မြန်မာပြည် တောင်ဖျားက မရှူနိုင် မကယ်နိုင်ဖြစ်နေတဲ့ သန္တာကျောက်တန်းတွေ

မြန်မာပြည် တောင်ဖျားက မရှူနိုင် မကယ်နိုင်ဖြစ်နေတဲ့ သန္တာကျောက်တန်းတွေ
February 24, 2017 Asian Fame

12:01 pm
မြန်မာပြည် တောင်ဖျားက မရှူနိုင် မကယ်နိုင်ဖြစ်နေတဲ့ သန္တာကျောက်တန်းတွေ

Black-Dreamမြန်မာနိုင်ငံသည် မြောက်ဖျားမှ တောင်ဖျားသို့တိုင် သဘာဝအလှ အပများဖြင့် ပြည့်နှက်နေသော နိုင်ငံ တစ်နိုင်ငံဖြစ်သည်။ ထို့အပြင် ရှည်လျားသော ကမ်းရိုးတန်းကို ပိုင်ဆိုင်ထားရကာ အပန်းဖြေချင် စရာကမ်းခြေများ၊ ရိုးရာ ယဉ်ကျေး မှုများ၊ ကျွန်းစုများ စသဖြင့် ထုံ လွှမ်းနေသော နိုင်ငံဖြစ်သည်။ မြန်မာနိုင်ငံ၏ တောင်ဖျား ဒေသ ဖြစ်သော တနင်္သာရီ တိုင်းဒေသ ကြီးရှိ ကျွန်းစုများ သည်လည်း အမျိုးမျိုးသော ဆွဲဆောင်မှုများနှင့် လှပနေဆဲဖြစ်သည်။ ဖွံ့ဖြိုး တိုးတက် လာသော ခရီးသွား လုပ်ငန်းများ ကြောင့် အဆိုပါ ကျွန်းစု များသို့ အလည်အပတ် သွားကြသူများ ယခုနောက်ပိုင်းနှစ် များတွင် ပို၍ များပြားလာသည်။ ကျွန်းများ တဝိုက်ရှိ ရေနှင့်အတူ ယိမ်းနွဲ့နေ သော သန္တာကျောက်တန်းများက အဆိုပါ ခရီးသွားများကို ထပ်ခါ ထပ်ခါ လာစေရန် လက်ယပ်ခေါ် နေသကဲ့သို့ပင်ရှိသည်။

သို့သော်လည်း ထိုကဲ့သို့ သန္တာ ကျောက်တန်းများ၏ အလှ အပများသည် လူလုပ်အမှားများ ကြောင့်ပင် တဖြည်းဖြည်း ပျက်စီး နေကာ ကျွန်းတချို့၏ သန္တာ ကျောက်တန်းများမှာ ကျိုးကြေ ပျက်စီးကာ မည်သို့မှ ပြန်လည် ပြုပြင်၍ မရနိုင်တော့လောက် အောင်ပင် ပျက်စီးနေသည် ကို မျက်ဝါးထင်ထင် မြင်တွေ့မိလျှင် သဘာဝ ပတ်ဝန်းကျင်ကို အလေး ထားသူတစ်ယောက် ဆိုလျှင်ယူကြုံး မရဖြစ်မိမည် အမှန်ပင် ဖြစ်သည်။

မြန်မာ့ ပင်လယ်ကြမ်းခင်းရှိ သန္တာကျောက်တန်း များ အထိန်း အကွပ် အားနည်းခဲ့ရာမှ တစ်စစ ပိုပို ပျက်စီးလာခဲ့ပြီ ဖြစ်သည်။

