ပြည်တွင်း/ပြည်ပ မှနေ၍ ငွေကျပ် ၇၅၃၉ ဘီလီယံ ကို ပြည်ထောင်စုအစိုးရအဖွဲ့ ပြီးခဲ့သည့် ဘဏ္ဍာနှစ်ကချေးယူခဲ့ ဟု ပြည်သူ့ငွေစာရင်းပူးပေါင်းကော်မတီ ပြော

ပြည်တွင်း/ပြည်ပ မှနေ၍ ငွေကျပ် ၇၅၃၉ ဘီလီယံ ကို ပြည်ထောင်စုအစိုးရအဖွဲ့ ပြီးခဲ့သည့် ဘဏ္ဍာနှစ်ကချေးယူခဲ့ ဟု ပြည်သူ့ငွေစာရင်းပူးပေါင်းကော်မတီ ပြော
February 2, 2018 Fame Asian

6:16 pm
ပြည်တွင်း/ပြည်ပ မှနေ၍ ငွေကျပ် ၇၅၃၉ ဘီလီယံ ကို ပြည်ထောင်စုအစိုးရအဖွဲ့ ပြီးခဲ့သည့် ဘဏ္ဍာနှစ်ကချေးယူခဲ့ ဟု ပြည်သူ့ငွေစာရင်းပူးပေါင်းကော်မတီ ပြော

27545211_1704676642927944_7443211345010251596_n

နေပြည်တော်၊ဖေဖော်ဝါရီ ၃

ပြည်ထောင်စုအစိုးရအဖွဲ့ သည် ခွင့်ပြုပေးထားသည့် ပမာဏထက် ငွေကျပ်ဘီလီယံ ၂ထောင်ကျော် ကိုကျော်လွန်ပြီး ပြီးခဲ့သည့် ဘဏ္ဍာနှစ်က ချေးယူခဲ့၍ ဥပဒေအတိုင်းဆောင်ရွက်ရန် ပြည်သူ့ငွေစာရင်းပူးပေါင်းကော်မတီ မှ အစိုးရအဖွဲ့ထံ သဘောထားမှတ်ချက် ပေးပို့ခဲ့သည်။

ယင်းအပေါ် အစိုးရအဖွဲ့ကိုယ်စား စီမံ/ဘဏ္ဍာ ၀န်ကြီးဌာနမှ ဒုတိယ၀န်ကြီး ဦးမောင်မောင်ဝင်း က ပြည်ထောင်စုလွှတ်တော်သို့ ပြီးခဲ့သည့် ရက်ပိုင်းက လာရောက်ဖြေရှင်းခဲ့ရသည်။

၂၀၁၆ခုနှစ် ပြည်ထောင်စု၏ ဘဏ္ဍာငွေ ရသုံးဆိုင်ရာဥပဒေကို ပြင်ဆင်သည့် ဥပဒေတွင် ပြည်တွင်း/ပြည်ပချေးငွေကို ငွေကျပ် ၅၀၀၀ဘီလီယံဟု ပြည်ထောင်စုလွှတ်တော်မှ အခြေခံထားသတ်မှတ်ပေးထားသည်။

ပြည်ထောင်စုအစိုးရအဖွဲ့သစ် အနေဖြင့် ၂၀၁၆-၂၀၁၇ဘဏ္ဍာရေးနှစ် တွင် ပြည်တွင်း/ပြည်ပ မှနေ၍ ငွေကျပ် ၇၅၃၉ ဘီလီယံ ကို ချေးယူခဲ့သည်။

ခွင့်ပြုချက်ထက် ငွေကျပ် ၂၅၃၉ ဘီလီယံ ပိုနေသည်ဟု ပြည်သူ့ငွေစာရင်းပူးပေါင်းကော်မတီ က ပြောဆိုထားသည်။

ထို့အတွက်ကြောင့် တည်ဆဲဥပဒေ၊ဘဏ္ဍာရေးစည်းမျဉ်းစည်းကမ်းများနှင့်အညီ လိုက်နာဆောင်ရွက်သွားရန် ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီ က အစိုးရအဖွဲ့ထံ သဘောထားမှတ်ချက် ကို ပြီးခဲ့သည့် ရက်ပိုင်းက ပေးပို့ခဲ့ခြင်းဖြစ်သည်။

