သံဖြတ်လွှနဲ့အချုပ်ဖောက်ထွက်ပြေးသွားတဲ့ အသက် ၁၆ အရွယ် အချုပ်သားတစ်ဦး ပြန်ဖမ်းမိ

သံဖြတ်လွှနဲ့အချုပ်ဖောက်ထွက်ပြေးသွားတဲ့ အသက် ၁၆ အရွယ် အချုပ်သားတစ်ဦး ပြန်ဖမ်းမိ
September 4, 2017 Fame Asian

12:43 pm
သံဖြတ်လွှနဲ့အချုပ်ဖောက်ထွက်ပြေးသွားတဲ့ အသက် ၁၆ အရွယ် အချုပ်သားတစ်ဦး ပြန်ဖမ်းမိ

21314321_1538351262875500_2402658693139331375_n

မုံရွာ ၊ စက်တင်ဘာ ၄

သံဖြတ်လွှအသုံးပြုပြီး မုံရွာနယ်မြေရဲစခန်းအချုပ်ခန်းကိုဖောက် ထွက်ပြေးသွားတဲ့ အချုပ်သား ၃ ဦးထဲက အသက် ၁၆ နှစ်အရွယ်တစ်ဦးကို ပြန်လည်ဖမ်းဆီးရမိလိုက်ပြီလို့ ရဲစခန်းက နေသိရပါတယ်။

အခုပြန်လည်ဖမ်းဆီးရမိတဲ့သူဟာ လုယက်မှု နဲ့အချုပ်ကျနေသူဖြစ်ပြီး သူ့ကို စက်တင်ဘာ ၃ ရက်နေ့မှာ ပြန်လည်ဖမ်းဆီးရမိခဲ့တာဖြစ်ကြောင်း ၊ ကျန်ထွက်ပြေးအချုပ်သား ၂ ဦးကိုလည်းဖမ်းဆီးရမိရေးဆက်လက်ဆောင်ရွက်နေကြောင်း မုံရွာနယ်မြေရဲစခန်း နယ်ထိန်းခေါင်းဆောင်က ပြောပါတယ်။

အခုထွက်ပြေးနေတဲ့ အချုပ်သား ၃ ဦးဟာ မုံရွာမြို့နယ်မြေ ရဲစခန်းအချုပ် ကနေ သြဂုတ်လ ၃၀ ရက်နေ့မှာ အချုပ်ခန်းဖောက်ပြီး ထွက်ပြေးသွားတာဖြစ်ပါတယ်။

ဒီအချုပ်သား ၃ဦးဟာ သက်‌ငယ်‌ကလေးခိုးယူမှု ၊ မုဒိန်းမှု ၊ ကလေးခိုးမှု ၊ လုယက်မှု‌တွေနဲ့ အချုပ်‌ကျ‌နေသူ‌တွေ ဖြစ်‌ပြီး အချုပ်‌ခန်း အမှတ်‌၂မှာ သီးသန့်‌ချုပ်‌ခံထားရသူ‌တွေ ဖြစ်‌ပါတယ်‌။

“သူတို့ အချုပ်ခန်းဖောက်ဖို့ သံဖြတ်လွှဘယ်ကနေရလဲ ဆိုတာလည်း အခုစစ်မေးနေပါတယ်။ လောလောဆယ်တော့စစ်ဆေးနေတုန်းပဲ “လို့ နယ်မြေရဲစခန်းရဲ့ စခန်းမှူး ရဲအုပ်‌ရဲ‌အောင်‌က‌ ပေါ်ပြူလာနယူးစ်ကိုပြောပါတယ်‌။

သူတို့ကို ဖမ်းဆီး ချုပ်‌‌နှောင်‌ထားတဲ့ ပုဒ်‌မ‌တွေဟာဆိုရင်‌ ရာဇသတ်ကြီးဥပဒေ ပုဒ်မ ၃၉၂/၁၁၄၊ ရာဇသတ်ကြီး ဥပဒေ ပုဒ်မ ၃၆၆၊ ၃၇၆၊ ၃၆၃၊ ၁၁၄ နဲ့ ရာဇသတ်ကြီး ဥပဒေ ပုဒ်မ ၃၇၉ ကျင့် ၅၄ တို့ဖြစ်‌တယ်‌ လို့ သိရပါတယ်။

အဲဒီ အချုပ်ခန်းဖောက်ထွက်ပြေးတဲ့ ၃ ဦးစလုံးကို တရားခံပြေးအဖြစ်ကြေညာထားပြီးသားဖြစ်တယ်လို့လည်း မုံရွာမြို့မရဲစခန်းက စခန်းမှူး ဒုရဲမှူးကျင်စိန်က ပြောပါတယ်။

သီဟ

Comments (0)

Leave a reply

Your email address will not be published. Required fields are marked *

*