နိုင်ငံတော် သမ္မတ ပညာသင်ဆု ကို နိုင်ငံတော် ပညာသင်ဆု အဖြစ် အမည်ပြောင်းလဲ

နိုင်ငံတော် သမ္မတ ပညာသင်ဆု ကို နိုင်ငံတော် ပညာသင်ဆု အဖြစ် အမည်ပြောင်းလဲ
October 20, 2017 Asian Fame

3:38 pm
နိုင်ငံတော် သမ္မတ ပညာသင်ဆု ကို နိုင်ငံတော် ပညာသင်ဆု အဖြစ် အမည်ပြောင်းလဲ

scholar(နေပြည်တော် ၊အောက်တိုဘာ ၂၀)

၂၀၁၅-၂၀၁၆ ပညာသင်နှစ်မှစတင်ကာ ပေးအပ် ချီးမြှင့်ခဲ့သည့် နိုင်ငံတော် သမ္မတပညာသင်ဆု ကို နိုင်ငံတော် ပညာသင်ဆု အဖြစ် အစိုးရသစ်က ယခုနှစ်တွင် အမည်ပြောင်းလဲ လိုက်သည်။

နိုင်ငံတော်သမ္မတပညာသင်ဆု ဆိုသည့် အမည်သည် လူပုဂ္ဂိုလ်တစ်ဦး တစ်ယောက်ကို ကိုယ်စားပြုနေသလိုဖြစ်နေ၍ အားလုံး ခြုံငုံမိစေရန်အတွက် အမည်ပြောင်းလဲခဲ့ခြင်းဖြစ်ကြောင်း ပညာရေးဝန်ကြီးဌာန ပြောခွင့်ရ ညွှန်ကြားရေးမှူးချုပ် ဒေါက်တာခိုင်မြဲက Popular News ကိုရှင်းပြသည်။

”နိုင်ငံတော်ကို ကိုယ်စားပြုလိုက်တဲ့အတွက် နိုင်ငံတော်သမ္မတရော၊ပြည်ထောင်စု အစိုးရအဖွဲ့ရော၊ ပညာရေး ၀န်ကြီးဌာနရော၊ လွှတ်တော်ရော၊ပြည်သူတွေရော အားလုံးက ပေးတယ်လို့ မှတ်ယူလို့ ရသွားမယ်”၎င်း က ပြောသည်။

နိုင်ငံတော်သမ္မတပညာသင်ဆု ကို နိုင်ငံတော်ပညာသင်ဆု အဖြစ် အစိုးရသစ်က အမည်ပြောင်းလဲ လိုက်သလို နိုင်ငံတော်ပညာသင်ဆုစီစစ်ရေးကော်မတီကိုပါ ပြင်ဆင် ဖွဲ့စည်းခဲ့သည်။

ထိုသို့ ပြင်ဆင်ဖွဲ့စည်းခဲ့ရာတွင် ပညာရေးဝန်ကြီးဌာန ဒုတိယ၀န်ကြီးက ဥက္ကဌ အဖြစ်တာဝန်ယူကာ ဆက်စပ်ဝန်ကြီးဌာန အမြဲတမ်းအတွင်းဝန်များကအဖွဲ့ဝင် အဖြစ် တာဝန်ယူထားကြသည်။

ပညာရေးဝန်ကြီးဌာန အနေဖြင့် နိုင်ငံတော်သမ္မတ၏ ပညာသင်ဆုကို ၂၀၁၅-၂၀၁၆ ပညာသင်နှစ်မှ စတင်ဆောင်ရွက်ခဲ့ရာ အင်္ဂလန်နိုင်ငံသို့ ၂၉ ဦး၊ အမေရိကန်နိုင်ငံသို့ ငါးဦး၊ သြစတြေးလျနိုင်ငံသို့ ၄၆ ဦး၊ ဂျာမနီနိုင်ငံသို့ နှစ်ဦး၊ ထိုင်းနိုင်ငံသို့ နှစ်ဦး၊  တရုတ်ပြည်သူ့ သမ္မတနိုင်ငံသို့ ၃၃ ဦး စုစုပေါင်း ၁၁၇ ယောက် ရွေးချယ်စေလွှတ် ပညာသင်ခွင့်ပြုခဲ့သည်။

အဆိုပါ ၁၁၇ ဦးအနက် ၈၃ ဦးကို နိုင်ငံတော် သမ္မတ၏ ပညာတော်သင်ဆုအဖြစ်(ထိုစဉ်က ခေါ်ဝေါ်ခဲ့သော အမည်)လည်းကောင်း၊ ၃၃ ဦးကို
တရုတ်ပြည်သူ့သမ္မတနိုင်ငံမှ ချီးမြှင့်သော ပညာတော်သင်ဆုအဖြစ်လည်းကောင်း သတ်မှတ်ပြီး ပညာသင်စရိတ်များ ထောက်ပံ့ဆောင်ရွက်ခဲ့ပါကြောင်း သိရသည်။

နိုင်ငံတော် သမ္မတ၏ ပညာတော်သင်ဆုရ ၈၃ ဦးအတွက် နိုင်ငံတော်က ငွေကျပ် ၃၄၈၆ ဘီလီယံ ပေးချေခဲ့ရကြောင်း ပညာရေး ၀န်ကြီးဌာန ဒုတိယ၀န်ကြီး ဦးဝင်းမော်ထွန်းက ပြောသည်။

၂၀၁၆-၂၀၁၇ ပညာသင်နှစ်တွင် အဆိုပါ ကျောင်းသား/သူကို ပညာသင်ဆု ဆက်လက်ချီးမြှင့်ခဲ့ပြီး၊ယခု ၂၀၁၇-၂၀၁၈ ဘဏ္ဍာနှစ် တွင်လည်း ထိုကျောင်းသား/သူများကိုပင် နိုင်ငံတော်က ပညာသင်ဆု ဆက်ပေးထားသည်။

ယင်းအပြင် နိုင်ငံတော်မှ လက်တလော လိုအပ်ချက်ရှိသော ဘွဲ့လွန်မဟာတန်းနှင့် ဘွဲ့လွန် ပါရဂူတန်း ဘာသာရပ်များအတွက် ထူးချွန် ဆရာ/မ များနှင့် ၀န်ထမ်း ၈၀ ဦးကို နိုင်ငံတော်ပညာသင်ဆု ပေးအပ်နိုင်ရန် စီစဉ်နေကြောင်းလည်း ထပ်မံသိရသည်။

PN

Comments (0)

Leave a reply

Your email address will not be published. Required fields are marked *

*