ယင်းသို့ ပျက်စီးခြင်းသည် လူသားတို့ ဖျက်ဆီးမှုနှင့် ရာသီဥတု ပြောင်းလဲမှု တို့ကြောင့်ဟု လက်ရှိ မြန်မာအစိုးရ တာဝန်ရှိသူတို့နှင့် ပညာရှင်တို့က တညီတညွတ်တည်း လက်ခံထားသည်။ သန္တာကျောက် တန်းများ ပျက်စီးသွားပါက ငါး ပေါက်ဖွားနှုန်း ကျဆင်းခြင်း၊ ငါး မျိုးစိတ်များ အုပ်စုလိုက် ပြောင်းရွှေ့ သွားခြင်းများ ဖြစ်ပေါ်တတ်သဖြင့် သားငါးသယံဇာတ ပြုန်းတီးမှုများ ကြုံတွေ့လာနိုင်သည်ဟု နိုင်ငံ တကာ တောရိုင်းတိရစ္ဆာန် နှင့် သဘာဝအပင် များအဖွဲ့  (FAUNA AND FLORA INTER­NATI­ONAL MYANMAR – FFI) မှသိရသည်။ မြိတ်ကျွန်းစုများရှိ သန္တာကျောက်တန်း များ၏ ပျက်စီး မှုသည် ၇ဝ ရာခိုင်နှုန်းခန့်ပင်ရှိ နေပြီဟု ၄င်းတို့အဖွဲ့၏ သုတေသန မှတ်တမ်းများအရ သိရသည်။

N00C3362ပင်လယ်ပြင်အတွင်းရှိ သားငါး သယံဇာတ များသည် သန္တာ ကျောက်တန်းများကို အိမ်များကဲ့ သို့ သတ်မှတ် အခြေပြုနေထိုင်ကာ အချို့သန္တာ ကျောက်တန်းများက လည်း ငါးအချို့တွင် တွယ်ကပ်နေ သည့် ဘက်တီးရီးယား ပိုးမွှားများ ကိုစားသုံးခြင်းစသဖြင့် သန္တာ ကျောက်တန်းနှင့် ငါမျိုးစိတ်တို့ သည် အပြန်အလှန် အကျိုးပြုနေ သည့် ဂေဟစနစ် တစ်ခုဖြစ်သည်။  သန္တာကျောက်တန်းများကြား ငါး သားပေါက်ခြင်း၊ ပြန်ထွက်သွားပါ က သားပေါက်ချိန် ပြန်လာကြ ခြင်းနှင့် အချို့မှာ ယင်းကျောက်တန်း များအကြားတွင်ပင် ကျက် စား နေထိုင်နေကြသည်။ သန္တာကျောက် တန်း ပျက်စီးမှု များသည် အပူချိန် များလာခြင်းကြောင့်ဖြစ်သည်မှာ နည်းပြီး လူနေသည့် နေရာနှင့် အနီးဆုံးနေရာ များတွင် ပိုပျက်စီး နေပြီး မိုင်းခွဲငါး ဖမ်းဆီးခြင်း၊ လှေ ကြီးများ ကျောက်ချ ရပ်နားကြခြင်း၊ တရွတ်ဆွဲလှေများ၏ ခဲပြားကြီးများ နှင့် ပိုက်အောက်ခြေရှိ သံကွင်း၊ ခဲသီး စသည့် မာကျောသော ပစ္စည်းများ ဖြင့် တရွတ် ဆွဲခံရခြင်းတို့ကြောင့် ဖြစ်ကြောင်း သိရသည်။

လောင်းလုံးမြို့နယ်၏ ပင်လယ် ကမ်းခြေ တစ်ခုဖြစ်သော စမ်းလှမ်း ရွာတွင် အလုပ် လုပ်ကိုင်သည့် ဦးမောင်ကြီးက ငါးဗုံးခွဲလှေ များ ရေအောက်ကြမ်းခင်း သန္တာကျောက် တန်းများတွင် ဒိုင်းနမိုက်များ ဖောက်ခွဲကာ ငါးဖမ်းဆီး သဖြင့် ကျောက်ဆောင်များ ပျက်စီး ပျောက်ကွယ်မှု အမြဲ ကြုံနေရသည် ဟု ဆိုသည်။

”မိုင်းခွဲသမား တစ်ယောက်က ပြောတယ်။ သူမိုင်းခွဲခဲ့တဲ့ ကျောက် ဆောင်နေရာ ကို တစ်လ ကြာချိန် ပြန် သွားကြည့်တော့ ကျောက် ဆောင်တွေ ပျောက်ပြီး သဲပြင်ကြီး ဖြစ်နေသတဲ့” ဟု ဦးမောင်ကြီးက ပြောသည်။

