3:27 pm
ရန်ကုန်၊ စက်တင်ဘာ ၄
အဂတိ လိုက်စားမှုနဲ့  တရားစွဲဆို ခံထားရတဲ့ ကရင်ပြည်နယ်အုပ်ချုပ်ရေးမှူးဟောင်း ဦးပြုံးချိုအပါအ၀င် ငါးဦးတို့ ရဲ့အမှုကို တရားလို စတင်စစ်ဆေးဖို့  ရန်ကုန်တိုင်းဒေသကြီး တရားလွှတ်တော်ရုံးမှာ ဒီကနေ့ရုံးထုတ်ခဲ့ပေမယ့် တရား လိုလာရောက်ခြင်း မရှိတဲ့အတွက်ကြောင့် မစစ်ဆေးနိုင်ခဲ့ပါဘူး။
အမှုမှာ ပါဝင်သူတစ်ဦးကတော့ ဒီကနေ့ ရုံးထုတ်မှာ အာမခံလျောက်ထားခဲ့ပြီး လာမယ့် စက်တင်ဘာလ ၁၁ ရက်နေ့ (တနင်္လာ) မှာ အာမခံခွင့်ပြုမပြုသိရမှာဖြစ်ပါတယ်။
သူတို့ နဲ့ အတူ တရားစွဲဆို ခံထားရပြီး တိမ်းရှောင်နေတဲ့ မော်လိုက်ခရိုင်ထွေအုပ် ဦးစီးမှူးဟောင်းကိုတော့ ပြီးခဲ့တဲ့ သြဂုတ်လ ၂၁ ရက်နေ့ က သက်ဆိုင်ရာ ၀ရမ်း ထုတ်ထားရာ နယ်မြေမှ နယ်ထိန်းရဲတပ်ဖွဲ့ ဝင်တစ်ဦးက တရားလွှတ်တော်မှာဝရမ်းပြန်သွင်းခဲ့ပြီင်္းတဲ့နောက် ဒီကနေ့ မှာ တရားလို စတင်စစ်ဆေးဖို့ ဖြစ်ပါတယ်။
ကရင်ပြည်နယ် အုပ်ချုပ်ရေးမှူးဟောင်း ဦးပြုံးချို၊ အပါအ၀င် ငါးဦးတို့ကို အဂတိလိုက်စားမှု တိုက်ဖျက်ရေးကော်မရှင်မှ ညွှန်ကြားရေးမှူး ဦးစိန်တင်က တရားလိုပြုလုပ်ကာ ဗဟန်းမြို့ မရဲစခန်းမှာ အဂတိလိုက်စားမှုတိုက်ဖျက်ရေး ဥပဒေပုဒ်မ ၅၆/၆၃ တို့ နဲ့အမှုဖွင့်ခဲ့တာဖြစ်ပါတယ်။
သတင်း၊ ဓါတ်ပုံ – စိုင်းလမင်း၊ ဖြိုးထက်အောင်