ယခင်ရှိခဲ့ဖူးတဲ့ပြဿနာကြောင့် ငါးကင်လာပို့တဲ့ အမျိုးသမီးငယ်ကို သတ်ဖြတ်ခြင်းဖြစ်ကြောင်း ပြစ်မှုကျူးလွန်သူထွက်ဆို

ယခင်ရှိခဲ့ဖူးတဲ့ပြဿနာကြောင့် ငါးကင်လာပို့တဲ့ အမျိုးသမီးငယ်ကို သတ်ဖြတ်ခြင်းဖြစ်ကြောင်း ပြစ်မှုကျူးလွန်သူထွက်ဆို
December 26, 2017 Fame Asian

3:53 pm
ယခင်ရှိခဲ့ဖူးတဲ့ပြဿနာကြောင့် ငါးကင်လာပို့တဲ့ အမျိုးသမီးငယ်ကို သတ်ဖြတ်ခြင်းဖြစ်ကြောင်း ပြစ်မှုကျူးလွန်သူထွက်ဆို

26001245_1644052288972063_8052847075745480180_n

ကျိုင်းတုံ ၊ ဒီဇင်ဘာ ၂၆

ကျိုင်းတုံမြို့နယ်အထဲမှာဖြစ်ပွားခဲ့တဲ့ အသက် ၁၈ နှစ်အရွယ် အမျိုးသမီးငယ်တစ်ဦးကို သတ်ဖြတ်ခဲ့တဲ့ကိစ္စအကြောင်းကို သက်ဆိုင်ရာ ရဲတပ်ဖွဲ့ကနေ ထပ်မံသိရှိရပါတယ်။

ယခင်ကရှိဖူးတဲ့ ပြဿနာတွေကြောင့် ငါးကင်လာပို့စဉ် အမျိုးသမီးငယ်ကို သတ်ကာ မီးရှို့ပြီးအစဖျောက်ခဲ့တာဖြစ်တယ်လို့ ဖမ်းဆီးရမိထားတဲ့ ပြစ်မှုကျူးလွန်သူ ၂ ဦးရဲ့ ထွက်ဆိုချက်တွေကို ကိုးကားပြီး ရှမ်းပြည်နယ် ဒုပြည်နယ်ရဲတပ်ဖွဲ့မှူးရုံးရဲ့ တာဝန်ကျရဲအရာရှိက ဆိုပါတယ်။

ပြစ်မှုကျူးလွန်သူအဖြစ် ဖမ်းဆီးခံထားရပြီး ပြစ်မှုကျူးလွန်ကြောင်းကို ၀န်ခံထားသူ ၂ဦးကတော့ သေဆုံးသူနဲပ တစ်မြို့တည်းနေ ကိုစိုးလွင်ဆိုသူနဲ့ သူ့ရဲ့အပေါင်းပါ အိုက်တီ(ခ)စိုင်းရှန် ဆိုသူ ဖြစ်တယ်လို့ ရဲတပ်ဖွဲ့ကနေသိရပါတယ်။

သေဆုံးသူအမျိုးသမီးငယ်ကတော့ အသက် ၁၈ နှစ်အရွယ် ကျိုင်းတုံမြို့နေ မအေပီလှ ဆိုသူပဲဖြစ်ပါတယ်။ ဖြစ်စဉ်နဲ့ပတ်သတ်ပြီး ရဲအရာရှိက ပေါ်ပြူလာနယူးစ်ကို အခုလိုရှင်းပြပါတယ်။

“ကောင်မလေးကလွန်ခဲ့တဲ့ ၈လလောက်က သူတို့အိမ်မှာ နေဖူးတယ် ။ ကိုစိုးလွင်ရဲ့ အမျိုးသမီးက ကျောင်းဆရာမ ။ အခုသေတဲ့ကောင်မလေးက အဲဒီကျောင်းဆရာမရဲ့တပည့်ပေါ့နော်။ ဖြစ်စဉ်ဖြစ်တာကတော့ ကောင်မလေးက သူ့အိမ်ကို ငါးကင်သွားစားမယ်ပြောပြီးထွက်သွားတာ။ အဲဒီကတည်းက အိမ်ကပျောက်သွားတာ။ တရားခံရဲ့ထွက်ဆိုချက်အရတော့ ကောင်မလေးက ကိုစိုးလွင်ရဲ့ အမျိုးသမီး ကျောင်းဆရာမကို ငါးကင်လာပို့တာ။ လာပို့တော့ ကျောင်းဆရာမက အိမ်မှာမရှိဘူး။ အဲဒီမှာ လူသတ်မှုကျူးလွန်လိုက်တာ” လို့ ရဲအရာရှိက ဆိုပါတယ်။

