စီးပွားရေးကဏ္ဍအတွက် မျှော်လင့်ချက်ရောင်ခြည် (အယ်ဒီတာ့အာဘော်)

စီးပွားရေးကဏ္ဍအတွက် မျှော်လင့်ချက်ရောင်ခြည် (အယ်ဒီတာ့အာဘော်)
April 5, 2017 Asian Fame

12:00 pm
စီးပွားရေးကဏ္ဍအတွက် မျှော်လင့်ချက်ရောင်ခြည် (အယ်ဒီတာ့အာဘော်)

NLD အစိုးရ နိုင်ငံတော်တာဝန်ယူခဲ့သည့် တစ်နှစ်တာကာလအတွင်း ပြောင်းလဲချိန်တန်ပြီဟူသော ဆောင်ပုဒ်နှင့်အညီ နိုင်ငံတော်၏ကဏ္ဍအသီးသီးကို ပြောင်းလဲရန်ကြိုးစားအားထုတ်ခဲ့သည်မှာ အငြင်းပွားဖွယ် မရှိသော်လည်း သိသာသော အပြောင်းအလဲများကို ဖော်ဆောင်နိုင်ရန် အားထုတ်နေရဆဲအခြေအနေတွင်သာ ရှိနေသေးကြောင်း ဝန်ခံရမည်သာဖြစ်သည်။

အချိန်တစ်နှစ်ဆိုသည်မှာ နိုင်ငံတစ်နိုင်ငံကို အပြောင်းအလဲလုပ်ဆောင်နိုင်ရန် လုံလောက်သောအချိန်မဟုတ်သည်ကို လက်ခံနိုင်သော်လည်း နိုင်ငံရေရှည်အကျိုး ဖြစ်ထွန်းမည့် စနစ်တစ်ခုလည်ပတ်နိုင်ရန်အတွက် မူဝါဒများ၊ မိမိနိုင်ငံနှင့်ကိုက်ညီပြီး နိုင်ငံတကာနှင့်လိုက်လျောညီထွေရှိမည့် ဥပဒေများ၊ အခြေခံအဆောက်အအုံအစပျိုး တည်ဆောက်သည့်အပိုင်းများတွင် အားရစရာမတွေ့ရသလို ပြည်သူများလတ်တ လော အကျိုးခံစားခွင့်ရမည့် ရေတိုအစီအမံများအပိုင်းတွင်လည်း ပြည်သူအများ အားမလိုအားမရဖြစ်နေသည်မှာလည်း အမှန်ပင်ဖြစ်သည်။

သို့ရာတွင် နိုင်ငံတကာရင်းနှီးမြှုပ်နှံမှုကိုဆွဲဆောင်သည့်အနေဖြင့် ဝင်ငွေခွန်နှင့် အကောက်ခွန်ကင်းလွတ်ခွင့်၊ လျော့ပေါ့သက်သာခွင့်များပါဝင်သည့် ကြေညာချက် တစ်ရပ်ကို ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနက ဧပြီလ ၁ ရက်နေ့က ထုတ်ပြန်ကြေညာခဲ့ရာ မူအားဖြင့်ကြိုဆိုရမည်ဖြစ်သည်။ အဆိုပါထုတ်ပြန်ကြေညာချက်တွင် ဦးစားပေးမြှင့်တင်မည့်ကဏ္ဍ ၂ဝ ပါဝင်ပြီး လယ်ယာစိုက်ပျိုးရေးကဏ္ဍ၊ အခြေခံအဆောက်အအုံဆောက်လုပ်ရေးကဏ္ဍ၊ စက်မှု ကဏ္ဍ၊ ရေထွက်ပစ္စည်းထုတ်လုပ်မှုကဏ္ဍ စသည်ဖြင့် ပါဝင်သည့်အပြင် ကဏ္ဍအလိုက် သက်သာခွင့်ရရှိနိုင်မှုကို အသေးစိတ်ရှင်းလင်းချက်များဖြင့်ဖော်ပြထားသဖြင့် ရင်းနှီး မြှုပ်နှံကြမည့်ကုမ္ပဏီများနှင့် လုပ်ငန်းရှင်များကို စိတ်ဝင်စားစေမည်ဖြစ်သည်။

အကယ်၍သာ ဤဝင်ငွေခွန်နှင့် အကောက်ခွန်ကင်းလွတ်ခွင့်၊ လျော့ပေါ့သက်သာ ခွင့်များကြောင့် နိုင်ငံတကာနှင့် ပြည်တွင်းရင်းနှီးမြှုပ်နှံမှုများ ဝင်ရောက်လာပါက အလုပ်အကိုင်အခွင့်အလမ်းများ များစွာပေါ်ပေါက်လာမည်ဖြစ်သည့်အပြင် အဆိုပါ ကြေညာချက်တွင် ထုတ်ကုန်လုပ်ငန်းများကို ပိုမိုဦးစားပေးထားသဖြင့် သွင်းကုန် အစားထိုးလာနိုင်ခြင်း၊ ပြည်ပသို့ကုန်ပစ္စည်းများ ပြန်လည်တင်ပို့လာနိုင်ခြင်းများ စသည့် စီးပွားရေးအလားအလာကောင်းများ ဖြစ်ပေါ်လာနိုင်မည်ဖြစ်သည်။

