2:41 pm
ရန်ကုန် ၊ ဒီဇင်ဘာ ၁၉
ယခုနှစ်အတွင်း ဖြစ်ပွားခဲ့သည့် မီးလောင်မှုများကြောင့် နေအိမ်အပါအ၀င် စက်ရုံများနှင့် အဆောက်အအုံပေါင်း ၂၈၀၀ကျော် ပျက်ဆီးဆုံးရှုံးခဲ့ကြောင်း မြန်မာနိုင်ငံမီးသတ်ဦးစီးဌာန က ပြောသည်။
ယခုနှစ် ဇန်နဝါရီလမှ နိုဝင်ဘာလအထိ မီးလောင်မှုဖြစ်ခဲ့သည့် အကြိမ်ရေ မှာစုစုပေါင်း ၁၆၈၁ကြိမ်ဖြစ်ပွားခဲ့ပြီး၊ မီးလောင်မှုကြောင့် အဆောက်အအုံပေါင်း၂၇၈၇လုံး ၊စက်ရုံအလုပ်ရုံ ၆လုံး ၊ဂိုဒေါင်အလုံးပေါင်း ၃၀မီးလောင်ပျက်စီးခဲ့ကာ ဆုံးရှုံးမှုပမာဏက ငွေကျပ် သိန်းပေါင်း ၄သိန်းကျော် ရှိကြောင်း ယင်းဌာနက ဆိုသည်။
တစ်နိုင်ငံလုံး အတိုင်းအတာအရ ပေါ့ဆမီးကြောင့်လောင်ကျွမ်းသည့် မီးလောင်မှုမှာ အများဆုံးဖြစ်နေသည်ကို တွေ့ရသည်။ ယင်းနောက်မှာမှ ၀ါယာရှော့ စသည် တို့ဖြစ်သည်။
ယခုနှစ်မီးလောင်မှု အကြိမ်ရေကို ယခင်၂နှစ်နှင့် နှိုင်းယှဉ်ပါက ၃နှစ်တာ ကာလအတွင်း အနည်းဆုံး အရေအတွက်ဖြစ်နေသော်လည်း ပျက်စီးဆုံးရှုံးမှု ပမာဏမှာ အမြင့်ဆုံးဖြစ်နေသည်ကို တွေ့ရသည်။
၂၀၁၇ခုနှစ် မီးလောင်မှုဖြစ်စဉ်များအနက်အောက်တိုဘာလ၁၉ရက်နေ့ နံနက်ပိုင်းကဖြစ်ပွားခဲ့သောကန်တော်ကြီးပဲလေ့စ်ဟိုတယ်မီးလောင်မှုဖြစ်စဉ်၏ ဆုံးရှုံးမှု တန်ဖိုးကြောင့် ပျက်စီးဆုံးရှုံးမှု ပမာဏမြင့်တက်သွားခြင်းဖြစ်သည်။
၂၀၁၅ခုနှစ် တွင် မီးလောင်ကျွမ်းမှု အကြိမ်ရေ ၁၇၀၈ကြိမ်၊အဆောက်အအုံ စုစုပေါင်း ၁၂၈၆၇လုံး ၊စက်ရုံ ၂၅လုံး ၊ဂိုဒေါင် ၃၁ လုံးမီးလောင်ပျက်စီးခဲ့ပြီး ဆုံးရှုံးမှုတန်ဖိုး မှာ ၂၃၀၃၅၀၈၉၇၅ ကျပ်ဖြစ်သည်။
၂၀၁၆ခုနှစ်တွင် မီးလောင်မှုအကြိမ်ရေ ၁၈၄၇ကြိမ်၊အဆောက်အအုံ စုစုပေါင်း ၅၈၁၇လုံး ၊ စက်ရုံအလုပ်ရုံ ၁၈လုံး ၊ဂိုဒေါင် ၅၈လုံး မီးလောင်ပျက်စီးဆုံးရှုံးခဲ့ပြီး ဆုံးရှုံးမှုတန်ဖိုး မှာ ၄၁၆၄၀၆၄၈၅၀၀ကျပ်ဖြစ်သည်။
စိုင်းလမင်း
