11:53 am
(နေပြည်တော် ၊ သြဂုတ် ၃၀)
ငလျင်ဒဏ်ကြောင့် ပြိုကျသွားတဲ့ ပုဂံကစေတီ ပုထိုးတွေကို ၂၀၂၀ မတိုင်မှီ ပြုပြင်ပြီးစီးမယ်လို့ သာသနာရေးနဲ့ ယဉ်ကျေးမှု ဝန်ကြီးဌာန ပြည်ထောင်စု ဝန်ကြီး သူရဦးအောင်ကို ကပြောပါတယ်။
သြဂုတ်လ ၃၀ရက်နေ့ က ကျင်းပတဲ့ ပြည်သူ့ လွှတ်တော် အစည်းအဝေး မှာ သာသနာရေး နဲ့ယဉ်ကျေးမှုဝန်ကြီးဌာန မေးခွန်း များဖြေကြား အပြီးမှာ သတင်းမီဒီယာတွေကို အထက်ပါ အတိုင်းပြောကြား ခဲ့တာပါ။
ဒါ့အပြင် ပြဿဒ်ကြီး ၊ နရပတေ့ အစရှိတဲ့ နံရံဆေးရေး ပန်းချီ ရှိတဲ့ စေတီ ပုထိုးတွေက နံရံဆေးရေး ပန်းချီတွေကို အိန္ဒိယ ၊ ဂျပန် ၊ တရုတ် ၊ အီတလီ ၊ စပိန် နိုင်ငံများမှ ပညာရှင်တွေက ပြုပြင်မွမ်းမံဖို့ တာဝန် ယူထားတယ် လို့လည်း သူကပြောပါတယ်။
“အခုလ ၂၇ရက်က လုပ်တဲ့ အစည်းအဝေး မှာလည်း နိုင်ငံပေါင်းစုံက ပညာရှင်ပေါင်းစုံ ကလည်း ဒါနဲ့ ပတ်သတ်ပြီး ဆက်ကူညီဖို့ တာဝန်ခွဲဝေယူခဲ့ကြပါတယ်”လို့ သူကဖြေကြားခဲ့ပါတယ်။
စိုင်းလမင်း