တနင်္သာရီတိုင်းဒေသကြီးတွင် လိပ်ထိန်းသိမ်းရေးစခန်း တည်ဆောက်မည်

တနင်္သာရီတိုင်းဒေသကြီးတွင် လိပ်ထိန်းသိမ်းရေးစခန်း တည်ဆောက်မည်
May 31, 2017 Asian Fame

4:15 pm
တနင်္သာရီတိုင်းဒေသကြီးတွင် လိပ်ထိန်းသိမ်းရေးစခန်း တည်ဆောက်မည်

ဝေရှိုင်းကျော်
ရန်ကုန်၊ မေ ၂၉

တရားမဝင် ဖမ်းဆီးမှုများကြောင့် လိပ်မျိုးစိတ်များ၏ အသက်ဆုံးရှုံးမှု မရှိစေရေးအတွက် လာမည့်နှစ်အတွင်း တနင်္သာရီတိုင်းဒေကြီးတွင် လိပ်ထိန်းသိမ်းရေးစခန်း တည် ဆောက်သွားမည်ဖြစ်ကြောင်း လိပ်မျိုးဆက်ရှင်သန်ရေးအဖွဲ့မှ ဒေါက်တာကလျာက ပြောသည်။

အဆိုပါ ထိန်းသိမ်းရေးစခန်းကို လာမည့်နှစ်တွင် တည်ဆောက်မည်ဖြစ်ပြီး လိပ်မျိုးစိတ်များအတွက်များစွာ အထောက်အကူပြုနိုင်မည် ဖြစ်ကြောင်း ၎င်းက ပြောသည်။ ”တရားမဝင်လိပ်တွေ ဖမ်းမိတာတွေက နယ်စပ်ဘက်ဒေသတွေမှာ ဖြစ်တယ်။ ဖမ်းမိတဲ့ လိပ်တွေကို ရန်ကုန်ပြန်သယ်ပြီး ဆေးကုတော့ အချိန်လွန်ပြီး သေသွားပါတယ်။ ဒါကြောင့် အနီးစပ်ဆုံးဖြစ်တဲ့ နယ် စပ်နဲ့ နီးတဲ့နေရာတွေ၊ တရားမဝင် ဖမ်းဆီးတဲ့နေရာမှာ ဖမ်းမိတဲ့ လိပ်တွေကို အချိန်မီကုသနိုင်အောင်တည်ဆောက်တာဖြစ်ပါတယ်” ဟု ဒေါက်တာ ကလျာက ပြောသည်။

အဆိုပါ လိပ်ကယ်ဆယ်ရေး စခန်းတည်ဆောက်မည်ဆိုပါက အမေရိကန်ဒေါ်လာ တစ်သိန်းခန့် ကုန်ကျမည်ဖြစ်ပြီး ဆေးကုဆရာ ဝန်၊ ကူညီစောင့်ရှောက်မည့် လူ အင်အားနှင့် ဝန်ထမ်းအင်အား များပါ လိုအပ်မည်ဖြစ်သည်။ အလားတူ ရေလိပ်၊ ကုန်းလိပ်၊ သေ ဆုံးမည့်လိပ်စသည်ဖြင့်အမျိုးအစား အလိုက်ခွဲခြားထားရမည့် အဆောက် အဦများပါ လိုအပ်မည်ဖြစ်သည်။ ထို့အပြင် ၎င်းတို့  အသက်ရှင် နိုင်ရေးအတွက် အပူပေးစက်၊ အဲကွန်းနှင့် မီးအနေဖြင့်လည်း ၂၄ နာရီ လာအောင် လုပ်ဆောင်မည်ဖြစ်ကြောင်း ဒေါက်တာကလျာ က ပြောသည်။

မြန်မာနိုင်ငံ၏ ဒေသမျိုးရင်း လိပ်မျိုးစိတ်များ မျိုးသုဉ်းပျောက် ကွယ်တော့မည့် အခြေအနေတွင်သစ်တောဌာန၊ သားငှက်ထိန်းသိမ်း ရေးအဖွဲ့ (မြန်မာနိုင်ငံ အစီအစဉ်)နှင့် လိပ်မျိုးဆက်ရှင်သန်ရေးအဖွဲ့ တို့ ပူးပေါင်းပြီး ၎င်းတို့ကိုခြံများဖြင့် စနစ်တကျ မွေးမြူကာသားဖောက် ဆောင်ရွက်လျက်ရှိသည်။ မြန်မာနိုင်ငံတွင် ရေချိုလိပ် မျိုးစိတ်ပေါင်း ၂၆ မျိုးရှိပြီး လိပ် မျိုးစိတ် ၁၂ မျိုးမှာ မျိုးသုဉ်းပျောက်ကွယ်တော့မည့် အန္တရာယ်များနှင့် ရင်ဆိုင်နေရကြောင်း၊ မျိုးသုဉ်း ပျောက်ကွယ်တော့မည့် ၁၂ မျိုး ထဲမှ ရှစ်မျိုးမှာ မြန်မာနိုင်ငံ တစ် နိုင်ငံတည်းတွင်သာ ရှိကြောင်း လိပ်မျိုးဆက်ရှင်သန်ရေးအဖွဲ့ မှ ဒေါက်တာကလျာက ပြောသည်။ လက်ရှိတွင် လောကနန္ဒာ ဘေးမဲ့တောဥယျာဉ်၊ ရွှေစက်တော် ဘေးမဲ့တော၊ မင်းစုံတောင်ဘေးမဲ့ တော၊ ချင်းတွင်းရှိလင်းဖားရွာ၊ ထမံ သီဘေးမဲ့တောနှင့် မန္တလေးရတနာ ပုံတိရစ္ဆာန်ဥယျာဉ်တို့တွင် မွေးမြူ ထားပြီး လိပ်မျိုးစိတ်အချို့ကို လိပ် ထိန်းသိမ်းရေး စခန်းပေါင်း ၁၁ ခု တွင်ထိန်းသိမ်းထားကြောင်း လိပ်မျိုးဆက်ရှင်သန်ရေးအဖွဲ့မှ သိရသည်။

Comments (0)

Leave a reply

Your email address will not be published. Required fields are marked *

*