11:40 am
အမှတ်တရဓာတ်ပုံ ရိုက်ကူးနေတဲ့ UPDJC မှ ဒေါ်စောမြရာဇာလင်းနဲ့ ညီလာခံတက်ရောက်လာသူတချို့ (ဓာတ်ပုံ – ခင်စန္ဒာမြင့်)
အရောင်အသွေးစုံ ဆင်မြန်းထားကြသူ တိုင်းရင်းသားလူမျိုး ပေါင်းစုံတို့ မတူညီတဲ့လေသံနဲ့ ဆက် သွယ်ပြောဆိုနေသံတွေဟာ နေပြည် တော်က ဆွေးနွေးပွဲကြီးတစ်ခုပြုလုပ်ရာ ဝန်းကျင်မှာ ပျံ့လွင့်နေပါတယ်။ ဒါကတော့ မေလကုန်ပိုင်းမှာ ကျင်းပတဲ့ ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ ဒုတိယအကြိမ်အစည်းအဝေးမှာ ဖြစ်ပါတယ်။ ပျားပန်းခပ်လှုပ်ရှားနေတဲ့ ညီလာခံကိုယ်စားလှယ်တွေ၊ လေ့လာသူတွေကြားထဲမှာ အမျိုးသမီးတချို့ကိုလည်း တွေ့ရပါတယ်။အစုအဖွဲ့အလိုက်၊ ကဏ္ဍအလိုက် ဆွေးနွေးပွဲတွေက ထွက်လာတဲ့ သဘောထားတွေကို စုစည်းပြီး၊ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အတွင်းရေးမှူးအဖွဲ့ကို တင်ပြဆုံး ဖြတ်ရမှာဖြစ်ပါတယ်။
မငြိမ်းချမ်းသေးတဲ့ ဒေသမှာ နေထိုင်သူတွေရဲ့ ခံစားချက်၊ ဒုက္ခ တွေကို ဖော်ထုတ်ပြောဆိုပေးနိုင်ရေးအတွက် အမျိုးသမီးအများအပြား ပါဝင်လာဖို့က အရေးကြီးတယ် လို့ (UPDJC) ရဲ့ အဖွဲ့ဝင်တစ်ဦးဖြစ်သူ ဒေါက်တာအေးမောင်က ဆိုပါတယ်။ ”ပဋိပက္ခဖြစ်တဲ့ နေရာတွေမှာ အမျိုးသမီးတွေနဲ့ ကလေးတွေက အများဆုံးခံရတာဆိုတော့ (UPDJC) တိုင်းမှာ အမျိုးသမီးတွေကို ပါဝင် ခွင့်များများပေးဖို့ တောင်းဆိုပါတယ်” လို့ ရခိုင်အမျိုးသားပါတီဥက္ကဋ္ဌ ဒေါက်တာအေးမောင်က ဆိုပါ တယ်။
ငြိမ်းချမ်းရေး ညီလာခံ တက်ရောက်လာတဲ့ တပ်မတော်မှ အမျိုးသမီးအရာရှိများ (ဓာတ်ပုံ – ခင်စန္ဒာမြင့်)
(UPDJC) အတွင်းရေးမှူးအဖွဲ့ ကဏ္ဍ ၅ ခုရဲ့ အဖွဲ့ဝင် ၇၅ ယောက် မှာ ပါဝင်တဲ့ အမျိုးသမီးအရေအ တွက်က လက်နှစ်ဖက်မပြည့်ပါဘူး။ ဆုံးဖြတ်ချက် ချတဲ့အပိုင်းမှာ အမျိုးသမီးတွေ ပါဝင်ဖို့လိုတယ်ဆိုတာကို တက်ြ<ွကလှုပ်ရှားသူတွေ၊ နိုင်ငံရေးသမားတွေသာမက အ စိုးရကလည်း လက်ခံပါတယ်။ အမျိုးသမီးအရေးအတွက် နိုင်ငံတကာ စာချုပ်တွေမှာလည်း မြန်မာပြည် က လက်မှတ်ထိုးထားပြီးသားပါ။ သို့သော်လည်း တိုင်းရင်းသားအဖွဲ့ တွေ၊ လက်နက်ကိုင်အဖွဲ့တွေအားလုံး တက်ရောက်ဆွေးနွေးရေးကို ဦးစားပေးနေရတဲ့ အစိုးရအနေနဲ့ ငြိမ်းချမ်းရေးဖြစ်စဉ်မှာ အမျိုးသမီး များ ပါဝင်လာရေးကို စီစဉ်နိုင်ခြင်း မရှိသေးတာ တွေ့ရပါတယ်။ ဒီအခြေအနေမှာပဲ ငြိမ်းချမ်း ရေးဖြစ်စဉ်ရဲ့ ဆုံးဖြတ်ချက်ချတဲ့အ ပိုင်းမှာ အမျိုးသမီးတွေ ဝင်ရောက် နိုင်ရေးအတွက် အများအပြားက ပြောဆို တိုက်တွန်းနေကြပါတယ်။
နိုင်ငံတကာစံနှုန်း
အမျိုးသမီးများအပေါ် ခွဲခြားမှုအားလုံး ပပျောက်ရေးဆိုင်ရာ သဘောတူစာချုပ်ကို မြန်မာနိုင်ငံက ၁၉၉၇ ခုနှစ်မှာလက်မှတ်ထိုးထားခဲ့ပြီး၊ အမျိုးသမီးတွေ နိုင်ငံ ရေးနဲ့ လူမှုရေးနယ်ပယ်တွေမှာ ၃ဝ ရာခိုင်နှုန်းပါဝင်ဖို့ကို ပေကျင်း မဟာဗျူဟာစီမံကိန်းမှာ သဘောတူ လက်မှတ်ထိုးထားပါတယ်။ ဒါပေမယ့် ငြိမ်းချမ်းရေးညီလာ ခံရဲ့ အဓိကလမ်းကြောင်းတစ်ခုဖြစ် တဲ့ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) အခန်း (၅)၊ အပိုဒ် (၂၃) မှာ ၎င်းနိုင်ငံရေး ဆွေးနွေးပွဲတွေမှာ သင့်လျော်တဲ့ အမျိုးသမီးကိုယ်စားလှယ်ဦးရေ ပါဝင်နိုင်ရန်ဆိုပြီးသာ မရေမရာ ဖော်ပြထားပါတယ်။
ငြိမ်းချမ်းရေးအတွက် ကျားမတန်းတူရေး မဟာမိတ်အဖွဲ့ရဲ့ လေ့လာမှုစာတမ်းတစ်ခုမှာဖော် ပြထားတာကတော့ ၂ဝ၁၅ ခုနှစ် ရွေးကောက်ပွဲမှာ ရွေးကောက်ခံရ တဲ့ အမျိုးသမီးအမတ်ဦးရေဟာ အရင်ကထက်စာရင် ပိုများလာတယ် ဆိုတာပါပဲ။ ဒါပေမယ့် ပြည်ထောင်စုလွှတ်တော်ရဲ့ အမျိုးသမီးအမတ် ဦးရေ ၁၃ ရာခိုင်နှုန်းကို ဒေသတွင်း အာဆီယံနိုင်ငံတွေရဲ့ ပျမ်းမျှ ၁၈ ဒသမ ၃ ရာခိုင်နှုန်းနဲ့ နှိုင်းယှဉ် ကြည့်မယ်ဆိုရင်တော့ မြန်မာနိုင်ငံရဲ့ နိုင်ငံရေးနယ်ပယ်မှာ အမျိုးသမီးပါဝင်မှုက အနည်းဆုံးလို့ ဆိုပါ တယ်။အာဏာရပါတီ အမျိုးသားဒီမို ကရေစီအဖွဲ့ချုပ်က ၂ဝ၁၅ ခုနှစ် ရွေးကောက်ပွဲ ကိုယ်စားလှယ်လောင်း အမည်တင်သွင်းရာမှာ အမျိုးသမီး နဲ့ လူငယ်ဦးစားပေးဖို့ မူဝါဒချမှတ် ခဲ့ပါတယ်။ ပြီးခဲ့တဲ့ ဧပြီ ကြားဖြတ် ရွေးကောက်ပွဲမှာတော့ ဒီမူဝါဒကို မတွေ့ရတော့ပါဘူး။ ၂၁ ရာစုပင်လုံညီလာခံရဲ့ အ စပိုင်းမှာတော့ ကိုယ်စားလှယ် စုစု ပေါင်းရဲ့ ၁၃ရာခိုင်နှုန်းဟာ အမျိုး သမီးတွေဖြစ်ပါတယ်။ ၈ လကျော်အကြာ ညီလာခံ ပြန်လည်စတင်ရာ မှာ ဖိတ်ကြားခဲ့တဲ့ အမျိုးသမီးဦးရေ၊ တက်ရောက်လာတဲ့ အမျိုးသမီးဦး ရေတို့နဲ့ပတ်သက်ပြီး အစိုးရသတင်း စာရှင်းလင်းပွဲတွေက အတိအကျ ဖြေဆိုခြင်းမရှိသေးပါဘူး။
ငြိမ်းချမ်းရေးညီလာခံ တက်ရောက်လာတဲ့ ‘၀’ ဒေသမှ အမျိုးသမီးငယ်တစ်ဦး (ဓာတ်ပုံ – ခင်စန္ဒာမြင့်)
တပ်မတော်သား ကိုယ်စားလှယ်တွေထဲမှာ အမျိုးသမီးအရာရှိ တော်တော်များများ ပါဝင်လာတာကိုတွေ့ရပါတယ်။ ပြီးခဲ့တဲ့ ရက် ပိုင်းအတွင်း ပြည်ထောင်စုလွှတ် တော်ကို တပ်မတော်ဘက်က ကိုယ် စားလှယ်တချို့ အစားထိုးခန့်အပ် ရာမှာလည်း အမျိုးသမီး ၄ ယောက် ပါဝင်လာတာ တွေ့ရမှာပါ။ အမျိုး သမီးကိုယ်စားလှယ်တွေရဲ့ ဆုံးဖြတ် ချက်ချနိုင်ခွင့်အပိုင်းမှာ မေးခွန်း ထုတ်စရာရှိနေပေမယ့် ဒီလိုပါဝင် လာနိုင်မှုကတော့ ထုံးတမ်းစဉ်လာ အမျိုးသားကြီးစိုးတဲ့ တပ်မတော်ရဲ့ အပြုသဘောဆောင်တဲ့ ပြောင်းလဲ မှုတစ်ခုဖြစ်တယ်လို့ အမျိုးသမီး အခွင့်အရေးလှုပ်ရှားသူတွေက ယူ ဆနေကြပါတယ်။
အစိုးရရဲ့ ကြိုးပမ်းချက်
ငြိမ်းချမ်းရေးညီလာခံ ကိုယ်စားလှယ်တွေထဲမှာမှ လွှတ်တော်ကိုယ်စားလှယ်အစုအဖွဲ့မှာ ပါဝင် ဆွေးနွေးနေတဲ့ ဒေါ်သက်သက် ခိုင်ကတော့ အမျိုးသမီးပါဝင်မှုနဲ့ ပတ်သက်ပြီး တိုးတက်တဲ့အနေ အထား ရှိတယ်လို့ ဆိုပါတယ်။ ”လွှတ်တော် အစုအဖွဲ့မှာ အ မျိုးသမီးတွေ ပါဝင်လာမှုများလာ ပါတယ်။ အခုလို ဆွေးနွေးဖို့ ဖိတ် ခေါ်တယ်ဆိုတာကိုက ဆုံးဖြတ်ချက် ချတဲ့ဖြစ်စဉ်ထဲမှာ အမျိုးသမီးတွေကို ပါဝင်စေတာပဲလေ”လို့ သုံးသပ်ပါတယ်။ နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးကလည်း