”ဒလတံတားကို ယခုနှစ် ဒီဇင်ဘာလတွင် စဆောက်မည်”

”ဒလတံတားကို ယခုနှစ် ဒီဇင်ဘာလတွင် စဆောက်မည်”
September 18, 2017 Fame Asian

2:17 pm
”ဒလတံတားကို ယခုနှစ် ဒီဇင်ဘာလတွင် စဆောက်မည်”

 

21371330_1552640334798243_3934670100743683264_n

ရန်ကုန်၊စက်တင်ဘာ ၁၈

ကန့်ကွက်မှုများရှိနေသော်လည်း ရန်ကုန်နဲ့ ဒလ ချိတ်ဆက်သွားမည့် မြန်မာ-ကိုရီးယား ချစ်ကြည်ရေး တံတားကို မဖြစ်မနေဆောက်လုပ်သွားမည်ဟု ဆောက်လုပ်ရေးဝန်ကြီးဌာန တံတားဦးစီးဌာန ညွှန်ကြားရေးမှူးချုပ် ဦးရွှေလေးက Popular News ကို ပြောသည်။

“ဒီဇိုင်းဆွဲတာက ဒီလကုန်ရင်ပြီးပြီ။နောက်လကျရင် တင်ဒါခေါ်မယ့် အပိုင်းလုပ်ဆောင်မယ်။ဒီဇင်ဘာလမှာ စဆောက်တော့မှာပါ။
အစိုးရကလဲ တံတားစီမံကိန်းနဲ့မလွတ်တဲ့နေရာတွေကို ၁ဒသမ၅ဘီလီယံလျော်ကြေးပေးပြီးပြီဆိုတော့ ပြည်သူ့အတွက် နစ်နာမှုမရှိပါဘူး”ဟု ဦးရွှေလေးကပြောသည်။

ဆိပ်ကမ်းအချို့က တံတား ဆောက်နေစဉ်၊တံတားပြီးလျှင် ၎င်းတို့၏ ဆိပ်ကမ်းသို့ နိုင်ငံခြားသင်္ဘောများဝင်ရောက်ရန်အခက်အခဲများရှိနိုင်ခြင်းနှင့်အနာဂတ်ငွေကြေးဆိုင်ရာ နစ်နာမှုများရှိသည်ဟုဆိုပြီး ဒလတံတားကို ဆောက်လုပ်ခြင်းမပြုရန်ကန့်ကွက်ထားသည်။

“‘ဒီကိစ္စက ရန်ကုန်တိုင်းဒေသကြီးအစိုးရနဲ့ဆိုင်တာပါ။ကျွန်တော်တို့ဌာနက တံတားဆောက်ဖို့ပဲ။အဲ့တာကြောင့် ဒလတံတားကို ၁၂လပိုင်းစဆောက်မှာပါ။ “ဟုဦးရွှေလေးကပြောသည်။

ရန်ကုန်-ဒလ တံတားစီမံကိန်းကို ကိုရီးယားနိုင်ငံစီးပွားရေးဖွံ့ဖြိုး ရေးရန်ပုံငွေ EDCF Loan မှချေးငွေအမေရိကန်ဒေါ်လာ ၁၃၇ ဒသမ ၈၃၃ သန်းနှင့် ပြည်တွင်းလိုအပ်သော ရန်ပုံငွေ ၃ဝ ဒသမ ၃၄၁ သန်းဖြင့်ဆောင်ရွက်မည်ဖြစ်ပြီး စုစုပေါင်းခန့်မှန်း ကုန်ကျစရိတ် အမေရိက
န်ဒေါ်လာ ၁၆၈ ဒသမ ၁၇၃ သန်းကုန်ကျမည် ဟုသိရသည်။

ဒလ တံတားဆောက်လုပ်ရာတွင် ဒလမြို့နယ် အတွက် ရေချိုပိုက်လိုင်းများပါ တစ်ပါတည်း ထည့်သွင်း တည်ဆောက်သွားမည်ဖြစ်ပြီးမူလသတ်မှတ်ထားသော အမြင့် ၅၄ မီတာမှ ၄၉ မီတာသို့ လျှော့ချပြီး တည်ဆောက်သွားမည်ဟု ဆောက်လုပ်ရေးဝန်ကြီးဌာန၊ တံတားဦးစီးဌာနကပြောသည်။

သီဟ

Comments (0)

Leave a reply

Your email address will not be published. Required fields are marked *

*