(FFI) ၏ အဆိုအရ ဒေသခံ များက ပျက်စီးစေရန် ရည်ရွယ် ချက်မရှိဘဲ စီးပွားရေး အရ ငါးဖမ်း ဆီးခြင်း၊ နုတ်ယူ ရောင်းချခြင်းများ မှာ သန္တာကျောက်တန်း များ၏ တန်ဖိုးကို နားမလည်သည့် အတွက် အသိပညာပေးခြင်း လုပ်ငန်းများ လုပ်ကိုင်ခြင်း၊ သန္တာကျောက်တန်း မပျက်စီးသည့် ငါးဖမ်း ကိရိယာများ ဖြင့် ငါးဖမ်းစေခြင်းများ ပြုလုပ်စေ သင့်သည် ဟု ထောက်ပြသည်။

သို့သော် တနင်္သာရီပင်လယ် ပြင်၌ ပျက်စီးခဲ့သော သန္တာကျောက် တန်းများအား အစားပြန်လည် ပျိုးထောင်ခြင်း ပြုလုပ်ရန် အစီအစဉ် မရှိသေးကြောင်း တိုင်းဒေသကြီး သယံဇာတနှင့် ပတ်ဝန်းကျင်ထိန်း သိမ်းရေး ဝန်ကြီး ဦးမြင့်မောင်က ပြောသည်။ ယင်းသို့ စိုက်ပျိုးရန် မှာ အစိုးရရန်ပုံငွေ များစွာ သုံးစွဲရ မည်ဖြစ်ပြီး လက်ကျန်သန္တာ ကျောက်တန်း များကိုသာ ဦးစားပေး ထိန်းသိမ်း ကာကွယ်ရမည်ဟု ၄င်း က မှတ်ချက်ပြုသည်။

ထို့ပြင် တိုင်းဒေသကြီး အစိုးရအဖွဲ့ အနေဖြင့် သန္တာကျောက်တန်း များအား ထိန်းသိမ်းရန် ပင်သီးခြား စီမံချက် ဆွဲထားခြင်း မရှိသေးဟု ဝန်ကြီး ဦးမြင့်မောင်က ဆိုသည်။ လက်ရှိတွင် သန္တာကျောက်တန်းများ ဆက်လက် မပျက်စီးရန် ပင်လယ် ခရီးသွား လုပ်ငန်းနှင့် ပုလဲမွေးမြူ ရေးလုပ်ငန်းများအား တွင်တွင် ကျယ်ကျယ် လုပ်ဆောင်နိုင်ရန် ဦးစားပေး စီစဉ်နေသည်ဟု ၄င်းက ဆိုသည်။ ခရီးသွား လုပ်ငန်းနှင့် ပုလဲမွေးလုပ်ငန်းများ လုပ်ကိုင်ပါ က လူသွားလူလာ များလာစေခြင်း ဖြင့် သန္တာကျောက်တန်း များကို အဓိက ဖျက်ဆီးနေ သည့် ဗုံးခွဲငါး လှေများနှင့် တရွတ်ဆွဲ ငါးဖမ်းလှေ များအတွက် အဟန့်အတား တစ်ခု ဖြစ်စေလိမ့်မည်ဟု ဦးမြင့်မောင် က သုံးသပ်သည်။

”တကယ် သုတေသနလုပ် နေတဲ့သူတွေက ဒီသန္တာကျောက် တန်းတွေက ပြန်ရှင်ဖို့ နှစ်ပေါင်း များစွာ အချိန်ကြာတယ် ပြောတယ်။ ခရီးသွား လုပ်ငန်းလုပ်ရင်း နဲ့ လူသွားလူလာ များလာရင် တရား မဝင် လုပ်ရပ်တွေ လျော့နည်း သွားမယ်လို့ ထင်ပါတယ်” ဟု ဝန်ကြီး ဦးမြင့်မောင် ကပြောသည်။

