အမြန်လမ်းမကြီးရဲတပ်ဖွဲ့ ဝင်များအတွက် တိုးဂိတ်များတွင် အသုံးပြုရန် ကွန်တိန်နာ များရရှိပြီ

အမြန်လမ်းမကြီးရဲတပ်ဖွဲ့ ဝင်များအတွက် တိုးဂိတ်များတွင် အသုံးပြုရန် ကွန်တိန်နာ များရရှိပြီ
July 23, 2017 Asian Fame

1:30 pm
အမြန်လမ်းမကြီးရဲတပ်ဖွဲ့ ဝင်များအတွက် တိုးဂိတ်များတွင် အသုံးပြုရန် ကွန်တိန်နာ များရရှိပြီ

20229344_1497651796945447_3788039282180905524_n

နေပြည်တော်၊ ဇူလိုင် ၂၃

ရန်ကုန်မန္တလေးအမြန်လမ်းမကြီးတလျှောက် ရှိ တိုးဂိတ်များတွင် တာဝန်ကျနေသော အမြန်လမ်းတပ်ဖွဲ့ဝင်များအတွက် အသုံးပြုရန် အလှူရှင်များမှ လှူဒါန်းသည့် ကွန်တိန်နာ များ ရရှိပြီဖြစ်သည်။

၎င်းကွန်တိန်နာများသည် အလျားပေ(၂၀)အနံ(၈)ပေနှင့်အမြင့်(၈)ပေခွဲရှိကြပြီး အတွင်းတွင် အဲကွန်းအပါအဝင် ရုံးခန်းအဖြစ်အသုံးပြုနိုင်မည့် ဖွဲ့စည်းတည်ဆောက်ပုံများပါဝင်ကြောင်းသိရသည်။

ကွန်တိန်နာများ၏တန်ဖိုးမှာ တစ်လုံးလျှင် အမေရိကန်ဒေါ်လာ(၇၀၀၀)ဝန်းကျင်ဖြစ်ပြီး အမြန်လမ်းမကြီးတလျှောက်ရှိ အမှတ်(၃)လမ်းဆုံ၊(၁၁၅)မိုင်တိုးဂိတ်၊နေပြည်တော်တိုးဂိတ်နှင့်မန္တလေးစကားအင်းတိုးဂိတ်များတွင် အသုံးပြုသွားမည်ဖြစ်သည်။

“အမြန်လမ်းတပ်ဖွဲ့ဝင်တွေအနေနဲ့ နေပူပူမိုးရွာရွာ ဒီတိုးဂိတ်အောက်မှာတာဝန်ထမ်းဆောင်နေရပါတယ်၊ယာယီတဲတွေကလည်းမလုံမခြုံဖြစ်နေတာကို အရည်ကြိုကတွေ့ပြီးအလှူရှင်တွေနဲ့ ချိတ်ဆက်ကူညီလှူဒါန်းပေးခဲ့တာပါ”ဟု အမြန်လမ်းမကြီး ရဲတပ်ဖွဲ့မှ အကြီးတန်းအရာရှိတစ်ဦးကဆိုသည်။

အမြန်လမ်းမကြီး တလျှောက်တွင် သတ်မှတ်အမြန်နှုန်းထက်ကျော်လွန်သည့်ယာဉ်များ၊ထိုင်ခုံခါးပတ်မပါတ်သည့်ယာဉ်များကို စစ်ဆေးအရေးယူမှုများအပြင် တိုးဂိတ်များတွင် လိုအပ်သည့်အကူအညီများပေးရန် တာဝန်ထမ်းဆောင်နေသည့်တပ်ဖွဲ့ဝင်များ အတွက် ယခုလို လှူဒါန်းခဲ့ခြင်းဖြစ်ကြောင်း လှူဒါန်းမှုတွင်ပါဝင်ခဲ့သူများထံမှသိရသည်။

အောင်ပြည့်စုံ

Comments (0)

Leave a reply

Your email address will not be published. Required fields are marked *

*