ကွမ်းယာ၊ ကွမ်းစားဆေးနှင့် ခံတွင်းကင်ဆာ

ကွမ်းယာ၊ ကွမ်းစားဆေးနှင့် ခံတွင်းကင်ဆာ
May 18, 2017 Asian Fame

3:26 pm
ကွမ်းယာ၊ ကွမ်းစားဆေးနှင့် ခံတွင်းကင်ဆာ

Betel

မြန်မာနိုင်ငံရှိ ကွမ်းယာစားသုံးသူ

မြန်မာနုိုင်ငံတွင် ကျန်းမာရေးဝန်ကြီးဌာန ထုတ်ပြန်ချက်များနှင့် အခြားသော စစ်တမ်းများအရ မြန်မာနိုင်ငံသည် ဆေးရွက်ကြီးပါသည့် ကွမ်းစားသုံးသူနှုန်းအမြင့် ဆုံးနိုင်ငံဖြစ်နေပြီး အသက် ၁၅ နှစ်အထက် အမျိုးသား ၅၁ ရာခိုင်နှုန်း၊ အမျိုးသမီး ၁၆ ရာခိုင်နှုန်းမှာ ဆေးရွက်ကြီးပါသည့် ကွမ်းစွဲနေကြောင်း၊ ဆေးရွက်ကြီး ပါဝင်သည့် ကွမ်းစားသုံးမှု အများဆုံးနိုင်ငံများတွင် မြန်မာနိုင်ငံသည် ပထမနေရာ၌ ရပ်တည်နေကြောင်း၊ ကွမ်းစားသုံးမှုနှုန်း မြင့်မားသည့်နိုင်ငံများဖြစ်သည့် အိန္ဒိယ၊ ဘင်္ဂလား ဒေ့ရှ်၊ နီပေါစသည့်နိုင်ငံများထက် မြန်မာနိုင်ငံ၏ ကွမ်းစားသုံးမှုနှုန်း မှာ ပိုမိုမြင့်မားနေကြောင်းနှင့် အမျိုးသားများသာမက အမျိုးသမီး များတွင်လည်း စားသုံးမှုနှုန်းများလာကြောင်း ကမ္ဘာ့ကျန်းမာရေးအဖွဲ့ (WHO)က ၂ဝ၁၃ ခုနှစ်တွင် ကောက်ယူထားသည့် စစ်တမ်းများအရ သိရသည်။

မြန်မာနိုင်ငံတွင် ဆေးရွက်ကြီး ပါဝင်သည့် ကွမ်းစားသုံးသူနှုန်းမှာ ၈၃ ဒသမ ၃ ရာခိုင်နှုန်း၊ ထုံးဖြူ သီးသန့် ပါဝင်သည့် ကွမ်းစားသုံးမှုနှုန်းမှာ ၂ ဒသမ ၂ ရာခိုင်နှုန်း၊ အိန္ဒိယနိုင်ငံထုတ် ဆေးပေါင်းများ ပါဝင်သည့် ကွမ်းစားသုံးနှုန်းမှာ ၈ ဒသမ ဝ ရာခိုင်နှုန်း၊ အခြားစားသုံးမှုနှုန်းမှာ ၆ ဒသမ ၅ ရာခိုင်နှုန်း အသီးသီးရှိကြောင်း ၂ဝ၁၃ ခုနှစ်က ကောက်ယူထားသော မှတ်တမ်းများအရ သိရသည်။

ကွမ်းစားခြင်းနှင့် ခံတွင်းကင်ဆာ

မြန်မာနိုင်ငံ၏ ကျန်းမာရေး ကြေညာချက်စာတမ်းများ၏ ဖော်ပြချက်များအရ ခံတွင်းကင်ဆာ ဖြစ်ပွားစေသော အကြောင်းအရင်းတွင် ဆေးလိပ်သောက်ခြင်း၊ ကွမ်း ယာစားခြင်း၊ ကွမ်းနှင့် ဆေးရွက် ကြီးငုံခြင်း၊ အရက်သောက်ခြင်း၊ ချွန်ထက်သောသွားများနှင့် ထိခိုက်မိနေခြင်း၊ ခံတွင်းသန့်ရှင်းမှုမရှိခြင်း၊ ဗီတာမင်အေနှင့်စီ ချို့တဲ့ ခြင်း အစရှိသော အကြောင်းအချက်များပါဝင်သည် ဟုဆိုသည်။ အဓိက အကြောင်းအရင်း များမှာမူ ဆေးလိပ်သောက်ခြင်း၊ ကွမ်းယာစားခြင်း၊ ကွမ်းနှင့် ဆေး ရွက်ကြီးငုံခြင်းတို့ကြောင့် အများဆုံးဖြစ်ပွားခြင်း ဖြစ်ကြောင်းကိုလည်း ဖော်ပြထားသည်။

