ကြားဖြတ် ရွေးကောက်ပွဲတွင် မသန်စွမ်း မဲဆန္ဒရှင်များ အလွယ်တကူ မဲပေးနိုင်ရေး ကူညီပေးမည်

(ရန်ကုန်၊ မတ် ၂၄)

မသန်စွမ်း မဲဆန္ဒရှင်များ လာမည့် ကြားဖြတ် ရွေးကောက်ပွဲတွင် အလွယ်တကူ မဲပေးနိုင်ရေး အတွက် မြန်မာနိုင်ငံ မသန် စွမ်းသူများ ရှေ့ဆောင် အဖွဲ့(MILI)က ကူ ညီ ဆောင်ရွက်ပေးသွားမည် ဖြစ်သည်။

မသန်စွမ်း သူများ၏ အခွင့်အရေး မဆုံးရှုံးစေရန်နှင့် မသန်စွမ်း အခန်း ကဏ္ဍကို မြှင့်တင်ရန် ရည်ရွယ်ပြီး ယင်းကဲ့သို့ ကူညီ ရခြင်းဖြစ်ကြောင်း အဆိုပါ အဖွဲ့မှ စီ မံကိန်း တာဝန်ခံ မသိမ့်သိမ့်ဖူးက ပြော သည်။

ရန်ကုန်တိုင်းတွင် ကြည့်မြင်တိုင်၊ ကော့မှူး၊ လှိုင်သာယာ၊ စစ်ကိုင်းတိုင်း မုံရွာနှင့် ချင်းပြည်နယ် ထန်တလန် မဲဆန္ဒနယ်မြေတို့တွင် မသန်စွမ်း သူများ မဲပေးနိုင် ရန် ကူညီပေးမည်ဖြစ်ကြောင်း၊ လက်ရှိတွင် MILI သည်  အဆိုပါ မဲဆန္ဒနယ်မြေများ အတွင်း ရွေကောက်ပွဲ ဆိုင်ရာ အသိပညာ ပေး သင်တန်းများကို ပြုလုပ်လျက် ရှိ ကြောင်း သိရသည်။

မသန်စွမ်းသူများ မဲပေးရာတွင် မဲပေး သည့် မဲပုံးနေရာသို့ မည်သူ တစ်ဦးတစ် ယောက်မျှ လိုက်ပါ ကူညီခြင်းမရှိဘဲ ၄င်း တို့ ကိုယ်တိုင် မဲပေးနိုင်ရန် စီစဉ်ထား ကြောင်း ၄င်းကပြောသည်။

”မျက်မမြင်တွေ အတွက်ဆို ရင် ဘယ် ဟာက ဘယ်ပါတီကဘယ်သူလဲဆိုတာကို သူတို့ ကိုယ်တိုင် သိနိုင်အောင် မဲစာရွက် ပေါ်မှာ တုံးလေးတွေ တင်ပေးထားမယ်”ဟု ၄င်းက ပြောသည်။

ထိုသို့ ကူညီခြင်း လုပ်ငန်းကို ပြည် ထောင်စု ရွေးကောက်ပွဲကော်မရှင်နှင့် ပူး ပေါင်း ပြုလုပ်ခြင်းဖြစ်ပြီး MILI ဝန်ထမ်း များနှင့် မဲရုံကိုယ် စားလှယ် များက ကူညီကြ မည် ဖြစ်သည်။

ယင်းအပြင် ရွေးကောက်ပွဲ ကာလ အတွင်း မသန်စွမ်း များ၏ မဲပေးမှုအခြေ အနေများကို စောင့်ကြည့် သွားမည် ဖြစ် ကြောင်း ၄င်းက ပြောသည်။

မသန်စွမ်း သူများ အလွယ်တကူ မဲပေးနိုင်ရေးအတွက် ရွေးကောက်ပွဲဆိုင်ရာ ဥပဒေ များကို ပြင်ဆင် ဖြည့်စွက်နိုင်စေ ရန် မသန်စွမ်း အဖွဲ့များက ကြိုးစားခဲ့ကြ သည်။

MILI သည် ၂ဝ၁၅ ရွေးကောက်ပွဲ တွင်လည်း မဲဆန္ဒနယ်မြေ ၁၅ နေရာ၌ မသန်စွမ်းသူများ အလွယ်တကူ မဲပေး နိုင်ရေးအတွက် ကူညီခဲ့ကြသည်။

၂ဝ၁၄ ခုနှစ်က ကောက်ယူခဲ့သည့် သန်းခေါင်စာရင်း အရ မြန်မာတစ်နိုင်ငံ လုံးတွင် မသန်စွမ်း အရေအတွက် ၂ ဒသမ ၃ သန်း၊ ရာခိုင်နှုန်းအားဖြင့် ၄ ဒသမ ၆ ရာခိုင်နှုန်း ရှိပြီး အသက်ပြည့်ပြီး မဲပေးနိုင် သည့် မသန်စွမ်း လူဦးရေ ၁ သန်းခန့် ရှိ နေသည်။

လင်းဟိန်း