တရားခံကို ဖမ်းဆီးနိုင်ခဲ့ပုံ ၊ မီးရှို့ခံထားရတဲ့ အလောင်းကို မအေပီလှအလောင်းဖြစ်ကြောင်း သက်သေယူနိုင်ခဲ့ပုံတွေနဲ့ပတ်သတ်ပြီး ရဲအရာရှိက “ကောင်မလေးရဲ့ရည်းစားက ဒီဖေ့ဘွတ်မှာ တင်တဲ့ပုံတွေနဲ့သတင်းတွေမှာ လက်စွပ်လေးကိုတွေ့တာ။ သူတို့က တစ်နှစ်ပြည့် လုပ်ထားတဲ့ လက်စွပ်လေးပေါ့။ ဒီလက်စွပ်လေးကိုတွေ့တော့ သူ့ကောင်လေးက ရဲကိုအကြောင်းလာကြားတာ။ ကျွန်တော်တို့က လက်စွပ်ကိုထုတ်ပြတယ်။ ထုတ်ပြတော့ဒါဟာသူ့ရဲ့ရည်းစား မအေပီလှရဲ့လက်စွပ်ဖြစ်တယ်ဆိုတာကို သူကအတည်ပြုပေးတာ။ ကျွန်တော်တို့က ကောက်ချက်ပြန်ဆွဲကြည့်တော့ ဒီ ကောင်မလေးရဲ့ တစ်နေ့တာလှုပ်ရှားမှုတွေကို စစ်ဆေးကြည့်တော့ ကိုစိုးလွင်ရဲ့ အိမ်မှာ ခြေရာကဆုံးနေတယ်။ ဒါကြောင့်ကိုစိုးလွင်ကို စစ်ဆေးကြည့်လိုက်တော့ သူက ၀န်ခံပြီး ကောင်မလေးရဲ့ဖုန်းတွေ ဖိနပ်တွေကို လွှင့်ပစ်ခဲ့တဲ့ နေရာကို လိုက်ပြတယ်။ ကောင်မလေးစီးလာတဲ့ဆိုင်ကယ်ကို ပေါင်တဲ့နေရာတွေလိုက်ပြတယ်။ ကျွန်တော်တို့က သိမ်းဆည်းလိုက်တယ်” လို့ ဆိုပါတယ်။

လက်ရှိ ဖမ်းဆီးရမိထားတဲ့ ကျူးလွန်သူ ကိုစိုးလွင်နဲ့ အိုက်တီ(ခ)စိုင်းရှန် တို့ကို ကျိုင်းတုံရဲစခန်းမှာ ပ/၂၃၂(၂၀၁၇) ရာဇသတ်ကြီးပုဒ်မ ၃၀၂ လူသတ်မှု ၊ ၂၀၁ လူသတ်ပြီး အလောင်းဖျောက်ဖျက်မှု တွေနဲ့ တရားစွဲဆိုထားတယ်လို့ ရဲစခန်းရဲ့မှတ်တမ်းတွေအရသိရပါတယ်။

ဒီဇင်ဘာ(၂၂)ရက်နေ့ကရှမ်းပြည်နယ်အရှေ့ပိုင်းကျိုင်းတုံမြို့ လွိုင်မွေဖက်သွားတဲ့လမ်းဘေးတစ်နေရာ နမ့်လပ်ရေအားလျှပ်စစ်အကျော်နားမှာ မီးရှို့ခံထားရတဲ့ အမည်မသိအမျိုးသမီးအလောင်းတစ်လောင်းကိုရဲ့ တွေ့ရှိခဲ့ရာကနေ ခုလို ပြစ်မှုကျူးလွန်သူတွေကို ရက်ပိုင်းအတွင်း ဖမ်းဆီးနိုင်ခဲ့ခြင်း ဖြစ်ပါတယ်။

ရဲလွင်

Comments (0)

Leave a reply

Your email address will not be published. Required fields are marked *

*