုင်ဒါကိုစိတ်ဝင်စားပြီးတော့ပြီးခဲ့တဲ့နှစ်တစ်နှစ်လုံးမှာဒီစီမံကိန်းဆောင်ရွက်ဖို့အတွက်စီမံကိန်းတည်နေရာဒေသရွေးချယ်ရေးနောက်ဆောင်ရွက်မယ့်လုပ်ငန်းတွေရွေးချယ်ရေးနောက်ဒီဒိန်းမတ်နိုင်ငံအစိုးရရဲ့အထောက်အပံ့နဲ့နိုင်ငံတကာနည်းပညာရှင်များကိုဖိတ်ခေါ်ပြီးအသေးစိတ်စီမံကိန်းလုပ်ငန်းတွေရေးဆွဲခဲ့တာဖြစ်ပါတယ်”ဟု ယနေ့သစ်တောဦးစီးဌာနရုံးချုပ်၌ ဒိန်းမတ်နိုင်ငံနှင့်နှစ်နိုင်ငံအကူအညီပေးရေးသဘောတူ စာချုပ်ချုပ်ဆိုပွဲတွင်သစ်တောဦးစီးဌာနညွှန်ကြားရေး မှုးချုပ် ဒေါက်တာညီညီကျော်ကဆိုသည်။
အဆိုပါစီမံကိန်းတွင်အဓိကလုပ်ဆောင်သွားမည့် လုပ်ငန်းများအဖြစ်ဒီရေတောပြုန်းတီးမှုကိုလျှော့ချနိုင်ရန်ဒေသခံပြည်သူများကိုထင်းအသုံးနည်းစေမည့်စွမ်းအားမြင့်မီးဖိုများဖြန့်ဝေပေးခြင်းနှင့်ဒီရေတောများမထိခိုက်အောင်စီမံထားသည့်ရေထွက်ပစ္စည်းမွေးမြူခြင်းလုပ်ငန်းများကို အကူအညီပေးသွားမည်ဟုသိရသည်။
“တကယ်တော့လေဒီရေတောနေရာတွေကစပါးစိုက်စိုက်ပုစွန်ကန်ငါးကန်မွေးမွေးသုံးနှစ်လောက်ဆို အဲဒါတွေဆက်လုပ်မရတော့တဲ့မြေအမျိုးအစားပါ။အဲတော့ဒီရေတောလဲပြုန်းဘာမှလဲလုပ်စားမရဖွတ်မရ ဒါးမဆုံးတွေဖြစ်ကုန်တာပေါ့”ဟု ညွှန်ကြားရေးမှူးဦး ဘိုနီကဆိုသည်။
ယနေ့တွင်ဒီရေတောပြုန်းတီးမှုကာကွယ်ရေးနှင့်စနစ်တကျစီမံအုပ်ချုပ်ခြင်းအတွက်ဒိန်းမတ်နိုင်ငံမှအမေရိကန်ဒေါ်လာ(၅.၅)သန်းကျော်ဖြင့်နည်းပညာအကူအညီများကိုလည်းပေးအပ်သွားမည်ဖြစ်ကြောင်းသဘောတူစာချုပ်ချုပ်ဆိုခဲ့သည်။
မြန်မာနိုင်ငံသည်ကမ္ဘာပေါ်တွင်ဒီရေရောက်သစ်တော ပေါက်ရောက်မှုအများဆုံးနိုင်ငံတစ်နိုင်ငံဖြစ်ပြီးအဆင့်(၇)တွင်တည်ရှိနေသည်။လေ့လာဆန်းစစ်မှုများအရဒီရေတောများဖုံးလွှမ်းနေသည့်ဧရိယာအကျယ်အဝန်း(၄၈၅၀၀၀)ဟက်တာခန့်ရှိသည်။သို့သော်လွန်ခဲ့သည့်(၁၀)စုနှစ်များအတွင်းစိုက်ပျိုးမြေနှင့်ပုစွန်ကန်များတိုးချဲ့ဖော်ထုတ်ခြင်း၊သစ်၊ထင်းအလွန်အကျွံထုတ်လုပ်ခြင်းများကြောင့်ဒီရေရောက်သစ်တောများအလျင်အမြန်ပျက်စီးခဲ့ရပြီးယခုအချိန်တွင်ဒီရေတောဧရိယာငါးသိန်းခန့်သာကျန်ရှိကြောင်း သိရသည်။
အောင်ပြည့်စုံ
