အစိုးရသစ် လက်ထက် အခြေခံပညာ ကျောင်းသား ၁၂သိန်းခန့် ပိုများလာ

(ရန်ကုန် ၊ သြဂုတ် ၂၈)

အစိုးရသစ် ပြောင်းလဲအပြီး ၂၀၁၇-၁၈ ပညာသင်နှစ်မှာ ၂၀၁၁-၁၂ ပညာသင်နှစ်ကထက် အခြေခံပညာ ကျောင်းသား/သူ ဦးရေ ၁၁ သိန်း ၉သောင်းကျော် တိုးတက် များပြားလာတယ် လို့ ပညာရေး ၀န်ကြီးဌာနရဲ့ ထုတ်ပြန်တဲ့ စာရင်းများအရ သိရပါတယ်။

လက်ရှိ ပညာသင်နှစ်ဖြစ်တဲ့ ၂၀၁၇-၁၈ ပညာသင်နှစ်မှာ အခြေခံပညာ ကျောင်းသား/သူ (၉၁၈၇၁၈၂) ဦးရေ ရှိပြီး ၂၀၁၁-၁၂ ပညာသင်နှစ် က (၇၉၉၃၉၅၅)ဦင်္း ရှိခဲ့တာဖြစ်ပါတယ်။

၂၀၀၇-၂၀၀၈ ပညာသင်နှစ်က ကျောင်းသား/သူ (၇၇၇၆၂၀၄)ဦးရှိခဲ့တာကြောင့် ယင်းနှစ်နဲ့ နှိုင်းယှဉ်မယ် ဆိုရင်တော့ ၁၄ သိန်းကျော် များပြား လာတယ်လို့ သိရပါတယ်။

အခုလို ကျောင်းသား ဦးရေ များပြား လာတာဟာ ၂၀၁၇-၂၀၁၈ ပညာသင်နှစ်မှာ ကျောင်း အဆင့်မြှင့် တင်ရေးဆောင်ရွက် မှုကြောင့် ဖြစ်ပြီး ကျောင်းပေါင်း (၅၀၉၉) ကျောင်း အဆင့် တိုးမြှင့် ဖွင့်လှစ်ပေးခဲ့ တာကြောင့် ပညာသင်ယူမှု အခွင့်အလမ်း ပိုမိုများပြား လာ တာဖြစ်တယ် လို့ မနေ့ က သြဂုတ်လ (၂၇) ရက်နေ့ က ပညာရေး ၀န်ကြီး ဌာနမှာ ကျင်းပခဲ့တဲ့ ပညာသင်ယူမှု အခွင့်အလမ်းနှင့် အရည် အသွေးမြှင့်တင်ရေး စီမံကိန်း လုပ်ငန်းများဆိုင်ရာ ညှိနှိုင်း အစည်းအဝေး မှာပြောပါတယ်။

ယင်းအစည်းအဝေးမှာ လိုအပ်ချက် များဖြစ်တဲ့ ဆရာ၊ စာသင်ခန်း၊ စာသင်ခုံများ၊ သင်ထောက်ကူ ပစ္စည်းများ၊ စာကြည့်တိုက်၊ အိုင်စီတီနဲ့ အခြား လိုအပ်ချက်များ ဖြည့်ဆည်းပေးရန် လိုအပ်နေကြောင်းနဲ့ ကျောင်းသားဆရာ အချိုး မျှတဖို့ ၊ ပညာရေး အသုံးစရိတ် များကို ထိထိရောက်ရောက် အကျိုးရှိရှိ သုံးစွဲဖို့ ၊ မူလတန်း၊ အလယ်တန်း ပြီးမြောက်ပါက ၀ါသနာနဲ့ အရည်အချင်း အရ သက်မွေး ကျွမ်းကျင်မှု သင်တန်းများ၊ အထက်တန်း ပညာနှင့် အဆင့်မြင့်ပညာ ဆက်လက် သင်ယူနိုင်ဖို့ ဆိုတဲ့ အချက်တွေကို ပြည်ထောင်စု ဝန်ကြီး ဒေါက်တာ မျိုးသိမ်းကြီးက တိုင်းဒေသကြီး၊ ပြည်နယ် အသီးသီးမှ လူမှုရေး ဝန်ကြီးများ၊ ညွှန်ကြားရေးမှူးချုပ် များဆွေးနွေးခဲ့တယ်လို့ သိရပါတယ်။

ဖြိုးထက်အောင်