အ စိုးရက အမျိုးသမီးများ ပါဝင်ရေးကို လျစ်လျူရှုမထားပါဘူးလို့ ဆိုပါတယ်။ ”အမျိုးသမီးတွေကို ၃ဝ ရာ ခိုင်နှုန်းအထိပါဝင်ဖို့ ကျွန်တော်တို့ လုပ်ဆောင်ပါတယ်။ ဒါပေမယ့် တကယ်တမ်း လက်တွေ့မှာတော့ အမျိုးသမီးတွေရဲ့ အနေအထားအရ ပါဝင်လာဖို့ မလွယ်ဘူးဖြစ် နေပါတယ်။ နိုင်ငံတကာစံနှုန်းနဲ့ ကိုက်ညီအောင်တော့ ကျွန်တော်တို့ ဆက်ကြိုးစားရပါဦးမယ်”လို့ ဦးဇော် ဌေးက ပြောပါတယ်။ အမျိုးသမီးတွေ ညီလာခံထဲ ရောက်လာဖို့အတွက် ဝိုင်းဝန်း ဆောင်ရွက်ကြရမယ်လို့ မှတ်ချက် ပြုသူကတော့ ညီလာခံတက်ရောက် လာတဲ့ ပအိုဝ်းအမျိုးသားလွတ် မြောက်ရေးအဖွဲ့ချုပ်က ဦးခွန် သောမတ်စ် ပါပဲ။
”တချို့စွမ်းရည်မြင့်တဲ့ အမျိုး သမီးတွေရှိတယ်။ သူတို့တွေကိုလည်း ဒီလို နိုင်ငံရေးအခင်းအကျင်းတွေ ထဲမှာ ပါဝင်လာအောင် ကျယ်ကျယ် ပြန့်ပြန့်ဖိတ်ခေါ်ဖို့ လိုအပ်တယ်။ ဒီလိုအမျိုးသမီးတွေ များများပါဝင် လာရင် ဆွေးနွေးပွဲတွေမှာ ပဋိပက္ခ ဖြစ်စေတဲ့ စကားလုံးအသုံးအနှုန်း တွေနဲ့ပတ်သက်ပြီး ဆွေးနွေးတဲ့ အခါမှာ ပိုပြီးထိရောက်စွာ ဆွေး နွေးနိုင်ကြမယ်။ ညှိနှိုင်းမှုတွေလုပ် နိုင်မယ်။ ပိုပြီးအကျိုးရှိမယ်” လို့ ပြောပါတယ်။ မြန်မာအမျိုးသမီး အများစု ဟာ နိုင်ငံရေးနဲ့ စစ်ရေးဆိုင်ရာကိစ္စရပ်တွေမှာ ကျွမ်းကျင်မှုမရှိဘူးလို့ သတ်မှတ်ထားတာတွေ၊ ပညာရေး လိုအပ်ချက်တွေကြောင့်လည်း အ မျိုးသမီးတို့ရဲ့ အခန်းကဏ္ဍကို မှေး မှိန်စေကြောင်း လေ့လာသူတွေက ဆိုပါတယ်။ ဆုံးဖြတ်ချက်ချတဲ့ နေရာတွေ အထိ အမျိုးသမီးတွေ အများ အ ပြား ပါဝင်နိုင်ဖို့ဆိုရာမှာ သူတို့ရဲ့ စွမ်းဆောင်ရည်ကို မြှင့်တင်ပေးရေး ကို အထူးအားစိုက်ပြီး လုပ်ပေးဖို့ လိုအပ်နေပြီဆိုတဲ့ အချက်ကိုတော့ အငြင်းမပွားကြပါဘူး။ ဦးခွန်သောမတ်စ်ကတော့ ငြိမ်း ချမ်းတဲ့ နေရာဒေသတွေက အမျိုး သမီးတွေတောင် နိုင်ငံရေးနယ်ပယ် မှာ သူတို့ရဲ့စွမ်း ဆောင်ရည် မြင့် မားအောင်ပြုလုပ်နိုင်ဖို့ အခွင့်အရေးရရှိမှုနည်းပါးနေတဲ့အတွက် စစ်ပွဲဖြစ်ပွားရာ ဒေသနဲ့၊ ဖွံ့ဖြိုးမှု နောက်ကျနေတဲ့ နေရာတွေက အ မျိုးသမီးတွေဆိုရင်တော့ ပိုပြီး ဝါယမစိုက်ရမယ်လို့ ဆိုပါတယ်။