ခံတွင်းကင်ဆာဖြစ်ရခြင်း အကြောင်းအရင်းများတွင် ကွမ်းစားသုံးခြင်း၊ ဆေးလိပ်သောက်သုံးခြင်းတို့ကြောင့်ဖြစ်ပြီး ကွမ်းတစ်မျိုးတည်း စားသုံးသူ ၁ဝဝ တွင် ၃၄ ဦးနှုန်းဖြင့် ခံတွင်းကင်ဆာ အများ ဆုံးဖြစ်နေပြီး ဆေးလိပ်နှင့်ကွမ်း နှစ်မျိုးလုံးသုံးစွဲ သူ ၁ဝဝ တွင် ၂၂ ဦးနှုန်း၊ ဆေးလိပ်တစ်မျိုးတည်းသုံးစွဲသူ ၁ဝဝ တွင် ၁၉ ဦးနှုန်း ရောဂါ ဖြစ်ပွားနေကြောင်း ကမ္ဘာ့ကျန်းမာရေးအဖွဲ့ (WHO) ၏ ၂ဝ၁၄ ခုနှစ်တွင် ထုတ်ပြန်ထားသော မှတ်တမ်းများအရ သိရသည်။

ကွမ်းယာစားသုံးမှု ရှေးယခင်ကပင် စတင်ခဲ့သော်လည်း …

မြန်မာနိုင်ငံတွင် ကွမ်းစားခြင်း ဓလေ့ကို ရှေးယခင်ကပင် စတင်ခဲ့ကြပြီး ကွမ်းယာကို နှစ်ခြိုက်စွာစားသုံးခဲ့ကြသည်။ သို့သော် ရှေးယခင်က
ကွမ်းယာစားသုံးသည်ဆိုရာတွင် ယနေ့ခေတ်ကာလကဲ့သို့ မွမ်းမံပြင်ဆင်ထားသည့် ကွမ်းစားဆေးများဖြင့် စားသုံးခြင်း မဟုတ်ပေ။

ယနေ့ခေတ်တွင် စားသုံးကြသော ကွမ်းယာများထဲတွင် နေရာအစုံမှ နည်းလမ်းမျိုးစုံဖြင့် ဝင်ရောက်လာသော ကွမ်းစားဆေးအ မျိုးမျိုးကို ထည့်သွင်းပြီး စားသုံးနေ ကြခြင်းပင်ဖြစ်သည်။ တရားမဝင် လမ်းကြောင်းမှ နည်းမျိုးစုံဖြင့် ဝင်ရောက်လာသော အာမခံချက်မရှိသည့် ကွမ်းစားဆေးများမှာလည်း ဒုနှင့်ဒေးပင်ဖြစ်သည်။ ဆေးရွက် ကြီးကို ခံတွင်းထဲထည့်ငုံခြင်း၊ တ ခြားကွမ်းစားဆေးတခုခု ပါးစပ်ထဲငုံသော အလေ့အထများမှာလည်း ကျန်းမာရေးအတွက် အန္တရာယ်ရှိ သော အမူအကျင့်ဖြစ်ကြောင်း ဆေးဘက်ဆိုင်ရာ ဆရာဝန်များ ကဆိုသည်။ သို့သော်လည်း စားသုံးသူများမှာ ကွမ်းအတွင်းပါဝင်သော ဆေးရွက်ကြီးနှင့် အခြားသော ကွမ်းစားဆေး အမျိုးမျိုး၏ ဘေးထွက်ဆိုးကျိုးများကို သတိပြုမှု အားနည်းနေကြောင်း တွေ့ရှိရပါသည်။

