ရန်ကုန်ပြည်သူ့ဆေးရုံကြီးတွင် အပြာရောင်ကမ္ဗည်းပြားယနေ့တပ်ဆင်

ယင်းအခမ်းအနားသို့ ရန်ကုန်တိုင်းဒေသကြီး အစိုးရအဖွဲ့ ၀န်ကြီးချုပ် ဦးဖြိုးမင်းသိန်းတက်ရောက်ခဲ့သည်။

ရန်ကုန်မြို့၏ ပထမဦးဆုံးပြည်သူ့ဆေးရုံကြီးမှာ ယခုတည်ရှိနေသော အဆောက်အအုံမဟုတ်ဘဲ လမ်းတစ်ဖက်ရှိ Junction City အဆောက်အအုံနေရာတွင် တည်ရှိခဲ့သည်။ ၁၈၉၀ ပြည့်နှစ်များရောက်သောအခါတွင် လူနာဦးရေတိုးများလာသောကြောင့် သစ်သီးပန်းမန်ဥယျာဉ်နှင့် ဖယ်ယာပြတိုက်တည်ရှိသော လက်ရှိနေရာသို့ ပြောင်းရွှေ့ရန် ရွေးချယ်ခဲ့သည်။

ထိုစဉ်က ပြည်သူ့ဆောက်လုပ်ရေးဌာန၊ အမှုဆောင်အင်ဂျင်နီယာ ဟင်နရီဟွိုင်းဖောက်စ်ရေးဆွဲသော ဒီဇိုင်းဖြင့်ဆောက်လုပ်ခဲ့ရာ ပင်မဆောင်ကို ၁၉၀၄ ခုနှစ်တွင် စတင်ဆောက်လုပ်ခဲ့ပြီး ၁၉၀၉ ခုနှစ်တွင် ပြီးစီးခဲ့သည်။ ပင်မဆောင်တွင် ထိုခေတ်က ခေတ်မီနည်းပညာများဖြစ်သည့် လျှပ်စစ်မီးနှင့် မေ့ဆေးခန်းများပါဝင်သည့် ခွဲစိတ်ခန်းမများကိုလည်း ထည့်သွင်းတည်ဆောက်ခဲ့သည်။ ထို့နောက် အုပ်ချုပ်ရေးဆောင်၊ သူနာပြုဆောင်နှင့် ရေခဲတိုက်စသည်တို့အား ထပ်မံတည်ဆောက်ခဲ့ရာ ရူပီး သိန်းလေးဆယ် ကုန်ကျခဲ့သည်။ ပိုမိုကျယ်ဝန်းပြီး ကုတင် ၃၄၂ လုံးဆံ့သည့် ပြည်သူ့ဆေးရုံကြီးအသစ်ကို ၁၉၁၁ ခုနှစ်တွင် ဖွင့်လှစ်ခဲ့သည်။ ဆေးရုံကြီးတွင် မြန်မာနိုင်ငံ၏ပထမဆုံးဓာတ်ခွဲခန်းကို ထားရှိခဲ့ပြီး ၂၀ ရာစုအစောပိုင်းနှစ်များတွင် ရန်ကုန်ဆေးရုံကြီး၏ ဆေးဘက်ဆိုင်ရာ လေ့လာမှုများက ကမ္ဘာ့ဆေးသိပ္ပံနယ်ပယ်ကို များစွာအကျိုးပြုခဲ့သည်။

ဂျပန်ခေတ်အတွင်း ဆေးရုံကြီးအဆောက်အအုံများကို ဂျပန်စစ်တပ်မှ သိမ်းယူပြီး ဂျပန်များအတွက်သီးသန်အသုံးပြု ရန်စီစဉ်ခဲ့သည်။ ပြည်သူများအတွက်ဆေးရုံကို အလံပြဘုရားလမ်းရှိ ဒိုင်အိုစီဇင်မိန်းကလေးကျောင်းသို့ ယာယီ ပြောင်းရွှေ့ဖွင့်လှစ်ခဲ့ရသည်။ စစ်အပြီးတွင် လက်ရှိဆေးရုံကြီးကို ပြန်လည်အသုံးပြုကာ ကုတင် ၅၀၀ ကျော်အထိ အဆင့်မြှင့်တင်ခဲ့ပြီး ၁၉၆၂ ခုနှစ်တွင် ခုတင် ၁၅၀၀ ဆံ့ဆေးရုံကြီးဖြစ်လာခဲ့သည်။

ရန်ကုန်ဆေးရုံကြီးသည် ရန်ကုန်မြို့၏အရေးပါသော သမိုင်းအဖြစ်အပျက်များစွာကို မျက်မြင်ဖြစ်ခဲ့ပြီး မြန်မာ့ ခေတ်သစ်သမိုင်းတွင် အရေးပါသောနေရာမှ ပါဝင်ခဲ့သည်ဟုဆိုနိုင်သည်။ ၁၉၈၈ ခုနှစ် အရေးအခင်းကာလ သြဂုတ်လ ၂၄ ရက်တွင် ရန်ကုန်ဆေးရုံကြီး၌ ဒေါ်အောင်ဆန်းစုကြည်သည် အများပြည်သူသို့ ပထမဆုံးအကြိမ် မိန့်ခွန်းပြောကြားခဲ့သည်။

ယင်းကဲ့သို့ အပြာရောင်ကမ္ဗည်းပြားတပ်ဆင်ခြင်းသည် ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့က လုပ် ဆောင်နေသော စီမံချက်၏ တစ်စိတ်တစ်ပိုင်းအဖြစ် ရန်ကုန်မြို့ပြသမိုင်းကြောင်းတွင် အရေးပါခဲ့သော အဆောက် အအုံများနှင့် လူပုဂ္ဂိုလ်များအား အထိမ်းအမှတ်ပြုရန် ရည်ရွယ်သည်။ ယခုကဲ့သို့ အပြာရောင်ကမ္ဗည်းပြားများ တပ်ဆင် ခြင်းဖြင့် ရန်ကုန်မြို့၏ သမိုင်းကြောင်းကို အသက်အရွယ်မရွေး နယ်ပယ်စုံမှ ပြည်သူများနှင့် ခရီးသွားများ လေ့လာနိုင် မည်ဟုလည်း ယင်းအဖွဲ့က ယုံကြည်ထားကြောင်းသိရသည်။

ယနေ့ တပ်ဆင်သော အပြာရောင်ကမ္ဗည်းပြားသည် ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့၏ ၁၉ ခု မြောက် ကမ္ဗည်းပြားလည်း ဖြစ်သည်။

PN