ပင်လယ် ခရီးသွား လုပ်ငန်းကို တွင်တွင်ကျယ်ကျယ် လုပ်ကိုင်မည်ဟု ၄င်းက ထိုသို့ပြောဆို နေသော်လည်း ပင်လယ်ခရီးသွား လုပ်ငန်း လုပ်ကိုင် သူများကမူ ငါးဖမ်း စက်လှေများကို အဓိက အပြစ်တင်ကြသည်။

”ကျွန်တော်တို့က မြိတ်ဘက် က ကျွန်းတွေအတွက် ခရီးသွား လုပ်ငန်း လုပ်တယ် ဆိုပေမယ့် ဟိုဘက်မှာလည်း သန္တာကျောက် တန်းတွေ ပျက်စီးကုန်ပြီလေ။ နည်းနည်းပဲ ရှိတော့တယ်။ ထား ဝယ်ဘက်က ကျွန်းတွေ မှာလည်း ကျန်တဲ့နေရာက ခပ်ပါးပါးပဲ ရှိ တော့တယ်။ ခရီးသွားတွေကို ကျွန်တော်တို့က သန္တာကျောက် တန်းလေးတွေ ပြပြီး ခရီးသွားလုပ် ငန်း လုပ်နေရတာ။ ခုတော့ အဲဒီလို သဘာဝ နေရာတွေတောင် မနည်း လိုက်ရှာနေရတယ်” ဟု လောင်း လုံး ဒေသဘက်ရှိ ကျွန်းစုများတွင် သဘာဝ ခရီးသွားလုပ်ငန်း အတွက် သန္တာကျောက်တန်းများ လိုက်လံ ရှာဖွေနေသော  Mergui Chan­cellor Tours  ကုမ္ပဏီမှ ကိုဝင်း ဇော်ဦးက ပြောသည်။

ဦးစားပေး ထိန်းသိမ်း စောင့်ရှောက် မည့် ကျွန်းဧရိယာများ (Source-FFI)

ဦးစားပေး ထိန်းသိမ်း စောင့်ရှောက် မည့် ကျွန်းဧရိယာများ (Source-FFI)

ထားဝယ်ဒေသခံ ခရီးသွား လုပ်ငန်း လုပ်ကိုင်သူ မမိုးမိုးသူကမူ ”အရင်ကဆို ခရီးသည်တွေ လာရင် ငါးဖမ်း လှေသမားတွေက သန္တာ ကျောက်တွေချိုးပြီး ရောင်းတာတွေ တောင်ရှိတယ်။ နောက်ပိုင်းကျမှ ခရီးသည်တွေက သန္တာကျောက် တွေ ရှိလို့လာတယ် ဆိုတာ သေချာ ရှင်းပြမှ ဆက်ပြီး မလုပ်တော့တာ။ ဒါတောင် တချို့က ချိုးပြီးရောင်း နေကြတုန်းပဲ။ အစိုးရ အနေနဲ့ ဒီ ကိစ္စကို စနစ်တကျ ကိုင်တွယ်သင့် ပြီလို့ မြင်ပါတယ်။ မဟုတ်ရင် ခရီး သွား လုပ်ငန်းတွေလည်း ရပ်ဆိုင်း ကုန်တော့မယ်” ဟု ၄င်း၏အမြင် ကိုပြောသည်။

သန္တာကျောက်တန်းများတွင် သန္တာကောင်များ နှင့်အတူ ကြက် တူရွေးငါးများလည်း နေထိုင်ကြပြီး အဆိုပါ ငါးများသည် သန္တာ ကျောက် တန်း ရှိ အညစ်အကြေး တွေကိုစားသော သတ္တဝါ များဖြစ် ကြသည်။ ယခုအခါ အဆိုပါငါး များကို ဖမ်းဆီးမှုများလည်း ရှိနေပြီး ထိုင်းနိုင်ငံသို့ တရားမဝင် တင်ပို့မှု များပြုလုပ်နေကြောင်း ပေါ်ပြူလာ နယူးစ်က စုံစမ်းသိရသည်။

အဆိုပါ ငါးများ မရှိတော့ပါ ကလည်း သန္တာကျောက်တန်းများ ပျက်စီး သွားမည်ဖြစ်ကြောင်း သုတေသန ပြုလုပ်ချက်များ အရ သိရသည်။

