မြန်မာနိုင်ငံတွင် ရိုဟင်ဂျာလူမျိုး မရှိကြောင်း အစိုးရ လွှတ်တော်မှာ တရားဝင်ပြော

မြန်မာနိုင်ငံတွင် ရိုဟင်ဂျာလူမျိုး မရှိကြောင်း အစိုးရ လွှတ်တော်မှာ တရားဝင်ပြော
February 5, 2018 Fame Asian

2:34 pm
မြန်မာနိုင်ငံတွင် ရိုဟင်ဂျာလူမျိုး မရှိကြောင်း အစိုးရ လွှတ်တော်မှာ တရားဝင်ပြော

27545127_1707593865969555_4937724204806929086_n

နေပြည်တော်၊ဖေဖော်ဝါရီ ၅

လွပ်လပ်ရေး မရမှီနှင့် လွတ်လပ်ရေး ရပြီးနောက်ပိုင်း နိုင်ငံတွင် ကောက်ယူ ခဲ့သော လူဦးရေသန်ခေါင်စာရင်းအသီးသီးတွင် တိုင်းရင်းသားလူမျိုးစု ၁၃၅ စု ဆိုသည်ကိုသာတွေ့ရပြီး ရိုဟင်ဂျာလူမျိုး ဆိုသည်ကို မည်သည့် သန်းခေါင်စာရင်းမှာမှ မတွေ့ရကြောင်း ပြည်ထောင်စုဝန်ကြီး ဦးသိန်းဆွေက ယနေ့ကျင်းပသည့် ပြည်သူ့လွှတ်တော်တွင် ပြောသည်။

မက်မန်းမဲဆန္ဒနယ်မှ ပြည်ခိုင်ဖြိုး ပြည်သူ့လွှတ်တော်ကိုယ်စားလှယ် ဦးတင်အေး က လွှတ်တော်တွင် မေးမြန်းသည့် ”တိုင်းရင်းသားမျိုးနွယ်စုများတွင် ရိုဟင်ဂျာလူမျိုးမရှိကြောင်းအား မြန်မာနိုင်ငံရှိ တိုင်းရင်းသားပြည်သူလူထုသာမက ကမ္ဘာ့နိုင်ငံအသီးသီးအား သိရှိစေရန် မည်ကဲ့သို့ စီစဉ်ဆောင်ရွက်ထားသည်ကို သိလိုခြင်း” မေးခွန်းအပေါ် ပြည်ထောင်စုအစိုးရအဖွဲ့ ကိုယ်စား ပြည်ထောင်စုဝန်ကြီးက ဖြေကြားရာတွင် အထက်ပါအတိုင်း ထည့်သွင်းဖြေကြားခဲ့ခြင်းဖြစ်သည်။

ရိုဟင်ဂျာလူမျိုးသည် မြန်မာနိုင်ငံရှိ တိုင်းရင်းသားလူမျိုးစာရင်းတွင် မပါဝင်ကြောင်း ကြိမ်ဖန်များစွာ ပြောကြားထားပြီး ဖြစ်သည် ဟု ပြည်ထောင်စုဝန်ကြီးက ဆက်ပြောသည်။

နိုင်ငံတော်အကြီးအကဲများ၏ မိန့်ခွန်းများ၊ သ၀ဏ်လွှာများ၌ ရိုဟင်ဂျာ ဆိုသည့် အသုံးအနှုန်းကို ထည့်သွင်းသုံးနှုန်းဖော်ပြခြင်းမရှိခဲ့ကြောင်း၊ ယင်းအပြင် ကမ္ဘာ့နိုင်ငံအသီးသီးတွင် ရှိနေသည့် မြန်မာသံရုံးဝန်ထမ်းများ၊ သံအမတ်ကြီးများ၊ UN အဖွဲ့အစည်းများတွင်ရှိသည့် မြန်မာနိုင်ငံဆိုင်ရာ အမြဲတမ်းကိုယ်စားလှယ်များ ကပါ ယင်းအသုံးအနှုန်းကို သုံးစွဲခြင်း၊ အသိအမှတ်ပြုခြင်း မရှိခဲ့ကြောင်းနှင့် ရိုဟင်ဂျာ ဆိုသည့် အသုံးအနှုန်းကို အစည်းအဝေးများတွင် တစ်ဖက်မှ တရားဝင်သုံးစွဲ ခေါ်ဆိုလာပါက တရားဝင်ကန့်ကွက်ခြင်း၊ ဆန့်ကျင်ခြင်း၊ ထောက်ပြခြင်းများ စဉ်ဆက်မပြတ် ပြုလုပ်လျှက် ရှိနေပါကြောင်းဦးသိန်းဆွေက လွှတ်တော်တွင် ရှင်းပြသည်။

မြန်မာအစိုးရအနေဖြင့် အမျိုးသားအကျိုးစီးပွား၊တိုင်းရင်းသားလူမျိုးများအားလုံး၏ ရေရှည်အကျိုးစီးပွား အတွက် ရှေ့ရှုဆောင်ရွက်နေရာမှာ ခံစားချက်ဖြင့် စကားလုံးတစ်လုံးချင်းဆီ အပေါ် စိတ်ခံစားပြီး ထုတ်ပြန်ခြင်းထက် လုပ်ထုံးလုပ်နည်း ဥပဒေများနှင့်အညီ တည်တည်ငြိမ်ငြိမ် ဂုဏ်သိက္ခာရှိရှိ ထိရောက်သည့် တုန့်ပြန်မှုများဖြင့် ဆောင်ရွက်နေကြောင်း ၀န်ကြီးက ဖြည့်စွတ်ပြောသည်။

PNews

Comments (0)

Leave a reply

Your email address will not be published. Required fields are marked *

*