သို့ရာတွင် ဝင်ငွေခွန်နှင့် အကောက်ခွန်ကင်းလွတ်ခွင့်များပေးရာတွင် အချို့ ကုန်ထုတ်လုပ်ငန်းများကို နှစ်အကန့်အသတ်မရှိပေးထားခြင်းများလည်း ပါဝင်ရာ နိုင်ငံတော်နှင့် နိုင်ငံသားများရေရှည်အကျိုးစီးပွားအတွက် အထူးသတိပြုသင့်ကြောင်း ဖော်ပြလိုသည်။ နိုင်ငံတကာတွင်လည်း ရင်းနှီးမြှုပ်နှံမှုများဝင်ရောက်လာစေရေး အလွန်အကျွံအလျှော့ပေးဆွဲဆောင်မှုများကြောင့် ရေရှည်တွင်မအောင်မမြင်ဖြစ်ကာ ကျဆုံးခဲ့ရသည့်ဥပမာများကိုလည်း သတိပြုသင့်လှပါသည်။

ယခင်အစိုးရများလက်ထက်က အလားတူဆွဲဆောင်မှုများ ဆောင်ရွက်ခဲ့သော် လည်း စွမ်းအင်ကဏ္ဍ၊ သတ္တုထုတ်လုပ်ရေးကဏ္ဍ စသည့် သယံဇာတထုတ်လုပ်သည့် လုပ်ငန်းများတွင်သာ ရင်းနှီးမြှုပ်နှံမှုများခဲ့ပြီး လယ်ယာနှင့်စိုက်ပျိုးရေးကဏ္ဍတွင် ရင်းနှီး မြှုပ်နှံသူ နည်းပါးခဲ့သည်။ မြန်မာနိုင်ငံသည် စိုက်ပျိုးရေးကိုအခြေခံသည့်နိုင်ငံဖြစ်ပြီး နိုင်ငံလူဦးရေ၏ ၇ဝ ရာခိုင်နှုန်းနီးပါးမှာလည်း စိုက်ပျိုးရေးကိုအခြေခံသည့် လုပ်ငန်း များနှင့် ပတ်သက်ဆက်နွှယ်မှုရှိနေရာ NLD အစိုးရလက်ထက် ပြုပြင်ပြောင်းလဲရေး ဆောင်ရွက်ရာတွင် လယ်ယာနှင့်စိုက်ပျိုးရေးကဏ္ဍ ဖွံ့ဖြိုးတိုးတက်လာရေးကို အလေးပေးဆောင်ရွက်သင့်သည်။

မိမိနိုင်ငံ၏ပတ်ဝန်းကျင်တွင် လူဦးရေအလွန်များပြားသည့်နိုင်ငံများဝန်းရံလျက် ရှိပြီး ကြီးမားသောဈေးကွက်ရှိနေပြီးဖြစ်ရာ ဈေးကွက်ဝင်သီးနှံများစိုက်ပျိုးရန်နှင့် တန်ဖိုးမြင့်ထုတ်ကုန်များ ထုတ်လုပ်နိုင်ရန်သာ အရေးကြီးသည်။ တစ်ချိန်တည်းမှာပင် ရင်းနှီးမြှုပ်နှံသူများအတွက် အဟန့်အတားဖြစ်နေသည့် လမ်းပန်းဆက်သွယ်ရေး၊ လျှပ်စစ်ရရှိမှု၊ စိုက်ပျိုးရေ အစရှိသည့်အခြေခံလိုအပ်ချက်များ ဖြည့်ဆည်းပေးနိုင်ရေး အစီအမံများ ကြိုတင်လုပ်ဆောင်ထားရမည်ဖြစ်သည်။အချုပ်အားဖြင့်ဆိုရသော် နိုင်ငံတကာရင်းနှီးမြှုပ်နှံမှုများကို ဆွဲဆောင်မှုရှိသော၊ ဝင်ငွေခွန်နှင့် အကောက်ခွန်ကင်းလွတ်ခွင့်များပါဝင်သည့် အစိုးရ၏ကြေညာချက်ကို ကြိုဆိုပါသည်။ နိုင်ငံတော်၏ စီးပွားရေးအနာဂတ်အတွက် မျှော်လင့်ချက်ရောင်ခြည်လည်း ဖြစ်ပါသည်။ နိုင်ငံတော်နှင့် နိုင်ငံသားတို့ရေရှည်အကျိုးကိုမျှော်ကိုး၍ တာဝန်ရှိသူများ၊ ပညာရှင်များ၊ လုပ်ငန်းရှင်များအားလုံးက သတိနှင့်ကိုင်တွယ်ဆောင်ရွက်သင့်ပါကြောင်း တိုက်တွန်းရေးသားဖော်ပြအပ်ပါသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*