”ကျွန်တော်တို့ဒေသမှာဆိုရင် အမျိုးသမီးတွေကို စွမ်းရည်မြှင့် တင်ပေးနိုင်ဖို့ နည်းနေသေးတယ်။ စာပေသင်ကြားမှု အပိုင်းမှာရော၊ ကျန်းမာရေးအပိုင်းမှာရော အမျိုး သမီးတွေအတွက် အခွင့်အလမ်းနည်းသေးတယ်၊ ဒါကြောင့် ကျွန် တော်တို့ဘက်က အမျိုးသမီးတွေ မှာ အများကြီး နောက်ကျကျန်နေ တယ်။ ဒီ ၂၁ ပင်လုံကို ပါလာနိုင် ဖို့တောင် ကျွန်တော်တို့ အများကြီး ကြိုးစားစည်းရုံးရတယ်”လို့ ခွန် သောမတ်စ်က ပြောပါတယ်။
အစဉ်အလာကို ဖောက်ထွက်ခြင်း
ပဋိပက္ခတွေ ဖြစ်ပွားနေတဲ့ ဒေသတွေမှာ အောက်ခြေအဆင့် အထိ လေ့လာ ဆောင်ရွက်နေကြတဲ့ အရပ်ဘက် အဖွဲ့အစည်းများထဲက အမျိုးသမီးတွေရဲ့ အသံက တိုးနေ သေးတယ်လို့ ပြောဆိုသူတွေ ရှိပါ တယ်။ သူတို့တွေထဲက တစ်ဦးက တော့ ငြိမ်းချမ်းရေးအတွက် ကျား/ မ တန်းတူရေးမဟာမိတ်အဖွဲ့ဥက္ကဋ္ဌ မိကွန်ချမ်းနွန် ပါပဲ။”အမျိုးသမီးတွေရဲ့ လိုအပ်ချက် တွေကို ထုတ်ဖော်ပေးနိုင်ဖို့ အခြား အမျိုးသမီးတွေကိုလည်း ဆုံးဖြတ် ချက်ချနိုင်တဲ့နယ်ပယ်တွေမှာ ပါဝင် ဖို့ အခွင့်အရေးပေးဖို့ လိုအပ်ပါတယ်” လို့ ညီလာခံကို လေ့လာသူအနေနဲ့ တက်ရောက်နေတဲ့ မိကွန်ချမ်းနွန် က ပြောပါတယ်။ တစ်ဖက်မှာလည်း အမျိုးသမီး တွေ အရည်အချင်းရှိလို့ ပါဝင်လာ နိုင်တယ်ဆိုရင်တောင် ပါဝင်လာတဲ့ အမျိုးသမီးတွေကို ပံ့ပိုးကူညီမှု တွေ အပြည့်အဝပေးထားနိုင်ဖို့လည်း လိုအပ်နေသေးကြောင်း မိကွန်းချမ်းနွန်က ပြောပါတယ်။ ရင်သွေးငယ်ရှိတဲ့ မိခင်တွေ အတွက်လည်း ဒီလိုအခင်းအကျင်း မျိုးမှာ ပါဝင်လာနိုင်ဖို့အတွက် ပံ့ပိုး ပြင်ဆင်ပေးသင့်တယ်လို့ သူက မှတ် ချက်ပေးပါတယ်။
