အဂတိလိုက်စားမှု တိုက်ဖျက်ရေး ကော်မရှင်ရုံးသို့ တိုင်ကြားမှုများတွင် ရန်ကုန်တိုင်းမှ အများဆုံးဖြစ်နေ

အဂတိလိုက်စားမှု တိုက်ဖျက်ရေး ကော်မရှင်ရုံးသို့ တိုင်ကြားမှုများတွင် ရန်ကုန်တိုင်းမှ အများဆုံးဖြစ်နေ
March 3, 2017 Asian Fame

10:48 am
အဂတိလိုက်စားမှု တိုက်ဖျက်ရေး ကော်မရှင်ရုံးသို့ တိုင်ကြားမှုများတွင် ရန်ကုန်တိုင်းမှ အများဆုံးဖြစ်နေ

လင်းဟိန်း
ရန်ကုန်၊ ဖေဖော်ဝါရီ ၂၈

အဂတိလိုက်စားမှု တိုက်ဖျက်ရေးကော်မရှင်ရုံးသို့ သုံးနှစ်ခန့်အတွင်း တိုင်ကြားခဲ့သည့်အမှုများတွင် ရန်ကုန်တိုင်းအတွင်းမှ တိုင်ကြားစာအများဆုံးဖြစ်ကြောင်း သိရ သည်။ မြန်မာတစ်နိုင်ငံလုံးအတိုင်းအတာဖြင့် တိုင်ကြားစာပေါင်း ၂၇၃၈ စောင်ရှိခဲ့သည့်အနက် ၇၃၄ စောင်မှာ ရန်ကုန်တိုင်းအတွင်းမှ ဖြစ်ပြီး အများဆုံးဖြစ်သည်။ရန်ကုန်တိုင်းအတွင်းတွင် စီးပွားရေးလုပ်ငန်းများ ပိုများသော ကြောင့် တိုင်ကြားစာ များနေခြင်း ဖြစ်ကြောင်း ရန်ကုန်တိုင်း ကျောက်တံတားမြို့နယ် လွှတ်တော်ကိုယ် စားလှယ် ဒေါ်ကြည်ပြာက ပြောသည်။

”ရန်ကုန်မှာက စီးပွားရေးလုပ်ငန်းတွေ များတာကိုး။ ပြီးတော့ ဌာနဆိုင်ရာတွေက အောက်ခြေပိုင်းဝန်ထမ်းတွေကလည်း လာဘ်စားကြတယ်”ဟု ဒေါ်ကြည်ပြာက ပြောသည်။ လက်ရှိအစိုးရသစ်အနေဖြင့် ဌာနဆိုင်ရာ ဝန်ထမ်းများ၏လာဘ်စားမှု ပပျောက်ရေးနှင့် အဂတိလိုက်စားမှုများ ကင်းရှင်းရေးအတွက် အချိန်ယူပြီးကြိုးစားရန် လို အပ်နေသေးကြောင်း ဒေါ်ကြည်ပြာက ပြောသည်။ အဆိုပါ တိုင်ကြားစာများ အ နက်တိုင်ကြားစာ ၂၄ စောင်ကိုသာ အရေးယူဆောင်ရွက်ပြီး စစ်ဆေး ဆောင်ရွက်ဆဲ တိုင်ကြားစာ ၄ စောင်ရှိသည်။

ယင်း တိုင်ကြားစာများထဲတွင် မန္တလေးတိုင်းမှ တိုင်ကြားစာပေါင်း ၄၇၇ စောင်ရှိခဲ့ပြီး ဒုတိယအများ ဆုံးဖြစ်ကာ ကယားပြည်နယ်မှ တိုင်ကြားစာ ၆ စောင် ရှိခဲ့ပြီး တိုင် ကြားစာ အနည်းဆုံးဖြစ်သည်။ ယင်း တိုင်ကြားစာများထဲမှ တိုင်ကြားစာပေါင်း ၂ဝ၇၄ စောင် သည် အဆင့်မြင့် ပုဂ္ဂိုလ်များထံ လိပ်မူတိုင်ကြားခြင်း၊ သက်သေအ ထောက်အထား ခိုင်လုံမှုမရှိခြင်း၊ တရားရုံးတွင် ရင်ဆိုင်စစ်ဆေးဆဲ ဖြစ်ခြင်းတို့ ဖြစ်နေသောကြောင့် မှတ်တမ်းအဖြစ်သာ ထားရှိကြောင်း ကော်မရှင်ရုံးမှ သိရသည်။ အဆိုပါ တိုင်ကြားစာများသည် ပြီးခဲ့သည့် ၂ဝ၁၄ ခုနှစ် အောက်တို ဘာလ ၃ ရက်နေ့မှ ၂ဝ၁၇ ခုနှစ် ဇန်နဝါရီလ ၃၁ ရက်နေ့အထိ တိုင်ကြားစာများ ဖြစ်သည်။

Comments (0)

Leave a reply

Your email address will not be published. Required fields are marked *

*