ရှမ်း အိုးစည်ဗုံမောင်းတွေနဲ့ကပြဖျော်ဖြေတဲ့အခါ ခွကျော်တက်နင်းခုန်ပေါက်တီးခတ်မှုမပြုလုပ်ကြဖို့ ရှမ်းစာပေနှင့်ယဉ်ကျေးမှုအသင်း မေတ္တာရပ်ခံ

ရှမ်း အိုးစည်ဗုံမောင်းတွေနဲ့ကပြဖျော်ဖြေတဲ့အခါ ခွကျော်တက်နင်းခုန်ပေါက်တီးခတ်မှုမပြုလုပ်ကြဖို့ ရှမ်းစာပေနှင့်ယဉ်ကျေးမှုအသင်း မေတ္တာရပ်ခံ
January 16, 2018 Fame Asian

2:23 pm
ရှမ်း အိုးစည်ဗုံမောင်းတွေနဲ့ကပြဖျော်ဖြေတဲ့အခါ ခွကျော်တက်နင်းခုန်ပေါက်တီးခတ်မှုမပြုလုပ်ကြဖို့ ရှမ်းစာပေနှင့်ယဉ်ကျေးမှုအသင်း မေတ္တာရပ်ခံ

26239946_1686438394751769_2330304421347280766_n

မန္တလေး၊ဇန်န၀ါရီ ၁၆

ပျော်ပွဲရွှင်ပွဲနဲ့အလှူမင်္ဂလာဘာသာရေးအခမ်းအနားတွေထဲ ရှမ်းရိုးရာအိုးစည်ဗုံမောင်းတွေနဲ့ကပြဖျော်ဖြေတဲ့အခါမှာ ရှမ်းလူမျိုးတို့အမြတ်တနိုးတန်ဖိုး ထားကြတဲ့ ရှမ်းအိုးစည်အပေါ် ခွကျော်တက်နင်းခုန်ပေါက်တီးခတ်မှုမပြုလုပ်ကြဖို့ ရှမ်းစာပေနှင့်ယဉ်ကျေးမှုအသင်းကမေတ္တာရပ်ခံထားပါတယ်။

“ရှမ်းအိုးစည်ကို လူတိုင်းတီးလို့ရတယ်၊ ဘယ်တိုင်းရင်းသားမဆိုတီးလို့ရတယ်၊ ဒါပေမယ့် ယဉ်ကျေးတဲ့အပြုအမူ ကောင်းမွန်တဲ့ရည်ရွယ်ချက် အချက် နှစ်ချက်နဲ့တော့ကန့်သတ်ထားပါတယ်၊ ရည်ရွယ်ချက်ကောင်းကောင်းလေးနဲ့ ယဉ်ကျေးတဲ့အပြုအမူတွေနဲ့ဆိုရင် ကျွန်တော်တို့က လုံးဝကန့်ကွက်စရာ မရှိပါဘူး၊ ရှမ်းအိုးစည်အပေါ်ခွကျော်တက်နင်းခုန်ပေါက်တီးခတ်တာမလုပ်ကြဖို့ ကျွန်တော်တို့ကမေတ္တာရပ်ခံတာပါ” လို့ ရှမ်းစာပေနှင့်ယဉ်ကျေးမှုအသင်း (မန္တလေး)ဥက္ကဌဦးစိုင်းဝင်းလှိုင်ကပြောပါတယ်။

26733563_1686438384751770_4807431601857073796_n

ပြီးခဲ့တဲ့ဇန်န၀ါရီ ၁ ရက်က ရွှေကြက်ဖရှမ်းအိုးစည်အဖွဲ့ ဆံတော်ရှင်ကျိုက်ထီးရိုးစေတီတော်မှာ ဖျော်ဖြေတင်ဆက်ခဲ့တဲ့ဖြစ်စဉ်နဲ့စပ်လျဉ်းပြီး ၄င်းက မေတ္တာရပ်ခံလိုက်တာပါ။

၂၀၁၈ ခုနှစ်၊ ဇန်န၀ါရီ ၁ ရက်က ရွှေကြက်ဖရှမ်းအိုးစည်အဖွဲ့ဟာ ဆံတော်ရှင်ကျိုက်ထီးရိုးစေတီတော်မှာ ရှမ်းရိုးရာအိုးစည်ဗုံမောင်းနဲ့ကပြဖျော်ဖြေရာမှာ ရှမ်းအိုးစည်အပေါ်ခွကျော်တက်နင်းပြီးခုန်ပေါက်တီးခတ်ခဲ့သလို လျှမ်းလျှမ်းတောက်အမည်ရှိတဲ့ရှမ်းအိုးစည်အဖွဲ့ကလည်း အလားတူလုပ်ဆောင်ခဲ့တယ် လို့ ရှမ်းစာပေနှင့်ယဉ်ကျေးမှုအသင်းဆီကသိရပြီး အဲဒီ့လိုဆောင်ရွက်ခဲ့ကြတဲ့ နှစ်ဖွဲ့စလုံးက ခေါင်းဆောင်တွေဟာ မနေ့က တရားဝန်တောင်းပန်ခဲ့ကြပါတယ်။