”နို့တိုက်မိခင်နဲ့ ကလေးအတွက် ပြင်ဆင်ပေးထားတာကို မတွေ့ဘူး။ နည်းပညာပံ့ပိုးမှု အပိုင်းက အမျိုး သမီးတစ်ယောက်ဆိုရင် ၆ လ သမီးလေးတစ်ယောက်ပါလာတယ်။ အဲဒီ အလုပ်ခန်းထဲမှာပဲ ကလေးကို ထားရတာတွေ့ရတယ်”လို့ မိကွန်ချမ်းနွန်က ပြောပြပါတယ်။ အခက်အခဲရှိနေပေမယ့် အ မျိုးသမီးတွေ ကိုယ်တိုင်ကလည်း မိမိတို့ရဲ့ လုပ်နိုင်စွမ်းကို မြှင့်တင်ဖို့၊ အစဉ်အလာတွေထဲကနေ ဖောက်ထွက်ပြီး ယုံကြည်မှုရှိရှိရဲရဲဝံ့ဝံ့ပြောဆိုလုပ်ကိုင်ကြဖို့ ဒေါက်တာအေး မောင်က တိုက်တွန်းပါတယ်။
”အမျိုးသမီးတွေကလည်း နိုင် ငံရေး၊ စီးပွားရေးကဏ္ဍတွေမှာ ပါ လာနိုင်ဖို့၊ ပြင်ဆင်မှုတွေ လုပ်ဖို့လို အပ်တယ်”လို့ ဒေါက်တာအေး မောင်က ဆိုပါတယ်။ဒီလို ငြိမ်းချမ်းရေးဖြစ်စဉ်ကြီး ထဲက အမျိုးသမီးတွေ ပါဝင်လာမှု အပိုင်းမှာ အခက်အခဲတွေနဲ့ အဆင်မပြေမှုတွေ ရှိနေသေးတယ် ဆိုပေမယ့်လည်း ဆွေးနွေးပြောဆို ခွင့်ရတဲ့နေရာတွေမှာတော့ အခွင့် အရေးရသလောက် အမျိုးသမီး တွေဟာ အစွမ်းကုန် အင်တိုက်အားတိုက် ဆွေးနွေးနေကြတာ တွေ့ရပါတယ်။ ညီလာခံတက်ရောက်တဲ့ ဗိုလ်ကြီး ဒေါ်ဟေမန်ဖြိုးဝင်းက ”အမျိုးသမီးတွေရဲ့လုံခြုံရေးအတွက် ငြိမ်းချမ်းရေးက အရေးကြီးတယ်၊ ငြိမ်းချမ်းရေးကို အရမ်းလိုချင်ပါတယ်”လို့ ဆိုပါတယ်။ အမျိုးသမီးအရာ ရှိရဲ့ မှတ်ချက်က ‘ဝ’ ဒီမိုကရက်တစ် အထောက်အကူပြုအဖွဲ့က အမျိုးသမီးငယ်လေးတစ်ဦးရဲ့ ဖွင့်ဟချက်နဲ့ တူညီနေတာ တွေ့ရပါတယ်။
UPDJC မှ ဒေါ်စောမြရာဇာလင်းက သူကိုယ်တိုင် အမျိုးသမီးတွေ ပါဝင်လာဖို့ တစိုက်မတ်မတ်လုပ်ဆောင်နေတယ်လို့ ဆိုပါတယ်။ ငြိမ်းချမ်းရေးဖြစ်စဉ်မှာ အ မျိုးသမီးတွေရဲ့ ပါဝင်မှုကိန်းဂဏန်း ပိုမိုများပြားလာဖို့အတွက် အမျိုးသမီးတွေကို အခွင့်အရေးပေးကြဖို့ တိုက်တွန်းလိုက်ပါတယ်။ ”ပါတီအသီးသီးနဲ့ အစိုးရဌာနကလည်း အမျိုးသမီးတွေ ပါဝင်လာဖို့ လမ်းဖွင့်ပေးရမယ်၊ အမျိုးသမီးတွေကလည်း ငါ့ကိုအခွင့်ပေးလာလိမ့်မယ်လို့ ထိုင်စောင့်မနေဘဲ အဆင်သင့်ဖြစ်နေအောင် ကြိုးစား သင့်တယ်” လို့ ပြောလိုက်ပါတယ်။
ခင်စန္ဒာမြင့်