ကွမ်းစားသုံးမှုလျော့ကျရေးကို စနစ်တကျ ကြပ်မတ်နေပြီလား

ခံတွင်းကင်ဆာဖြစ်ရခြင်း အကြောင်းအရင်းအလိုက် ကွမ်းတမျိုးတည်း စားသုံးသူမှုကြောင့်ဖြစ် ပွားရခြင်းသည် ၃၄ ရာခိုင်နှုန်းဟု ဆိုထားရာ ဆေးလိပ်တစ်မျိုးတည်းကြောင့် ဖြစ်ရသည့် ၁၉ ရာခိုင်နှုန်းထက် ၂ ဆ နီးပါးများ များပြားနေ သည့် ကွမ်းစားသုံးခြင်းကို မည်ကဲ့ သို့ ကြပ်မတ်နေသည်၊ ထိန်း ကျောင်းနေသည်ကို သေချာစွာ လေ့လာရတော့မည် ဖြစ်သည်။

အခွန်အကောက်ဖြင့် ထိန်းကျောင်းခြင်း

ပြည်ထောင်စု၏ အခွန်အ ကောက်ဥပဒေနှင့် အထူးကုန်စည် ခွန်ဥပဒေတို့တွင် အရက်၊ ဆေး လိပ်၊ စီးကရက်၊ ဆေးရွက်ကြီးထွက် ကုန်များ သောက်သုံးမှု လျော့ကျ စေရေးကိုရည်ရွယ်ပြီး အထူးကုန် စည်အဖြစ် သတ်မှတ်ကာ အစဉ်တစိုက် အခွန်နှုန်းထားများကို နှစ် စဉ် ပြင်ဆင်ခြင်း၊ တိုးမြှင့် ကောက် ခံပြင်ဆင်ခြင်းစသည့်ဖြင့် ထိန်း ကြောင်းကြပ်မတ်မှုများ ပြုလုပ်နေပါသည်။ သို့သော်လည်း ကွမ်းစားဆေး များမှာ ပေါပေါလောလောနှင့် ဈေးကွက်ထဲတွင် ဝယ်ယူနိုင်ပြီး ကွမ်းယာများသည်လည်း ဈေးပေါပေါနှင့် ဝယ်ယူသုံးစွဲနိုင်သည်ကို တွေ့ရသည်။

ကျန်းမာရေး သတိပေးရုပ်ပုံ စာတမ်းများ ထည့်သွင်းစေခြင်း

ဆေးလိပ်နှင့် ဆေးရွက်ကြီး ထုတ်ကုန်များတွင် ကျန်းမာရေးအသိသတိပေးရုပ်ပုံ စာတမ်းများကပ် ခြင်းကိုလည်း အမိန့်ကြော်ငြာစာ ထုတ်ပြန်ပြီး ရောင်းချစေခဲ့သည်။ သို့သော် ကွမ်းယာများတွင် ထည့်သွင်းသည့် ဆေးရွက်ကြီးထုတ်ကုန် ဖြစ်သော ကွမ်းစားဆေးဘူးများ ပေါ်တွင် ပါရှိသည့် ကျန်းမာရေး သတိပေးရုပ်ပုံစာတမ်းသည် လက် တွေ့စားသုံးနေသည့် နောက်ဆုံးကွမ်းစားသုံးသူထံသို့ မရောက်ရှိဘဲ ကွမ်းယာသည်၏ ဗန်းထဲတွင်သာ မြုပ်နေသည်ကို တွေ့ရသည်။

စီမံချက်များချမှတ်ခြင်းနှင့် အကောင်အထည်ဖော်ခြင်း

ကွမ်းယာတွင်း ကွမ်းစားဆေး အမျိုးမျိုး ထည့်သွင်းစားသုံးခြင်း၏ ကျန်းမာရေးဆိုးကျိုးများကိုများစွာ တွေ့မြင်လာရပြီ ဖြစ်သည့်အတွက် ၂ဝ၁၆ ခုနှစ်တွင်မူ ကွမ်းစားသုံးမှု ကို စည်းကမ်းချက်များ ထုတ်ပြန်ပြီး ကန့်သတ်ပိတ်ပင်မည့် ကွမ်းစားသုံးမှု လျှော့ချရေးစီမံချက် ထုတ်ပြန် ခဲ့ကြောင်းကိုလည်း သိရှိရပါသည်။