တောင်းပန်ပွဲကို ဇန်န၀ါရီ ၁၅ ရက်က မန္တလေးမြို့ ၆၅ လမ်း၊ ၃၈ လမ်း နဲ့ ၃၉ လမ်းကြားက ရှမ်းစာပေနှင့်ယဉ်ကျေးမှုအသင်း(မန္တလေး)မှာ ရွှေကြက်ဖရှမ်းအိုးစည်အဖွဲ့နဲ့လျှမ်းလျှမ်းတောက်ရှမ်းအိုးစည်အဖွဲ့တို့မှ တာဝန်ရှိသူတွေဟာ မီဒီယာတွေရှေ့တရားဝင်ဝန်ချတောင်းပန်ပွဲလုပ်ခဲ့တာဖြစ်ပြီး ၄င်းတို့အနေနဲ့ မသိလို့လုပ်ခဲ့မိတာဖြစ်ကြောင်း၊ အပျက်သဘောမျိုးလုပ်ဆောင်ခဲ့တာမဟုတ်ကြောင်း အဖွဲ့ခေါင်းဆောင်နှစ်ဦးစလုံးကရှင်းပြ ခဲ့ကြပါတယ်။

တောင်းပန်မှုအပေါ် ရှမ်းစာပေနှင့်ယဉ်ကျေးမှုအသင်း(မန္တလေး)နဲ့တက်ရောက်လာတဲ့ရှမ်းလူမျိုးတွေဘက်က ကျေနပ်လက်ခံခဲ့ပါတယ်။

“အခုဖြစ်တဲ့ဖြစ်စဉ်မှာ ပုဂ္ဂိုလ်ရေးအရ မုန်းတီးတာဘာတစ်ခုမှမရှိပါဘူး၊ ဒီအဖွဲ့ကလည်း မကောင်းတဲ့ရည်ရွယ်ချက်နဲ့လုပ်ခဲ့တာလို့ကျွန်တော်တို့မယူဆပါ ဘူး၊ ဒါပေမယ့်လည်း ရှမ်းပြည်လူထုကဘာဖြစ်လဲဆိုရင် ဒီရှမ်းအိုးစည်ဟာ ရှမ်းပြည်မှာဆိုရင် အပေါ်ကတောင်မခွပါဘူးတဲ့၊ မကျော်ရပါဘူးတဲ့၊ ကွင်းပြီး သွားကြတယ်တဲ့၊ ဒီလိုတန်ဖိုးထားတဲ့အရာကို အခုလိုလုပ်တော့ ရှမ်းပြည်လူထုက၀မ်းနည်းကြတာပေါ့၊ စိတ်ဆိုးကြတာပေါ့၊ တစ်ချို့အပိုင်းက ထိလွယ်ရှလွယ်တဲ့သဘောလေးတွေရှိပါတယ်၊ ကျွန်တော်တို့မြို့ပေါ်မှာနေတဲ့သူက ပြဿနာမရှိဘူး၊ ရှမ်းပြည်မှာရှိတဲ့သူတွေက အစွဲရှိတယ်၊ သွားထိလို့ မရဘူး၊ ရှမ်းအိုးစည်အပေါ်ခွကျော်တက်နင်းတာမျိုးမလုပ်ကြဖို့ ကျွန်တော်တို့ကမေတ္တာရပ်ခံလိုပါတယ်” လို့ ဥက္ကဌဦးစိုင်းဝင်းလှိုင်ကပြောပါတယ်။

ရှမ်းလူမျိုးတွေဟာ ရှမ်းအိုးစည်ကို ယဉ်ကျေးမှုအမွေအနှစ်မင်္ဂလာရွှေအိုးစည်အဖြစ် အမြတ်တနိုးတန်ဖိုးထားပြီး ပွဲလမ်းသဘင်အခမ်းအနား နဲ့ ဘာသာ ရေးအခမ်းအနားတွေမှာ တီးခတ်ကြတာပါ။

ရှမ်းရိုးရာအိုးစည်ဗုံမောင်းတွေနဲ့ကပြဖျော်ဖြေတဲ့အခါမှာ ရှမ်းအိုးစည်အပေါ်ခွကျော်တက်နင်းပြီး ခုန်ပေါက်တီးခတ်တာဟာ ရှမ်းယဉ်ကျေးမှုနဲ့အများကြီး ဆန့်ကျင်နေတယ်လို့လည်း ရှမ်းစာပေနှင့်ယဉ်ကျေးမှုအသင်း(ဗဟို)ကဆိုထားပါတယ်။

တိုင်းရင်းသားလူမျိုးတွေရဲ့ အခွင့်အရေးကာကွယ်စောင့်ရှောက်တဲ့ဥပဒေမှာ တိုင်းရင်းသားလူမျိုးတွေရဲ့ စကား စာပေ အနုပညာ ယဉ်ကျေးမှု ရိုးရာဓလေ့ ထိုးတမ်း အမျိုးသားရေးလက္ခဏာနဲ့ သမိုင်းအမွေအနှစ်တွေကို ထိန်းသိမ်းစောင့်ရှောက်ဖို့နဲ့ဖွံ့ဖြိုးတိုးတက်စေဖို့ဆိုပြီးပါရှိပါတယ်။

စောထွေး

Comments (0)

Leave a reply

Your email address will not be published. Required fields are marked *

*