နိုင်ငံတကာ တောရိုင်းတိရစ္ဆာန် နှင့် သဘာဝအပင် များအဖွဲ့ (FAUNA AND FLORA INTERNATIONAL MYAN­MAR) ၏ အဏ္ဏဝါ ရေပြင်ထိန်းသိမ်းရေး ညှိနှိုင်း ရေးမှူးဦးဇော်လွန်းက ”ကျွန်တော် တို့ကတော့ ပြန်ပြီး ထိန်းသိမ်းဖို့ အတွက် လုပ်နေပါတယ်။ ၇ဝ ရာ ခိုင်နှုန်း လောက်တော့ ပျက်စီးနေပြီ ပေါ့။ တချို့ အရမ်းကောင်းတဲ့ နေရာတွေလည်း ရှိသေးတယ်။ အဲဒီလို အရမ်းကောင်း တဲ့ နေရာ တွေနဲ့ ပြန်ပြီးအသစ်လေးတွေ ပြန်ဖြစ်နေတဲ့ နေရာတွေကို ဦးစား ပေးဧရိယာတွေ သတ်မှတ်ပြီး ထိန်း သိမ်းဖို့ ရှိနေ တယ်။ ဒေသ ခံတွေ ကိုယ် တိုင်ပူးပေါင်း ပါဝင်တဲ့ ထိမ်းသိမ်း ရေးလုပ်မှရမှာဗျ” ဟု ပြောသည်။

သန္တာကျောက်တန်း များကို ပို လစ် (Polyp)ဟုခေါ်သော အလွန် သေးငယ်သည့် ပင်လယ်ရေအောက် သတ္တဝါငယ်လေးများ အကောင် ရေ သန်းထောင်ပေါင်း များစွာဖြင့် ဖွဲ့စည်းတည်ဆောက် ထားခြင်း ဖြစ်သည်။ ပိုလစ် ရေသတ္တဝါငယ် လေးများသည် အမြဲ ဆာလောင်နေ ကြပြီး ယင်းတို့၏ အနီးမှ ဖြတ်သန်း ကူးခတ်သွားသော အကောင်ငယ် လေးများ၊ တီကောင်နှင့် သံပခြုပ် ကောင်များ၊ ငါးများကို အဆိပ်နှင့် ထိုးပြီး မေ့မျောအောင်ပြုလုပ်ကာ တိုက်ရိုက် မျိုချခြင်းအားဖြင့် အစာ ချက်လုပ်ကာ ရှင်သန်ကြရသည်။

ထို့ကြောင့် သန္တာကျောက် တန်း၏ ဗိသုကာ များဖြစ်ကြသော၊ သန္တာပိုလစ်ကောင် ကလေးများ၏ ဇီဝယန္တရား စဉ်ဆက်မပြတ် လည်ပတ် မှုဖြင့်ဖြစ်တည်လာသော၊ သက်တမ်း အားဖြင့် နှစ်ပေါင်း သန်းနှင့်ချီ၍ ကြာမြင့်ခဲ့ပြီ ဖြစ်သော၊ ပင်လယ်ရေ အောက် ဂေဟ စနစ်၏ အဓိပတိ ဖြစ်သော ရေနေသတ္တဝါ မျိုးစိတ် ပေါင်း ၃ဝဝဝ ကျော်၏ မှီခို အား ထား ရှင်သန်ပေါက်ပွားရာ ဖြစ် သော သန္တာကျောက်တန်း များကို ပျက်စီးမှုဖြစ်စေမည့် လုပ်ရပ် မှန်သမျှကို ရှောင်ရှား ကြခြင်းအား ဖြင့် သန္တာကျောက်တန်းများက လည်း ဂေဟ စနစ်ကောင်း မွန် ပြည့်စုံသော ရေအောက်ကမ္ဘာ လောကကြီး အဖြစ် ထာဝရအလှ ဆင်ပေးနေလိမ့်မည် ဖြစ်ပေသည်။

မှူးအိမ်ဇော်

Comments (0)

Leave a reply

Your email address will not be published. Required fields are marked *

*