ပြည်သူ့ငွေစာရင်းပူးပေါင်းကော်မတီ၏ သဘောထားမှတ်ချက်အပေါ် စီမံ/ဘဏ္ဍာဝန်ကြီးဌာန ဒုတိယ၀န်ကြီး ဦးမောင်မောင်ဝင်း က ပြည်ထောင်စုလွှတ်တော်၌ ပြန်လည် ရှင်းလင်းရာတွင် ”၂၀၁၆ခုနှစ် ပြည်ထောင်စုရဲ့ ဘဏ္ဍာငွေ ရသုံးဆိုင်ရာဥပဒေကို ပြင်ဆင်တဲ့ ဥပဒေအရ၂၀၁၆-၂၀၁၇ ဘဏ္ဍာနှစ်အတွင်းမှာ အမှတ်တကယ်ချေးယူနိုင်တဲ့ ပမာဏဟာ ကျပ် ၅၀၀၀ဘီလီယံကို အခြေခံပြီး သတ်မှတ်ခဲ့တဲ့နေရာမှာ ၂၀၁၆-၂၀၁၇ ခုနှစ်ဘဏ္ဍာနှစ်ပြုပြင်ပြီး ခန့်မှန်းချေအရ ဖြစ်ပေါ်လာတဲ့ ဘက်ဂျက်လိုငွေ ၃၉၂၈ဒသမ၅၅၄ဘီလီယံ ပေါ်မှာအခြေခံပါတယ်။လက်တွေ့ အခြေအနေမှာတော့ ပြည်ထောင်စုအစိုးရအပ်ငွေစာရင်းပေါ်မှာ ဖြစ်ပေါ်လာတဲ့ လိုငွေကို ဖြည့်ဆည်းတဲ့ နေရာမှာ ယခင်

ဘဏ္ဍာနှစ် များက ရောင်းချထားတဲ့ အစိုးရရဲ့ငွေတိုက်စာချုပ် ငွေတိုက်လက်မှတ်များ သည် ယခုဘဏ္ဍာနှစ်အတွင်းမှာ သက်တမ်း စေ့ရောက်မှုများ ရှိတဲ့စာချုပ်များကို ပြန်လည်ရွေးနှုတ်ရခြင်းနဲ့ ယခုဘဏ္ဍာနှစ်အတွင်းမှာ အစိုးရဌာန အဖွဲ့အစည်းများရဲ့ ရငွေ/သုံးငွေ အခြေအနေ အရ ရငွေထက် သုံးငွေက ပိုနေခြင်းတို့ကို ပေါင်းစပ်ပြီးတော့မှ ဖြည့်ဆည်းရခြင်းဖြစ်ပါတယ်။၂၀၁၆-၂၀၁၇ ဘဏ္ဍာနှစ်အတွင်းမှာ အစိုးရရဲ့ ငွေချေးစာချုပ် ငွေတိုက်စာချုပ် များ ရောင်းချခဲ့တဲ့ စုစုပေါင်း တန်ဖိုးပမာဏဟာ၇၁၃၄ ဒသမ ၆ ဘီလီယံဖြစ်ပြီးတော့ ပြန်လည်ရွေးနှုတ်ခဲ့တဲ့ ပမာဏကတော့ ၄၈၃၉ဒသမ၁ ဘီလီယံ ဖြစ်ပါတယ်။ဒါ့ကြောင့်အသားတင်ဖြည့်ဆည်းမှုဟာ ၂၂၉၅ဒသမ၅ဘီလီယံ လို့ တွက်ချက်ရရှိပါတယ်။သို့ ဖြစ်တဲ့အတွက်ကြောင့် ၂၀၁၆-၂၀၁၇ ဘဏ္ဍာနှစ်မှာ ပြည်ပကနေ ချေးယူငွေဟာ ၄၅၈ဒသမ ၄ဘီလီယံဖြစ်တဲ့အတွက် ပြည်တွင်းက အသားတင်ဖြည့်ဆည်းမှုသည် ၂၂၉၅ဒသမ၅ ဘီလီယံ နဲ့ တွက်ပါက စုစုပေါင်းချေးယူငွေသည် ၂၇၅၃ဒသမ၉ ဘီလီယံ ဖြစ်တာကိုတွေ့ရပါတယ်။အမှတ်တကယ်ချေးယူနိုင်တဲ့ ၅၀၀၀ဘီလီယံအောက်သာ ရှိတာကို တွေ့ရမှာ ဖြစ်ပါတယ်။သို့ပါသော်လည်း လာမယ့် ဘဏ္ဍာနှစ်များမှာတော့ ပြည်သူ့ငွေစာရင်းပူးပေါင်းကော်မတီက သဘောထားမှတ်ချက်ပြုထားတဲ့အတိုင်း ဥပဒေပြဌာန်းချက်နဲ့ညီညွှတ်စေရန် သတိပြု ဆောင်ရွက်သွားမည်ဖြစ်ပါကြောင်း တင်ပြပါသည်”ဟု ပြောသည်။

PNews

Comments (0)

Leave a reply

Your email address will not be published. Required fields are marked *

*