ပညာပေးခြင်းနှင့် ထိန်းကျောင်းအရေးယူမှု

စီမံချက်နှင့် စည်းကမ်းချက် များကို ထုတ်ပြန်ခဲ့သော်လည်း ထိ ရောက်စွာပညာပေးခြင်း၊ စဉ်ဆက် မပြတ်ပညာပေးခြင်း၊ စားသုံးသူ များအကြား ကျန်းမာရေးအသိ ထိ ထိမိမိ ရောက်ရှိစေခြင်းတို့တွင်မူ အလွန်အားနည်းလျက် ရှိသည်ကို တွေ့ရသည်။ အရေးယူမှုဖြင့် ထိန်းကျောင်းသည်ကိုကား မတွေ့ ရှိရသေးပေ။ ကွမ်းစားလျှင် မ ကောင်းကြောင်းသာ ပြောကြ၊ ရေး ကြသည်။ မည်သူကမျှ ကွမ်းစား သူများ၊ ကွမ်းရောင်းသူများကို ထိထိရောက်ရောက် ကူညီပြီး ကွမ်းဖြတ်ရန်၊ အခြားအသက်မွေးဝမ်း ကျောင်းလုပ်ငန်းများ ပြောင်းလဲနိုင်ရန် အရေးတယူ လုပ်ဆောင်နိုင် ခြင်းလည်း မရှိချေ။

အလေးထား အရေးတယူ တုံ့ပြန်သင့်

ကွမ်းစားခြင်း အထူးသဖြင့် ဆေးရွက်ကြီး ထုတ်ကုန်တစ်မျိုး ဖြစ်သော ကွမ်းစားဆေးများဖြင့် ကွမ်းစားခြင်းသည် အထူးပင် အန္တ ရယ်ရှိကြောင်းကို ကျန်းမာရေးစစ် တမ်းများအရ သိရှိပြီးဖြစ်သည့် အတွက် မြန်မာနိုင်ငံ၏အနာဂတ် ကျန်းမာရေးအခန်းကဏ္ဍအတွက် ဝန်ထုပ်ဝန်ပိုးဖြစ်စေမည့် အဆိုပါ ကွမ်းစားခြင်းကို အထူးပင် အလေးထားကာ ကြပ်မတ် ထိန်းကျောင်းသင့်ပြီဖြစ်သည်။

ဆေးလိပ်၊ စီးကရက်များ ထိန်းချုပ်သကဲ့သို့ ဆေးရွက်ကြီး ထုတ်ကုန်တစ်မျိုးဖြစ်သည့် ကွမ်းစားဆေးများနှင့် ကွမ်းစားခြင်းကိုလည်း စဉ်ဆက်မပြတ် ထိန်းချုပ်သင့်ပေ သည်။ ကွမ်းစားခြင်း၏ အန္တရာယ် ကို ပြည်သူများ နားလည်အောင်၊ သိရှိလာအောင် ပညာပေးရေးအစီ အစဉ်များကို တိတိကျကျ ချမှတ် ရေးဆွဲပြီး ပညာပေးခြင်းတို့ကိုလုပ် ဆောင်ရင်း ကွမ်းစွဲနေသူများကို ကွမ်းဖြတ်နိုင်မည့် အစီအစဉ်များသိရှိအောင် အကူအညီပေးရမည် ဖြစ်သည်။ ဆေးလိပ်၊ စီးကရက် သောက်သုံးမှုအား စွဲလမ်းနေသူများအတွက် ဆေးလိပ်ဖြတ်ရန် ကူညီပေးသည့် အစီအစဉ်များကဲ့သို့ လုပ်ဆောင်နိုင်ရမည် ဖြစ်သည်။ ခံတွင်းကင်ဆာ ဖြစ်စေမှုအ ကြောင်းအရင်းတွင် ရှေ့ဆုံးမှ ဦး ဆောင်နေသည့် ကွမ်းစားခြင်းကို လျှော့ချနိုင်လျှင် ခံတွင်းကင်ဆာ ဖြစ်နေသည့်နှုန်းကို လျှော့ချနိုင်ပြီး ပြည်သူ့ကျန်းမာရေး အခန်းကဏ္ဍကို မြှင့်တင်နိုင်မည် ဖြစ်ကြောင်း သုံးသပ်တင်ပြရပါသည်။

မေဖြိုးခင်

Comments (0)

Leave a reply

Your email address will not be published. Required fields are marked *

*